يا بير في ماضي قديم زمانة عـادي عليـك بنجـع غيـر مكانـة

من طرف **العاشق الصغير** 2012-07-17, 9:03 pm

الشاعر( دكام على دكام المقرحى )
من سكان الشيويرف المُلقب بدكتور الباديه
وفيها يقول :-

يا بير في ماضي قديم زمانة عـادي عليـك بنجـع غيـر مكانـة

يا بير في ماضى قديم تناسة .. عادي عليك بنجـع ويـن تقاصـة

جرة مواهيمة وموكـر ناسـة .. منيـن البـوادي ينزلـو قيطانـة

جرة معاذر خيلهم مدهاسة .. وجـرة الجـار يـزور فـي جيرانـة

وجرة مكان اللعب للعراسـة .. وجـرة البيـت وحجبـة السلطانـة

واللقيت جرة الباصور والحباسة.. منين علي الجوايد يقرنو فرسانـة

وجرة خلا ميعادهم مجلاسـة .. ومـن يعرفـو لسرهـم كتمانـة

والليوم ذكرهم زاد الدليل احساسة .. زال فعلهـم قاعدلنـا عنوانـة

ويا بير جاك الدهر غار بياسة .. تكثح عجاويجـة ارقـى ريغانـة

قديـم اسنيـنـة .. عــادي علـيـك بنـجـع عــدي ويـنـة

الي يعرفة زايد عليـه حنينـة .. ينـوض غريـدة راقـد الجبانـة

جرة مناصبهم علي تركينة .. وجـرة قديـم الركـب فـى معطانـة

وجرة دلايل مـن اثـار ثمينـة .. كرمـود قاعـد باليـة عودانـة

وجرة انعالة خيل فيه القينـة .. وجـرة عقـاب ازنـاد والصوانـة

وخالعاتني لوهام راحن شينة .. درنا العزي وما القيت مـن عزانـة

وين ما سئلت البير رد علينا .. قال حالت الموهـان وقتـة هانـة

ايام الشباب مـع زهـاه ازهينـا .. وتحولـت والمتحولـة عيانـة

وشن خطر الموضوع وانجرينا .. نا مـا نبيـه العقـل مـا هنانـا

يا بير في ماضى تعدى جيلة .. ادى عليـك بنجـع كيـف اطريلـة

جرة مكان القيطنة ونزيلـة .. وجـرة امصلاهـم اصحـاب ديانـة

البير قالى كانـت زمـان قبيلـة .. قاعـدات لبصماتهـا موصانـة

نهر عرسهم ليهم اطباع نبيلة .. يضل على الفخـر يزايـدو شبانـة

فوق من بنات الريح خيرة خيلة .. علي ميزها مامن الى جضرانـة

يجن عاد تشكيلة بعد تشكيلة .. يقبـن كمـا موجـة بحـر جليانـة

ومامن ولد يطلق الراس سبيلة .. وين ما عليه يزغرتـن نسوانـة

يمزق اطراف الدير والتوصيلة .. ويخلـي مفاتيـح النعـل طشانـة

وهذي ثوابت قاعدات دليلة .. لي من اوعيها راسخـا فـى اذهانـة

جرة مساربهم نهار الشيلـة .. منيـن للبسـاط يبوجـن رحلانـة

ومنين ينزلو في جبد بدري سيلة .. نضيف عشبتة متخضبات الوانـة

ومنين مالهم فوق الشرف تهليلة .. ادانن مع فـج الخـلا فرقانـة

ومنين قفلهم قفز بعد تحميلـة .. وروح يجيـب الفارغـة مليانـة

زرير الكتب ضيم العراء لاجيلة .. قطا ملتهف رامي علـى غدرانـة

ومنين وردهم نزح اقرع لاثيلة .. جنانيـب قربنهـم جديـد ادهانـة

ومنين السلف ديمة يوفو كيلة .. عرب دينهم مـا يعرفـو نسيانـة

ومنين يركبو على الجيدة التليلة .. الى سرجها فضة رفيـع اثمانـة

وهذوم هلها يردعو فى الميلة .. وهذوم ركـا حـة الـي رهقانـة

وهذوم ناس الجود موش بخيلة .. وشن خطرا هلي مضـى جرنانـة

كان قلت على الاجواد عندى هيلة .. لذيذ طعمهم كيف شرب بومليانة

وديمة علل الاجواد نا فاضيلة .. حتى ان كان الوقـت مـاو معانـة

وديمة عللهم فيه من يصغيلة .. تلقـى اعقـول بحكيهـم فرحانـة

وقول الكلام يعود لتحليلـة .. ومـا ندسهـا كلمـة الحـق امانـة

شاعر وفصلي ننتمـى لقبيلـة .. مانـي معاهـا لاطلبتـش عانـة

يقولو عمار السليبات طويلة .. ويقولـو الشعيـر يعـود لرحيانـة

م ن ق و ل