انهنيك يالبيضاء

من طرف **العاشق الصغير** 2012-02-01, 8:07 pm

انهنيك يا البيضاء على ما درتى
خيرك سبق عالكل ما قصرتي

الله عطاك
اولادك تريس اوشانهم علاك
... ... في كل جبهه صامدين ضناك
الله والنبي بالله ما كبرتي

فيك ارجال
اوقات الشدايد صامدين ابطال
اولاد فخر مايعرفو موحال
ديما علي مبداك ما غيرتي

في ايام زمانك
ماتو اولادك ضلم في وديانك
جابو اجيوش او فتشو حيشانك
ابروحك علي ضلم الطواغي ثرتي

ما القيتي والي
ايام دمعك كف يدك مالي
ديما علي كلمت انا ما اتسالي
اولا يوم عمرك للفخر دورتي

انهنيك ياالبيضاء علي ما درتيه

مدينة الجهاد الصامت دومتي لنا فانتي معقل الرجال وانتي الشراره يالبيضاء الخالده