ماكنت شى نحساب..بعد هالمحبه اتسكروه الباب

ما كنت شي نحساب .. بعد هالمحبه أتسكروه الباب .. أيجي يوم في وجهي وما نحساب
ما كانشي في ظنوني .. تهونوا علي وانتم اللي هنتوني
ياللي محبتكم ربيع عيوني .. كانت وفي عروقي تقول شراب
اليوم لوي زومه وين ما تشحوني .. وحتى عن كلامي دايرين أضراب
حتى ني بنادم كان ما تبوني .. ونفسي عزيزه ما أطيح تراب
... أن جيتوا أني مازلت ني تلقوني .. وان غبتوا بسلامتكم مع اللي غاب
وماي واجعتني ليش سيبتوني .. ولا معرفة دنبي وشن لسباب
اللي واجعتني بعد ما بعتوني .. لقيت السنين الماضيات سراب

ما كنت شي نحساب .. بعد هالمحبه أتسكروه الباب .. أيجي يوم في وجهي وما نحساب
ما كان في حساباتي .. ولا كان يخطر في جميع أوقاتي
ايام المحبه والزمان مواتي .. وايام المعزه والصحاب اصحاب
بعد الغلا تستتقلوا جياتي .. وتزوفوا علي ويصير هالشغشاب
أتريته حبيبك للعداوه واتي .. وأتريت المحبه طبعها قلاب
وتاريتني بنادم علي نياتي .. ما درت من بعد الحباب احباب

ما كنت شي نحساب .. بعد هالمحبه أتسكروه الباب .. أيجي يوم في وجهي ومانحساب