ليام علمنى كل شى انديره..

من طرف **زهرة اللوتس** 2012-01-10, 10:08 am

ليام علمنى كل شى انديره
نرضى بوضمير امعا عديم ضميره
علمنى طاعه
وبما يحكن ليام لى قناعه
ومرن علل الخاطر جميع انواعه
احداث الزمان صغيرهن وكبيره
انواتن الذيلى ايمتعن بذراعه
وفعل الدناوه لدنى تفخيره
وماتريد تنقص من ابشاع بشاعه
ولاعلية من مال الزمان ايعيره
وبلاعظم مانركن الباب صناعه
حتى ونا انقاسى في اضروف عسيره
عودنى صابر
امواعظ وحكمه فالزمان الغابر
امرورى عليهن مو امرور العابر
دارس ارواياته واساطيره
يرفع انذال ويشوى مقام اكابر
ويخلى مكان فرسانه واباطيره
وسكانت قصوره يسكنوا المقابر
امدد اطوال وايام القصور قصيره
هبا ماسعى منها غير اشابر
خبر كان كى عبده وكيف أميره
الفوز بالعمل يوم الجحيم الكابر
ورا الحى مايدرى على مصيره
واصحاب المعارف فالحياة تجابر
دنيا فانيه ماتريد غير ستيره
عودنى عفه
ولاتشطنى دنيا ولا زخرفه
ذايق مرارته وذقت اطرفه
واخيارات عندى فالهموم خيره
واخطا جارهن خلف النعش والزفه
وباكى ادموع الفرح والتكديره
دنيا اتعز النفس وتهفه
وكل يوم تنظر فالزمان نضيره
واحواش نمل ويشيله جمل في خفه
دون العنى ع النفس متصغيره
عودنى حكمـه
وحساس بالطلقه وبلى شكمه
ولى وذن طرشه وله اللسانى بكمه
ونجاهل ونا عارف العلل تفسيره
واخذ على شيله الحمل وعكمه
ونضحك ونا فوقى اهموم كثيره
ومتعود على مشى الحفى ولكمه
واللى امفوته ماضى اتفوت غيره
وفزعت عدوك في اغلابك دكمه
ولاخير ترجى من اشكال حقيرة
ليام علمنى كل شى نديره
نرضى بوضمير امعا عديم ضميره
منقول