ثوار ليبيا في سوريا لمساندة الجيش الحر ضد الأسد

والله شر البلية ما يضحك - تو انت يا حاراثي واجعك المواطن السوري بالدرجة هاذي تجمع في صغار الناس ورافعهم معاك لسوريا - بالله بحجة شنو - شن دخلك السوري يعيش في ديمقراطية مفصلينهول الغرب وعلى مقاسه وباشرافك انت يا عميل المخابرات الامريكية - مجنيدك وواخذ شوية وشويات من العملة الصعبة - وتفركس في الشعوب الاسلامية - انت طول عمرك عايش في دول اوروبية وجاي فوق دبابات وطائرات الغرب تبي توفر الديمقراطية -

مسلم يقتل مسلم بحجة الديمقراطية - وغير شوفوا مختارين دول معينة - اشمعنا ما الحاراتي مامشاش للسعودية الملكية والا البحرين والا المغرب والا قطر والا الكويت - ليش اختاروا دول معينة تطل على شمال افريقيا الساحل المهمة لاوروبا

لكن حسبي الله ونعم الوكيل - في كل من قتل مسلم بحجة وبغير حجة وانشاء الله ربي ينتقم منهم ويجازيهم على اعمالهم

اي من اشهر القاده فالثوره الليبيه
هو وبلحاج ماعرفناهم الا بعد ماتحررت طرابلس ..جابتهم قطر اتلمع فيهم..
الثوره الليبييه لها رجالها الصح الوطنيين موش العملاء..
بعدين من صاحب القرار اللا مسؤل اللي سمح بذهااااب شبابنا لسوريا
موش كافي الموت اللي صارت عندنااااا ..وللا سياسه جديده هذي
تفريغ ليبيا من شبابها اللي اتعول عليهم فالمستقبل في بنائها
شكــــــــ ـــــــــــرآ وبـــــــــــــارك الله فيـــــــــــــــك

في جميع دول العالم يفتخروا باولادهم ورجالاتهم وعلمائهم ويحترمونهم الا في ليبيا شعب اصبح قلبه مشبع
بالحقد والحسد اذا بقي في ليبيا قلتم يريد السلطه وأذا ذهب ليعيش بايرلندا قلتم سارق واذا ذهب لمساعدة اخوانه في سوريا قلتم لماذا لا يحمي حدود بلاده هل عقمت ليبيا من الرجال حتى يحميها المهدي اين باقي الرجال كما ان كثير من شبابنا ورجالنا ساهرين على امن وطننا فهل شكرتموهم وقدرتم قدرهم ها هو البطل الفارس الذي ضحى بنفسه ودفع الغالي والنفيس حتى جاءكم بسيف الكفر ماذا فعلتم له هل كرمتموه هل كافئتموه هل اعطيتوه الحمايه هو الان لا يستطيع مغادرة منزله وحتى حماية قبيلته قبيلته فقط لا دولته انتم شعب لا يحترم رجاله ولا يحترم علمائه ولا يحترم قادته كيف ينجح ويفلح شعب لا يقدر ابنائه.
وهذا الكلام لتلك الفئه التي تنتقد وتسب وتشتم ولا يعجبها شي وليس لابناء الوطن المخلصين فنظر من اي الفئتين انت ؟

توا هو خلاص احنا تمينا عرسنا - غير يلموا هالحوسة الي داروها - فركسوا الدنيا وعدوا-

والا هذا يخدم حسب الاجندة المتفق عليها وحسب المخطط والعقد مع الاستخبارات الامريكية هكي وخلاص - توا ليبيا عاجباتك - خلاص مالك ثورة - أيي يشد ايرلندا وخلاص بعد ما عنداش فكرة كيف يلم هالسلاح من الميليشيات وينظم الامور على اعتبار ان عايش بره وعنده افكار

ما هلكونا غير الجايين من بره

انا اتكلم على هذا الشخص بالذات بعينه لاواحد غيره - المفروض بعد تم مهمته في ليبيا - رد لمسقط راسه وبلاش بطولات في الظاهر لكن ما خفي كان اعظم

الله اكبر يا شباب الاسلام اين انتم من نصرة المظلوم اين انتم من نصرة اطفال سوريا ونسائها دعو المجاهدين الشرفاء الدين لبوا النداء ودهبوا لنصرة الاطفال والنساء والضعفاء من المظلومين الدين يقتلهم بشار الشيعى وزبانئته الم تكونوا تفرحوا لو اتى احد من العرب لمد يد العون لنا فى ثورتنا بالله عليكم اصمتوا وعاونوا المصلى بالسكوت كما يقول المثل المهدى دهب لنصرة الاسلام السنى وانتم قاعدون عمروا ليبيا انتم وكفى من اسطوانة اجندة ومؤامرة والغرب ووووو

مثلما يقال الاقربون اولى بالمعروف - احنا اولى بان يبقى اولادنا في بلدنا ونبني ليبيا الحبيبة - نحن على شفا حفرة - والامور قاعدة غامضة - وبعدين ارتكوا سوريا لليبيين وبلاش مزايدات ما فيش حد طلب منهم هم ماشيين لاغراض في نفس يعقوب

من يريد الجهاد يذهب لفلسطين ويجاهد اليهود ويقاتلهم - والا خلاص فلسطين نسوها - مسلم يحارب في مسلم - تشن دخلك في سوري ما يبيش رئيسه - شن دخلنا احنا - يكافحوا بروحهم سوا على صواب او على خطا كل يحاسب على نتائج قراراته

هذه امور وطنيه تخص السوريين

وهذا رأيي وانا من عندي حكومة عليه لا يمكن ان اسمح له بان يقتل اخوه المسلم في سوريا بغض النظر على المسميات - لو كان في سوريا كفار كان اني نفسي مشيت - زي ما تطوعوا خوتنا في ليبيا ايام امريكا اجتاحت العراق هنا واجب لانهم كفار وذهبنا لنصرة اخواننا في الاسلام

لكن الان لا يجوز

forzaa2711 كتب:في جميع دول العالم يفتخروا باولادهم ورجالاتهم وعلمائهم ويحترمونهم الا في ليبيا شعب اصبح قلبه مشبع
بالحقد والحسد اذا بقي في ليبيا قلتم يريد السلطه وأذا ذهب ليعيش بايرلندا قلتم سارق واذا ذهب لمساعدة اخوانه في سوريا قلتم لماذا لا يحمي حدود بلاده هل عقمت ليبيا من الرجال حتى يحميها المهدي اين باقي الرجال كما ان كثير من شبابنا ورجالنا ساهرين على امن وطننا فهل شكرتموهم وقدرتم قدرهم ها هو البطل الفارس الذي ضحى بنفسه ودفع الغالي والنفيس حتى جاءكم بسيف الكفر ماذا فعلتم له هل كرمتموه هل كافئتموه هل اعطيتوه الحمايه هو الان لا يستطيع مغادرة منزله وحتى حماية قبيلته قبيلته فقط لا دولته انتم شعب لا يحترم رجاله ولا يحترم علمائه ولا يحترم قادته كيف ينجح ويفلح شعب لا يقدر ابنائه.
وهذا الكلام لتلك الفئه التي تنتقد وتسب وتشتم ولا يعجبها شي وليس لابناء الوطن المخلصين فنظر من اي الفئتين انت ؟

~~~~~~~~~~~~~~~~~~~~~~~~~~~~~~~~~~~~~~~~~~~~
اول حاجه ماحد ايزايد علي حد بوطنيته يخوي وبعدين انا اللي تكلمت وانا اللي نقدت
وعليه وجه كلامك لي انا وبلاش اتعزق فالكلام امغرب وامشرق...
وبعدين ليبيا لاعابيه علي ولاعليك ولاعالحاراتي ..ليبيا فيها رجاله قاعدين يحرقوا
في ارواحهم ليل نهااااااااااااار..
بعدين مافيش ليبي ماقدمش فالثوره ومافي حد ايزايد علي حد
موش ساده الموت اللي صارت عندك في فترة حرب التحرير
شوف العدد بس ..كم شهيد ..
ليبيا توا محتاجه لجهد اي شاب لاعادة بنائها واعمارهاااا
تقبل مروري

زهرة اللوتس كتب:

ثوار ليبيا في سوريا لمساندة الجيش الحر ضد الأسد
---------------------------


يقود الثوار الليبيين، المهدي الحارثي، أحد أشهر قادة الثورة الليبية، حيث تمكنوا من الدخول إلى الأراضي السورية والانخراط بالمعارك التي تدور حاليا في عدد من المناطق إلى جانب الثوار السوريين.

ياناس ياهو ... الثوره أول مابدت فى البيضاء وبعدها بنغازى ... وإلى قاموا بالثوره الله يرحمهم ... والبقيه ركبوا فى الموجه لقوها فرصه .. إلى عنده حساب يبى صفيه .. وإلى طامع فى منصب .. وإلى يبى يغرف ...
على العموم شكلهم ماشى لفسطين ... عن طريق سوريا على الأقل الشهاده مظمونه... ضد ليهود