أين المجلس والحكومه وابواقهما وقنواتهما المأجوره

اين مجلس ألأقصاء والتهميش وحكومته المستورده والتي اغلب اعضائها يحملون جنسيات اجنبيه مما حدث امس الخميس في مدينة بنغازي وبالخصوص في ساحة الحريه
حيث دخلت ارتاااااال مدججه بالسلاح والآلات والسلاح الثقيل..
والذين ينادون بنصرة الشريعه على حد قولهم ...ايشوفوا فالليبيين نصارى وللا ايهود
وبدأوا يلقون في بياناتهم الاستفزازيه
الارتال اتت من مصراته وسرت وزليطن ودرنه وبعضها في مدينة بنغازي
مما إستفز اهالي بنغازي وحدث احتكاك بينهم وبين اهالي مدينة بنغازي الشرفاء
وتدخلت بعض فرق الجيش بينهم...
مــــــــــــــــــــــارائيكم في هذا.....اريد تفسيرآ
لسكوت المجلس واعضائه وكذلك اعوانه واذنابه وحكومته المريضه والمستورده
عن هذا الفعل الشائن والمستفز والذي يجعل كل ليبي يحسب الف حساب لمثل هؤلاء
اين كان هذا السلاح واين معسكراتهم ومن الذي يمولهم ويعطيهم الاموال
........................
لماذا عندما خرج بعض الليبيين والذين شعروا بالظلم والتهميش والذي لم نشعر به إلا الآن ونادوا بالنظام الفيدرالي ...اقام المجلس واعوانه واذنابه الدنيا ولم يقعدوها عليهم
ووصلت بهم الجرأه بأنهم شككوا في وطنيتهم وخونوهم وبدأوا يحرضون فالشعب الليببي
على بعضه البعض....
اين قنواتهم الاعلاميه المأجوره التي شنت حروبآ شعواء على هؤلاء
لماذا لم يناقشوا ويتعرضوا ويتحدثوا وينقدون ماحدث بالأمس
لكن اتحداهم ان يستطيعوا يتحدثون ولو بنصف كلمه........
..................................................................
موضوع مطروح للنقاش الشفاف

هاذوم يبو معمر الله يرحمك ويسامحك يابوشفشوفه

الغريبه يابوفرقه
المجلس والحكومه ساكتين وكأنه موش ساير شي
لكن ايتكلم واحد هضوم ايطيروا راسه مافيش لعب عندهم يا
شكـــــــــــــــ ـــــــــــــــرآ وبــــــــــــــارك الله فيــــــــــــــك
وين بقية الاعضاء وخصوصآ اللي ماعندهم ولاشغله الا الفيدراليين
وذمهم ووصفهم بأبشع الصور ومناصرين لسياسات الحكومه والمجلس

وينكـــــــــــــــــــــــــــــــــم

المجلس دار يلي في عقلة ومكن يلي يبيه قبل الانخابات وخلى الحابل ع النابل

في هذي صدقت ..
ايفكنا منهم علي خير الفتن والشر اللي بثوهن في كم شهر مادارهنش النظام السابق
في 42 سنه ...شغلتهم فتنه وتشتيت عشان ايمشوا امورهم ومصالحهم واجندتهم
شكــــــــــــــ ــــــــــــرآ وبارك الله فيـــــــــك

السلام عليكم مساءكم سعيد وارجو مشاركتى ماتزعلش حد انا راى ان ليبيا والفدراليه مش خط واحد يتنافرو دوت الضراير وهذا مش راى نا بس هذا راى اغلب سكان درنه والله لايرحمك ياشفشوفه
وشكرا

عااااااااااااااااااااااادي ياخوي وهذي وجهة نظرك...
الفيدراليه مرفوضه من بدايتها وماتت يوم ولادتها والاعلان عنها..
ولكن انت رأيت وسمعت الحمله التي شنوها المجلس والحكومه عليهم
.............................
بينما أمس وماحدث فيه لم نسمع اي تصريح منهم بخصوص ماحدث
..........................
ايهما ألأخطر..الفيدراليه الميته والمنتهيه
ام التطرف ..لننظر حولنا مايحدث فاليمن والعراق والصومااااال
أريد اجابه
عن موقف مجلس التهميش والحكومه المخزيين

بارك الله فيك اخي ابوفاروق لتفاعلك ومشاركتك
وفعلآ كلامك ورأيك من ضمن المعطيات الموجوده على الساحه
لكن المفروض على الليبيين ان يتعلموا من تجربة المحاباه والتصعيدات السابقه والكولسه..لأنها إنتهت ولابد من ألأختيار السليم للشخص وانتخابه لخدمة الليبيين
وعشان ايتقدموا هضوم كلهم للمحاكمه على مااقترفوه من جرائم فتن وتفرقه

اسماعيل ادريس كتب:.
لماذا عندما خرج بعض الليبيين والذين شعروا بالظلم والتهميش والذي لم نشعر به إلا الآن ونادوا بالنظام الفيدرالي ...اقام المجلس واعوانه واذنابه الدنيا ولم يقعدوها عليهم
ووصلت بهم الجرأه بأنهم شككوا في وطنيتهم وخونوهم وبدأوا يحرضون فالشعب الليببي

!!!!!!!!!ما تنساش ان اغلب الشعب ضد الفدرالية

وبالنسبة للي صار في الساحة اصلا المجلس مداير زي خارطة طريق من الاول راسم سياسة الحكم في ليبيا توا من قال ان اغلب الشعب يبي نظام الحكم متع احزاب علاش ما استفتيتش الشعب كيف يبو نظام حكمهم مرات يبو نظام الاحزاب ومرات يبو نظام مجلس الشورى ومرات امارة اسلامية علاش اهم نقطة غيبو عليها الشعب توا بالرغم ان اغلب الشعب دار بطاقة انتخابية لكن في ناس هلبه ما تبيش نظام الاحزاب ونظام تفرد الحزب بالحكم ولما فيه من اخطاء كبيرة هالنظام و وحدة من هذه الاخطاء تساوي صوت المراة بالرجل في الانتخاب وحتى المهبول عنده الحق انه يدلي بصوته في الانتخاب وهلبا اشياء اخرى

يا اسماعيل كل حد ايقرب النار لخبزتة ولا في مجلس ولا في حكومه اصلا ماشية بالبركه لكن الشي الي انقولة لك ماعندهم وين هاربين والله الذي لا اله الا هو ناخذو حقنا منهم ونحاسبوهم علي كل قطرة دم وعلي كل مليم سرقوة سواء من ازلام القذافي او ازلام الاخوان و المتسلقين
ربك يمهل ولا يهمل وحسبنا الله ونعم الوكيل فيهم

انشالله خوي محمد
ونحن معاك اي ابوفاروق ..ياريت ايتحاسبوا كلهم وايتحاكموا محاكمه عااااااادله
وانعاهدك بالله يكملوا كلهم فالحبس اذا كان هم ماهربوش بره ليبيا بعد حل المجلس
اما أختي زينتا...انا انقول لك الشعب الليبي كله مسلم سني وسطي
ليش ماسكه فالفيدراليه وخلاااااااص...كملي باقي كلامي...وشن كاتب عليها
وشن قلت فيها ...
وانشالله يامحمد نخلصوا منهم واحد بعد واحد وايتحاسبوا السراقه المتسلقين
وناخذوا بدم شهداء ليبيا كلهم اللي ماتوا غدر او اللي زج بيهم بوكتف وغيره
من قيادات ألأخوان,,,قيادات المكاتب....قصدي .أيام حرب التحرير
شكرآ لتفاعلكم وبارك الله فيكم