وحده عندها ولد وبنت زوجتهم وتحكى على حالهم

وحده عندها ولد وبنت زوجتهم بعد مدة جت جارتها اتباركلها
الجارة : كيف حال اعويلتك؟
الام : " مع تشقيمة فى الفم"........... الحمد لله
الجارة : " مستغربة " ......... كنك يا خية شنو فيه
الام : والله مانى عارفة شن نحكيلك
الجارة : امغير احكى ........ احكى
الام : يا خيتى ....كلا من البنية ربى وقفلها سعدها طاحت فى راجل بااااااااااااااهى بكل شرالها سيارة ومسكنها فى فيللا اتحل العين المغمضة وجابلها خدامه وين ما يسافر ايشيل فيها معاه وفتحلها حساب فى البنك و..............
الجارة : باهى يا خيه ............... والوليد؟
الام : اوليدى ........ امسكين اوليدى ...... طايح سعده ........طايح فى وحده مش عارفة شنوا انقولك عليها ....... مجننتة يا خيتى ...... تبية يشريلها سيارة وايجيبلها خدامه ومش عاجتها هذك الشقيقه اللى فى الدور السابع ... قالت تبى فيلا ....وتبية وين ما يسافر ايشيلها معاه وياخًى طامعة ايديرلها حساب فى البنك ..... منينلة اوليدى طيييييييييييييح واللة سعدها .