كان غير هي درناها اللي عزيزوجعاته وطارمعاهانسية الغلا

من طرف **العاشق الصغير** 2012-07-10, 1:50 am

كان غير هي درناها اللي عزيز وجعاته وطار معاها نسية الغلا

كـان غـيـر هــي للـذمـه

لاتعـوز لاجحـدة ولا أتغـمـى

اللي عالجمل يركب أيش اللي يهمه

يطوي عمامته واللـي يميـد بلاهـا

أوقات الحوار اللـي تعانيـه أمـه

أطناشر شهر يقفـز ومـا يلقاهـا

وأوقات هي اللي تقفز تريد تشمـه

يموت قبل يستعطم مـذاق الباهـا

ولا من حشيو يريد يشـوى جمـه

اللي مانزح من طرم سـود أذراهـا

وأن جت من حنيش الطين قلعة رمه

اللـي عالوطـاه أطيـح تتقـاهـا

كان غــيـر هـي درناها

كـان غـيـر هــي معنـونـه

لاي متممه لاي للخـلا مركونـه

اللي عزيز واجعته وخـارب جونـه

منهـا وكارهنـا علـى سبـاهـا

وإن كان هي نسية غلاه يضرب دونه

أتعاتـه بقويـة عيـن لاينسـاهـا

وإن كان قصره فينا سـواد عيونـه

مانطلبـو خـزره عزيـز جداهـا

الموت مالصناعه هون فـي ضبونـه

ولاكبودنا يسمـع زقيـق عراهـا

خذينا على قولـه أقـدم خانونـانا

وخاطري هـي والخطـا قسناهـا

كـان غــيـر هي درناها

كـان غيـر هـي مـي عــده

وأنكان غيرها عنده أعـداد يعـده

علينا خطم مامـن شبـوب وعـده

خذير قرصنا في نـار مـا طفاهـا

وأن راد الغلا يقدر الجـرف يهـده

ويكسب العين بطول بـاع مناهـا

وأن راد الفراق معاه مانـا ضـده

الـدار ماعليـه الا يحـط كراهـا

يدير ناي من عينه إن طارت خـده

وعيـن للسمـور مبتتـه بوتـاهـا

على حقوقنا غالـي رقـد ماسـده

اللـي للزمـان أدسهـا تلقـاهـا

كان غــيـــر هـي درنـــاها

كـان غـيـر هــي مهونـهـا

لاتستحـق ولا سمـرنـا منـهـا

وإن كان في عزيز صغرت مندر عنها

تعاتـه يجـض معـا محـاور داهـا

يزمـط أرياقـه مـر ويقوننـهـا

خطاه كان خمطايه يـذوق أرماهـا

ياوي على كبده ونحنـا كنهـا

على كبدنا كبد الكراع حفاهـا

مواير خفا فـالبل علـى معطنه

انهار السقيـه مـي اللـي مغباهـا

كان غير هي درناها
م ن ق و ل