أمشي واغطس صبعك ليسار . وطول اختار .... الخيرة ماتختار اش

من طرف **زهرة اللوتس** 2012-05-19, 4:17 pm

بمناسة الأنتخابات في مدينة بنغازي الحبيبة
يقول الشاعر صلاح الغزالي . من مدينة بنغازي
امشي واغطس صبعك ليسار .... وطول اختار .... الخيرة ماتختار اشرار
امشي غطس صبعك ياحر ... الله واكبر ... اختار الي موناوي شر
اليوم عليك انكنهو مر .... وصوتك طار .... ندم يبقالك كيف النار
اغيابك عيب وفيه ضرر ... ايجي سمسار .... ايصبيلك في عقر الدار
هذي بنغازي ياثاير .... وطاة احرار .... هذي بير ويملا فابيار
اتريد الي دما فاير .... اتريد عمار .... اغيابك عنها راه دمار
انهض روحك صبي عبر .... وخوذ قرار ... البنغازي وازي الاخيار
امشي غطس صبعك ليسار .... وطول اختار .... الخيرة ماتختار اشرار
رد الشاعر ...... صلاح عبيد . من مدينة مصراته
امشي غطّسْ فيه الفسفـور ..... و شـارك فـي تـعـميـر ابلادك
ما تـأجــل عــدّي فــــــالـفور ..... و ابـنـي بـاش ايعيشو اولادك
خـلاص تــهـدّم صـور الــجـور ..... و تـــوّا كــيــف بـــدا مــيلادك
اسـتـعــجـــل ماتخلّيك صبور ..... و وثـــّق فـالــرصفـات اوتادك
مــاتــخـتــار الـلـي مـشـهور ..... بالـسـّرقة ، ولا اتبيع امجادك
و مـاتخــتـــار انـــسـان غرور ..... ايـشـــرّك مـايـرقـّـعش بيادك
اختار اللي فالـنــاس شـكور ..... اختارة بيش ايعيشو احفادك
عدّي وابني صرحك بالـــدور ..... معا لصرار .. وماتحتار ... انت رانك شِبْل المختار
امشي واغطس صبعك ليسار .... وطول اختار .... الخيرة ماتختار اشرار

من طرف الرسن 2012-05-21, 10:32 pm

أمشي واغطس صبعك ليسار . وطول اختار .... الخيرة ماتختار اش 551567734

اسلمت

من طرف homeland 2012-05-21, 10:43 pm

أمشي واغطس صبعك ليسار . وطول اختار .... الخيرة ماتختار اش

أمشي واغطس صبعك ليسار . وطول اختار .... الخيرة ماتختار اش

رد: أمشي واغطس صبعك ليسار . وطول اختار .... الخيرة ماتختار اش

رد: أمشي واغطس صبعك ليسار . وطول اختار .... الخيرة ماتختار اش