زعم حاسين ارياف كيف اريافي؟؟؟؟؟؟؟؟؟؟؟؟

من طرف **العاشق الصغير** 2012-08-20, 11:16 pm

زعم حاسين ارياف كيف اريافي

ولا اريافكم بارد لهيبه طافي

مرايفين علي

ولا أريافكم طول رجاي طفي

حال غايتي ودي انجيكم جي

وانمتع أنظاري في الربيع العافي

سلامي ابقلبي قبل يصلن دي

سلام بالمحبة م الخديعة صافي

غلاكم علي علو السحاب ارقي

ملك خاطري واعي سوا كي غافي

وفي دنيتي تما احساب الضي

وانظوركم تما دواي الشافي

امرايفين أرياف

ولا غلانا م المرجأ صاف

يلي بعدكم ما انريد إخلاف

ألقاكم أمنا عمري بيان وخافي

حنوا علي دزوا سلام إسعاف

وافي لكم ما ريت كيفي وافي

نلقاني عليكم م النسوم انخاف

وخايف على روحي انجيكم حافي

يا ريتكم تجوني مغير أطياف

إلا طول ليلي واخذين حسافي

ابمنديل عيني دمعتي نشاف

ساحرني غلاكم سحر زاد اقطافي

نظرة العين اتسد يا لولاف

بانوا علي ونا انقول عوافي

انكان حالتي تشغل الشي أسلاف

هيتوا الدوامنكم أسباب اصيافي

نرجى فيكم

ومن كثرة اريافي بكيت عليكم

الناس ينهوني ونا نبيكم

ابقولة خلاص الشوق سدك كافي

ليا نصيب وذكر بلياليكم

والله اتناموا راكنين املافي

ماز لتوا غوالي وخاطري ناويكم

ونصبر انكانكم رايدين تلافي

ابود ومحبة صافية شاريكم

انريدكم اتكونوا في البحر مجدافي

ردوا عليا وين ما اناديكم

راني حذا الحساد قلت اولافي

منقول