بيان المجلس العسكري الأعلى برقة 20/2/2012

اي مجلس واي خراف لا في حكومه ولا في دولة اصلا ليبيا ايتحكمو بيها قيادات مليشيات مسلحه من بنغازي ومصراته والزنتان وخاصه الزنتان ومصراته جماعه بنغازي راحت عليهم تمو يداورو هنا وخلاص

كلمة الخير صدقة

والسكوت في بعض الاحيان يعتبر صدقة

والساكت عن الحق شيطان اخرس

وقذف الاشخاص بما لا نعرف يعتبر خطأ وعادة سيئة

لو انت ما تعرف هذي حاجه اتخصك لكن لو رفاقتك من اكثر من خمس سنوات من مرزق واصحاب من 12 سنه من الكفرة صدقني تعرف من هم التبو وشنو ايديرو توا في مرزق وام الارانب والكفرة
اما موضوع المليشيات المسلحه متحكمه هذي ما ايتخالفو عليها 2 لو ناسي المدعي العااااااااااااااااااااااام للدولة الليبية في طرابلس امر بحبس واحد انضرب عليها وخشو عليه بسلاحهم وتعرض لاهانه في وسط طرابلس ولي يبوها داروها
انقولك لو عندك حد ثقه اتصل بطرابلس وقولة من الي متحكم في طرابلس توا ايقولك

اتصدق أنا اخاف اطيل معك الحديث فتحدث مشكله

لانكم انتم المشرفين افق الحديث معكم ضيق

لذلك أنا لا اتحدث عن شيئ لا أعرفه

ولكن هناك شيئ واحد وهو الميليشيات كما تقول انت الآن هم الثوار وهذا الاسم خرج بعد تحرير ليبيا

فهؤلاء هم من قتلوا الطاغوت وهم كذلك من حرر ليبيا..

فمن العيب قول ان هؤلاء مليشيات

فللعلم الميليشياء لايسيطر عليها احد ام هؤلاء فهم درع الوطن وهم ابنائه...

وهذا لا يعتبر نقاش كما اسلفت وإنما توضيح للأمور.. شكراً

الثوار صح هما الي قاعدين توا في الصحرا امعانا في الحقول والثوار صح هما الي ايطالبو بالدولة المشكلة انت تحكي علي البيضا وطبرق وغيرة هضوما اغلبهم ضنا البلاد واغلبهم شرطه وجيش وفي من يردعهم بس تعال لبنغازي وما اتحير بكل اول بوابه فيها الكويفيا اسألهم انتو من واسألهم لو في حد منهم عمرة طلع من بنغازي اما الطاغيه مافيش ليبي حر والا ساهم بالاطاحه بيه لو كانو هما يبو ايحولو معمر عشان يمسكو مكانه لا معناها موش ثوار معناها شي ثاني
اول قصه الافق الضيق هذي موضوع جديد موش في محلة ولا له علاقه بالموضوع ومن الي ما تناقش امعاك بالعكس
وهي قولتك موضوع انت موش عارفه ليش تزعل من الكلام
وليش تبي اتصير مشكلة اصلا انا قلت كلام ومتأكد منه انت لو معارضني عادي مافيش اي مشكله بس قولي شنو الي صح من وجهه نظرك
من كم يوم قلنا الكفرة فيها وفيها ردو اغلبكم بالنفي عشان سمعو في التلفزيون انها بين قبيلتين وعاديه وطلعتونا امكبرين الشطحه واليوم نفس الشخص من المجلس قال العكس وطلع كلامنا هوا الصح والكارثه ايقول صح في هجوم علي الكفرة بس من الداخل موش معروف من وين مصدرة انت موش عارف مصدرة علي اساس قلت من الداخل وبعدين ناسي ان اقرب مكان للكفرة اجدابيا وبيهن 1000 كيلو موش عارف الصحرا الي يطلعن منها عشارات السيارت هذي وين ....... اليوم نقطتيم تفتيش علي حدود ليبيا اتشاد تم ضربهن وحده منهن فيها جماعه من بنغازي لا ازويه لاغيرة
وبعدين مشكله بين قبيلتين يمشو يضربو محطات الكهرباء
يا خوي شوفه هل تعلم ان كل المنازل الشعبيه في مرزق الي ما تم بنائها من ايام المقبور يسكنها توا اتشاديين تبو لهم 5 شهور بس خاشين ليبيا عائلات كامله ايجبو فيهن من اتشاد والنيجر ويسكنو فيهم في مرزق عز النهار و القايله
وغيرة وغيرة وغيرة والله ما حكينا الا من القهر ومن الخراب والفساد الي قائم توا
ونعاود انقولك مافيش مشكله لابيني وبينك ولا بيني وبين غيرك بس الي طالبه منكم انك ماتزعل من كلامي لو كان موش عاجبك بس

السلام عليكم
خوى شوفه بارك الله فيك على الدفاع وحسن الظن بخوتك
وخوى محمد يوضح فى خفايا نحنا فىبرقة ماعندنش منها العلم
وكلنا خوت ناخذ ونعطى فى النقاش و القلوب كلها محبة
وبيضة على بعضها بس من باب
أسمع رايي ونسمعك ونطلعوا بنقاش جميل
أسمحولى ادخلت بينكم بس اتعزو على انتوا لثنين وكلكم يحب ليبيا
موفقين

مافيش اي مشكله وبارك الله فيك خوي جمال بس يا ريت شوفه اليوم جا امعايا لطرابلس راهو شاف معسكر علي طريق المطار طالع منه رتل ايخوف بعد سألت علية قالو موش منظم لا للجيش ولا للدفاع و وزارة الرياضة اليوم في طرابلس في الراديو تجدا في الكتيبة الي محتله المبني امتاع الوزارة عموما من اليوم غادي انصور ونسجلك لقات من الجنوب وطرابلس بيش تقتنع

شكرا أستاذ محمد على رحابة صدرك وتقبلك لكلمتى وننتظر شوفه ففيه الخير الكثير

شكرا أستاذ محمد على رحابة صدرك وتقبلك لكلمتى وننتظر شوفه ففيه الخير الكثير

سأدخل هنا لأقول إنّ ما يحصل في الكفرة هي مؤامرة

للنيل من انتصار الثورة وقد تزامنت مع تهديدات المدعو

الساعدي والمجرمين عديل القذافي وقذاف الدم .

وتلكؤ الدولة أيضا أمر مريب .

أين وزير الدفاع المبجل وفحامة وزير الداخلية

ورئيس الأركان المتأخرة .؟

شكرا يا زهرة اللوتس

نشكرك جزيل الشكر على هذه الاخبار والمواضيع القيمه