مخرج إيراني سيلاحق مسلسل "الفاروق عمر" قضائيا

احنا هنا في ليبيا سرقوا ارواح الناس وممتلكاتهم - جاتك بسيطة مسلسل بس - كان تجي لليبيا تاكد من صوابع رجيلك وايديلك قبل ما تطلع للشارع وبعدها توكل على الله -

ما خلو شيء على الناس - سرقة والله اكبر - خطف والله اكبر - قتل وتنكيل وتعذيب ومعاها الله اكبر

مستحيل يكونوا مسلمين - هذا منهج الكفار نشروه في ليبيا - والاغبياء في ليبيا يكرروا فيه ومش فاهمين شن وراه ومن جاب المصطلح وقرنه بهذه الافعال المشينة - واجيب كل من يحمل حقد على الدين الاسلامي ويريد تشويهه حتى يتم اختلاط الامور بين المسلمين ولا يعرفون الحلال من الحرام -

بالامس سمعت عن ناس كاينا تمشي للعمرة في مصراتة - مافيش منزل للناس مسكر -الا وخذوه بالاثاث متاعه - توا وين الشيوح وين الناس العاقلة - معقولة تعتدي على املاك غيرك بهذا الشكل وكلهم على فكرة املاك لناس عادية وكادحة جدا جدا على الاقل الحالات التي اعرفها - وهذا كله سببه اختلاط المعايير - واللخبطة والشيوخ طلعوا في الاذاعات المسموعة والمرئية وحللوا الذي كان حرام وكان الليبين كونهم مسلمين متفاهمين خلاص حرام تاخذ ممتلكات غيرك حرام تقتل حرام تخطف وحرام تعتقل وحرام تساوم

حسبي الله ونعم الوكيل في الشيوخ الذين طلعوا بداية الازمة واستغلوا الدين وفتوا فتاوي تحلل الغنائم والزنا والشرب - وان كل هذا كاين صاير زمان في غزوات الرسول - استغفر الله زوروا الحقائق وزورا ما تعارفنا عليه - حسبي الله ونعم الوكيل فيهم



توا تعالوا لموها خلاص رسخت في ذهنهم - الله اكبر اسرق - الله اكبر اقتل - الله اكبر قولها وانت تشرب وتسكر