منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» اهالي طبرق يمهلون النواب والحكومة أسبوعا لحل مشكلة المياه
اليوم في 9:25 am من طرف STAR

» انطلاق الامتحانات العمليّة والسريريّة بكلية التقنية الطبية بجامعة طبرق
اليوم في 9:25 am من طرف STAR

» الانتهاء من أعمال الرصف بطريق السابع ببلدي البيضاء
اليوم في 9:19 am من طرف STAR

» البريقة تعلن وصول ناقلتي نفط وغاز إلى ميناء طبرق النفطي
اليوم في 9:18 am من طرف STAR

» مصرف ليبيا المركزي ينفي خبر وصول دفعة من العملة الصعبة إلى مطار الأبرق
اليوم في 9:18 am من طرف STAR

» شركة لبيانا تُعيد الخدمة لمنطقة وادي زمزم
اليوم في 9:18 am من طرف STAR

» وُصول مُعدات وتجهيزات خاصة بمنظُومات الإنترنت إلى غات
اليوم في 9:13 am من طرف STAR

» اسكنْ مجاناً واحصل على تذاكر طيران وحفلات بأقل الأسعار.. 11 تطبيقاً لا بد منها أثناء السفر
اليوم في 9:03 am من طرف STAR

» إسعافات أولية لا بد منها.. تعرَّف على الطريقة الأفضل لعلاج آثار المواد الحارقة
اليوم في 9:02 am من طرف STAR

» فارق الراتب بينهما يصل إلى 5 أضعاف.. مذيعات BBC طالبن بالمساواة مع المذيعين
اليوم في 9:01 am من طرف STAR

» يتخفَّى في الواتساب ويسجل مكالماتك وفيديوهاتك سراً.. تحذيرات من فيروس الفدية GhostCtrl الج
اليوم في 9:01 am من طرف STAR

» عانقت عامود الكهرباء لتقتل نفسها هرباً من منزل سيدتها.. شاهد ما حصل لعاملة إثيوبية حاولت ق
اليوم في 8:59 am من طرف STAR

» ويليام وهاري نادمان على ما فعلاه مع والدتهما الأميرة ديانا قبل موتها.. إليك ما حدث في مكال
اليوم في 8:55 am من طرف STAR

» "حسناء الموصل" التي حيَّرت العالم بحقيقتها تدلي بأول تصريح لها.. فماذا قالت عن تنظيم "داعش
اليوم في 8:53 am من طرف STAR

» هذا ما يفعله الكركم بالجروح !
اليوم في 8:43 am من طرف STAR

بحـث
 
 

نتائج البحث
 


Rechercher بحث متقدم


راجل ونسيبته(أم زوجته)

استعرض الموضوع السابق استعرض الموضوع التالي اذهب الى الأسفل

راجل ونسيبته(أم زوجته)

مُساهمة من طرف فاتن الدرناوية في 2012-02-05, 10:04 pm

طلعوا على الحوار الشعري اللطيف بين نسيبة (أم الزوجة) وبين النسيب (زوج الإبنة) تطبيقاً حياً لما يجب أن تكون عليه العلاقة بين هذين المخلوقين الناعمين الليبيين وفقاً لمقاييس إجتماعية ليبية عالية الجودة. تفضلوا:




صاحبى

شن درتلك يا نسيبتي كرهتيني * فى الراس حطيتينى * بعد المحبة ليش عاديتيني
شن درتلك من سيه * وشن درتلك من عيب ردي عليا
متغيره لقيتك ومش عاديه * علقتي طواري وين ماشفتيني
انا جيت نبي انردها البنيه * وقبل مانتكلم طول سكتيني



نسيبته
اسمع كلامي فسرا مدلولا * انا رضيت بيها نسبتك مهبولا
وحرام لشكلك بنتنا نعطولا * بنتي معاك فى حال مايرضيني
انا رميتها فى غوط خالي سبولا * ومالقيت مره حالها يزهيني



:صاحبى
عليا بالهجوم بديتي * ومسرع معايا فى الكلام حميتي
مانيش غالط كيف ماضنيتي * حكمتي عليا غلط وظلمتيني
غير ليش منها نسبتي مليتي * انتي عارفه بالحال وقبلتيني




: نسيبته
قبلت غصبن عني * الله يسامح الشايب اللى خبلني
مسكر دماغك ماتبي تفهمني * انقول برا ايسار تمشي ايمينيبنتي معاك فى حال ماطمني * وديما عليها خاطرى مشقيني





:صاحبى
بنتك معايا فى هنا وسعاده * وتضحك وتلعب دوم كيف العاده
واللى نقصها انوفره فميعاده * وشنهي نقصها وضحي وريني
والخير ديما ان شاء الله فـ زياده * مادام نخدم بـعرق جبيني




: نسيبته
بنتي معاك سنيين شن درتلها * وقداش مره اثاث غيرتلها
رابش عقاب كريهبا شريتلها * الدخان من الماطور بيعميني
انا عارفه للفقر بتوصلها * يصعب عليا حالها يبكيني




:صاحبى
بنتك معايا مااختصت حاجه * وماهيش زيك عل النكد لواجه
ولا ناقصه لاغاز لاثلاجة * وقداش من دولاب فايضه ادراجه
ونوضي انشديها كان كذبتيني





: نسيبته
عيشت الله العازا * شوف اختها اللى عايشه ممتازه
حتا الهاتف غيرت جيهازا * ولت على النقال بتحاكيني
اشبح عديلك خاشها درازا * رصيد بالدولار واسترليني
ماهوش زيك حالته محتاجه * وديما جيوبه خاليه ملاقيني




: صاحبى
تو راك معاي عفنتيها * وماعاد حتى دوتك نبيها
وكان الوليه معاى بترديها * نبي جوابك مختصر تعطيني
وكل وقت عليا حملتك ترميها * وبكل كلمة قاصده اتهينيني





: نسيبته
يالوكان توصل للقمر مشوارك * محال بنتي انردها لدارك
تنسم ادردح والتهي بصغارك * ماعاد وجهك شبحته اتوريني
مليت منها نشفتك وقحارك * بنغلط معاك انكان مش خاطيني




:صاحبى
انتي غالطه والغلط فايت حده * مادامك لبيتي نويتي هده
انتي حرام حتى فيك كلمة جده * مادام عن الصلح صديتيني
الموضوع للقانون نبي انرده * والمحكمة بيناتنا اتصافيني




نسيبته
خوفتني ضنيتك * وماني فلانه انكان ماقديتك
تندم عليها عملتك خليتك * مادام للقانون بتمشيني
وبالك تحساب انخاف من شخصيتك * عاند معاي انكان متحديني




صاحبى
انا عارفك منقوبه * قليلة الخير وشيرتك مذهوبه
والشر ديمه تبحثي على دروبه * ولايوم من الايام ريحتيني
من يوم ريتك عيشتي منكوبه * وياريت ماعرفتك ولا عرفتيني




نسيبته
مسؤل عنها كلمتك هاذيه * انا الاوله بندير فيك قضيه
نقوللهم هالشخص غالط فيا * في وسط بيتى جاى متعديني
وذنبي عطيته بنت ماهي اشويه * حتا لون عيونها زرقيني
بيضه طويله كيف الالمانيه * وشوفو عليها كيف بيجازيني




:صاحبى
انا عارفك مدعيه * وفى الخبث ليك افكار شيطانيه
وفى الكذب ديما فالحه فنيه * نبي نفضحك للناس خليتيني
قلتي عطيتك كيف الالمانيه * وانتي بلوحه معوجه حذفتيني
ورضيت بقسمة الله عليا * وناصيب بالهول علي داعيني






نسيبته
شنهي شكلك عاجبا فى روحه * مادام بنتى وصفتها بلوحه
فى الفقر عايش ماك فى بحبوحه * ووجهك يبشر بهموم سنينيا نا قريب نشبح جبهتك مفتوحه * لوكان ماتمشيش وتباريني





:صاحبى
انا قبل مانمشي انقولك مانخبي * ياغالطه بيني وبينك ربي
مادام عكسي فى الطريق ادبي * وما دام هكي ناويه اضريني
الله يجعلك بـ وطانطه تنقبي * ولا بجلطه فيك اترزيني
وحرام حتا جنازتك مانصبي * بديتي نسيبت نحس ماتهميني


شن درتلك يا نسيبتي كرهتيني * فى الراس حطيتيني * بعد المحبة ليش عاديتيني


********************************************

اتمني يكون نال اعجابكم





avatar
فاتن الدرناوية
ملازم ثان
ملازم ثان

انثى
عدد المشاركات : 180
العمر : 32
قوة التقييم : 0
تاريخ التسجيل : 21/01/2012

الرجوع الى أعلى الصفحة اذهب الى الأسفل

رد: راجل ونسيبته(أم زوجته)

مُساهمة من طرف العاشق الصغير في 2012-02-05, 10:31 pm

مشكـــــــــــــــــــــــوره اختي فاتن

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~




avatar
العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 28
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

رد: راجل ونسيبته(أم زوجته)

مُساهمة من طرف اسماعيل ادريس في 2012-02-27, 12:50 am

مشاركه رائعه ...وفقـــك اللــه وننتظر المــــــزيد
avatar
اسماعيل ادريس
مستشار
مستشار

ذكر
عدد المشاركات : 15213
العمر : 42
رقم العضوية : 1268
قوة التقييم : 66
تاريخ التسجيل : 28/02/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى