منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» نادي الاتحاد قبل قليل
اليوم في 5:35 pm من طرف عبدالحفيظ عوض ربيع

» باب بن غشير طرابلس
اليوم في 5:33 pm من طرف عبدالحفيظ عوض ربيع

» طرابلس الهلال الاحمر يطلب ممر امن
اليوم في 5:30 pm من طرف عبدالحفيظ عوض ربيع

» هام عاجل طرابلس علي العائلات الموجودة في محيط المناطق الاشتباكات
اليوم في 5:29 pm من طرف عبدالحفيظ عوض ربيع

» انقطاع التيار الكهربائي على عدة مناطق بالمدينة #طرابلس
اليوم في 5:27 pm من طرف عبدالحفيظ عوض ربيع

» جهة مدرسة براعم النصر باب بن غشير
اليوم في 5:25 pm من طرف عبدالحفيظ عوض ربيع

» كتيبة ثوار طرابلس التابعة لهيثم التاجوري تقتحم غابة النصر
اليوم في 5:20 pm من طرف عبدالحفيظ عوض ربيع

» السيطره على قاعة السلسبيل للمناسبات و محطة الوقود
اليوم في 5:18 pm من طرف عبدالحفيظ عوض ربيع

» اغلاق الطريق الرابط بين جزيرة جامعة العرب الطبيه الى جزيرة مصنع الاسمنت
اليوم في 5:15 pm من طرف عبدالحفيظ عوض ربيع

» السيطره على مساحه كبيره من منطقة قنفوده
اليوم في 5:13 pm من طرف عبدالحفيظ عوض ربيع

» ابطال الكتيبه 309 يسيطرون على غرفه عمليات
اليوم في 5:11 pm من طرف عبدالحفيظ عوض ربيع

» قاعة الاسيل للمناسبات بقنفوده بعد تحريرها
اليوم في 5:05 pm من طرف عبدالحفيظ عوض ربيع

» استشهاد البطل " عبدالله التواتي "
اليوم في 5:02 pm من طرف عبدالحفيظ عوض ربيع

» شاهدوا قصر دونالد ترامب الاسطوري المزخرف بالذهب والالماس!
اليوم في 4:57 pm من طرف عبدالحفيظ عوض ربيع

» تفاصيل خفض الإنتاج اليومي للنفط
اليوم في 9:52 am من طرف STAR

بحـث
 
 

نتائج البحث
 


Rechercher بحث متقدم


[ خرافة ]حَمَد وحَمَد وحَمَد

استعرض الموضوع السابق استعرض الموضوع التالي اذهب الى الأسفل

[ خرافة ]حَمَد وحَمَد وحَمَد

مُساهمة من طرف زهرة اللوتس في 2012-03-04, 12:46 pm


~ ஜ{قـــــصص مــن التراث الشعبــــــي الليـبــــي}ஜ ~ 會
[ خرافة ]حَمَد وحَمَد وحَمَد
حمد وحمد وحمد
الله ينعل الشيطان..فيه هذاك الراجل عنده ثلات أولاد..مسميهم (حمد)..كل واحد منهم اسمه ( حمد) ..مرض الراجل ..طال مرضه..وينما أشرفع الموت كلمهم وقال لهم:(اسمعو وصيتي لكم ..حمد يارث ..وحمد يارث....وحمد ما يارث)..وقضى ومات
كل واحد قال :( نا نارث..واللي ما يارث هو أنت)..
اختلفوا..وقالو نمشو للقاضي..وهم ما شين لقيوا جرة ناقة ..واحد قال :ها الناقة عورا...
واحد قال:ها الناقة عورا
واحد قال: ها الناقة بترا
وصلو لنجع القاضي ..لقيو عنده عزومة ..دابح حولي..القاضي راجل كريم ..بيته ديمه عامر بالخطاطير
في راجل ينشد على ناقة..قال لهم :صادفتكم شي ناقة)..
قال له حمد الكبير: ناقتك عورا مع اليمين..طار الراجل وقال: أيوه هى ناقتي..
وقال حمد الوسطي : ناقتك عرجاء مع اليسار..قال الراجل أيوه هى ناقتي..
وقال حمد الصغير: ناقتك بترا..قال الراجل أيوه هى ناقتي.. وين لقيتوها
قالوا : ما رينا لا ناقة ولا جمل
قال الراجل : لا..ناقتي عندكم..حلفو بت ما نطروها..
قال القاضي لصاحب الناقة:صحيح ناقتك عورا وعرجا وبترا؟
قال الراجل : صحيح
التفت القاضي وقال : كيف عرفتوا أوصاف الناقة من غير ما تنطروها؟!
قال حمد الكبير: الناقة تاكل في العشب مع القرب الايسر..وعرفت انها عورة من اليمين...
وقال حمد الوسطي : الناقة توطا بثقلها ع الكراع اليمين .. عرفت انها عرجا مع اليسار..
قال حمد الصغير: بعر الناقة كوم واحد لو كان فيها ذيل طرطش البعر.. تعجب القاضي والناس من فطانة الضنا..
فضت هذيك العزومة وكل واحد مشي في حاله.. قالوا الضنا:ياسيدي القاضينحنا تاعبين لك من غادي..عندنا مشكلة نريدوك تحلها لنا..
قال القاضي: الليلة ما فيه الا الصلاة على النبي وبكرة الصباح رباح..
لمباكر في الضحاه .. قال حمد الكبير للقاضي : اللي طابخة الطعام البارح عليها الدورة..
وقال حمد الوسطي : الشاه اللي كليناها البارح فيها سر كلب..
وقال حمد الصغير: ما تواخدني يا سيدي القاضي أنت فيك سر يهودي ..
قال القاضي : امهلوني للعشية..
مشي نشد الولية اللي طبخت الطعام قالت : صحيح على الدورة..
نشد راعي الغنم قال : صحيح الحولي ماتت امه جاع تالاه كلبه رضع منها..
نشد امه قالت: وانت صغير رضعاتك جارتي اليهودية مرة والا مرتين...
في العشية قال القاضي : الكلام اللي قلتوه كله طلع صحيح لكن كيف عرفتوا؟..
قال حمد الكبير: الطعام مالح الولية اللي عليها الدورة ما تستطعمش الملح كل ما تذوق تلقاه باسل تزيد الملح..
قال حمد الوسطي : شحم الشاه المفروض يكون بينه وبين العظم هبر والشحم البارح فوق العظم
كي شحم الكلاب...
التفت القاضي لحمد الصغير وقال له:باهي انت كيف عرفت انه في سر يهودي؟
قال: عزومتك البارح سمحة ما خصصت لا خير لكن فراشنا عطيب صقعنا واليهود وكالهم سمح وفراشهم بالهون والنصارى وكالهم بالهون وفراشهم سمح والناس يقولوا: كل مع اليهود وارقد مع النصارى..
بعد الغدا قال القاضي : ايش مشكلتكم؟
قالوا اسمنا واحد .. اسمنا حمد .. وبونا _الله يرحمه_وهو على فراش الموت قال :
حمد يارت .. وحمد يارت..وحمد ما يارت..اختلفنا ..ما عرفنا من اللي ما يارت..
قال القاضي : ساهلة .. عدو تريحو في هذاك البيت ..واللي نذز عليه يجيني وحده..
دز القاضي على حمد الكبير ..جاه .. قال له : بوكم قليل الرحمة .. ما يريد لكم الخير .. مات وسيب لكم مشكلة.. لكن ان كان تريد تارت عدي جيب لي قطعة من كفن ابوك ..
قال الولد : والله ما نقدر يا سيدي القاضي نحل قبر بوي وندس حرمته..

دز القاضي على حمد الوسطي ..جاه .. قال له : بوكم قليل الرحمة .. ما يريد لكم الخير .. مات وسيب لكم مشكلة.. لكن ان كان تريد تارت عدي جيب لي قطعة من كفن ابوك ..
قال الولد : والله ما نقدر يا سيدي القاضي نحل قبر بوي وندس حرمته..
دز القاضي على حمد الصغير ..جاه .. قال له : بوكم قليل الرحمة .. ما يريد لكم الخير .. مات وسيب لكم مشكلة.. لكن ان كان تريد تارث عدي جيب لي قطعة من كفن ابوك ..
قال : القطعة تريدها صغيرة والا كبيرة ؟ والا نجيب الكفن كله..!
قال القاضي: هذا حمد هو اللي ما يارت .. غضيب شامس .. غضيب رب وعرب.. بوكم كان راجل عاقل .. الله يرحمه ويخفف عنه التراب الثقيل..
ونا جيت جاي .. وهم عدوا غادي
مرحبه بك انت خير منهم

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
لحظة الوداع من أصعب اللحظات على البشر .. ولكن ما باليد حيله
وداعا ... لك ايها المنتدى الغالي..وداعا ... لكم يا أعضاء منتديات عيت ارفاد التميمي
وداعا ... لكل من اسعدته ..وداعا ... لكل من احزنته..وداعا ... لكل من أحبني
وداعا ... لكل من كرهني ..وداعا ... لكل من كنت ضيفا خفيفا عليه ..
وداعا ... لكل من كنت ضيفا ثقيلا عليه ..وداعا ... وكلي ألم لفراقكم
لأنكم أفضل من إستقبلني ..وداعا ... وكلي حزن لأنكم خير من شرفني
وداعا ... واجعلوا ايامي التي لم تعجبكم في طي النسيان ..فقط تذكروني بينكم!!
وداعا ... واستودعكــــــــــم الله الذي لا تضيع ودائـــــــــــــعه
اتمني لكم اوقات سعيد
واتمني التقدم لهذا المنتدى الرائع


زهرة اللوتس
إداري
إداري

انثى
عدد المشاركات : 124527
العمر : 34
رقم العضوية : 2346
قوة التقييم : 157
تاريخ التسجيل : 30/06/2010

الرجوع الى أعلى الصفحة اذهب الى الأسفل

رد: [ خرافة ]حَمَد وحَمَد وحَمَد

مُساهمة من طرف alherbadid في 2012-06-10, 11:51 pm

الخرافة حلوة بس مازال ناقصة مازال الجزء الثاني منها حكاية حمد الصيغر شن دار بعد ماتفرق من علي خوته اني موش مذكره بس الي يعرفها زين يقلنا عليها
و شكرا

alherbadid
عضو جديد

ذكر
عدد المشاركات : 1
العمر : 30
قوة التقييم : 0
تاريخ التسجيل : 10/06/2012

الرجوع الى أعلى الصفحة اذهب الى الأسفل

رد: [ خرافة ]حَمَد وحَمَد وحَمَد

مُساهمة من طرف وردة الساحل في 2012-06-12, 11:46 pm

حلوة بجد عجبتني

ذكرتني بايام الطفولة في ايام الشتا لما كان باتي - الله يرحمه - يجمعنا على سفرة الشاهي في الليل والدفاية يالانا ومرات ايكون الضي طافي علينا فيكمل جو الحكاية والخيال .. ويحكي لنا في حكايات مش عادية ..
تو ا انحاول الفترة الجاية نسرد لكم وحدة منها

شكرا لانك ذكرتني بايام حلوة دافية ..

الله يرحمك يا والدي
ويطيب ثراك ويجعل مثواك الجنة وكل المسلمين


وردة الساحل
نقيب
نقيب

انثى
عدد المشاركات : 324
العمر : 46
قوة التقييم : 10
تاريخ التسجيل : 16/05/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى