غالي حدود الغلا والسماحه*غلاه بصراحه قلبي اجتاحه

من طرف **العاشق الصغير** 2012-08-20, 11:23 pm

هذه قصيده للشاعرالكبير**عبدالسلام بوجلاوي ولازالت قيد الانتشار وتعتبر من اخر ماقيل
-------------------------------------------------------------

غالي حدود الغلا والسماحه*غلاه بصراحه قلبي اجتاحه قدامه علي طول سلم سلاحه

فضيلة اعترافنا بالخطيه * صراحه وراحه * غلاه كموته ضامنه لانفضاحه

غالي غزا قلب صحرا حفيه * برم في بياحه* استكشف القي فيه كمين واحه

وهو فبل مركون منسي نسيه * سعى في اصلاحه *وخوج اللي كان خالي مراحه

** غالي احدود االغلا وانسجامه ولذة غرامه وقسوة الامه والخوف من ختامه

وصراع بين الرضى والندامه وبين قول تيار وادي صيامه مواري اصفاحه

ماتدخله نين تضمن ركاحه

وبين قول مرات يختم بلامه * وجنوة اجباحه* وقول اتركه سوق صاعب انطاحه

وراي قال لي راه سامي مقامه الصوب مو وقاحه يقود لصلاحه الصادق اللي عال فيه بنصاحه

غالي حدود الغلا والشطاره** وعقل وحراره *يقيم الكباره *الغيه مع غير زوله اخساره

غلاه كنت كاميه خافي اسراره بان بوضاحه القلب استباحه وقام بالاطاحه

لخصمه وهو بات سيد السماحه

جبينه قمر مستوي دار داره* ظلامه ازاحه *بنوره غني ليلته عن صباحه

عيونه عيون صقرناظر حباري * بطلقة اسراحه *عمدها تقول رمح سابل جناحه

ومضحك مع بسمته له شراره * مثيل انقداحه * سحاب بسحاب اصطدم في سناحه

ان خطم اتجي مشيته بنجراره ورج بركاحه* ايجم بنشاحه* المنهل اللي كان طايل نزاحه

والعالم ابقي خير جادن امطاره * وهبن رياحه * شرابه ملا كم هويد ومداحه

وسبب ازدهارنا في التجاره*وزاد السياحه*وفاد الفلاحه*والتاجر تزيد ثروته من ارباحه

وكسوف القمر زال حول غياره *شعر بارتياحه*رايد سفينة الفضا في اسطاحه

*غالي حدود الغلا والحناطه*انريده امواطه*ايمر ابساطه*غلاه سر في سر فيه انتعاطى

زرابه شكا خاطري بنشطاطه*حكاه بفصاحه*حكابه اللي باح له بيه باحه

سرى فالشرايين زاد بنشاطه*نشر بنطراحه*مافي خلاياي خللى مساحه

ولابا وهو داسهن تحت باطه*ضمايد جراحه*ايضمد اللي صابني من رماحه

وجوده نكد خاطري ونبساطه*متاعب وراحه*كدر ونشراحه*افراح ومناحه*

خفيف دم عاطيه ربي ملاحه

حزام عاتيه خايله بنقشاطه*تسيربنرداحه*عليها اللي موش عيب امتداحه

تجي اتقول في جمر مشقوق تاطى*وتزيد انجواحه*ان فزع اللي فوق منها اوحاحى

الفارس اللي تحت كاطه حلاطه*وفوقه اوشاحه*تريسه ان ناداه هاين ارواحه

الفايزبلا امساعده لا وساطه*مصوقر نجاحه*خصيمه بلاشك ضامن اطياحه

الشامخ اللي لا ركع لاتواطى*امفيت في فلاحه*صلاته اللي نازله في الواحه

مالغيرها يوم بالراس طاطى*بقو وكساحه*الخوف مالخطر ماتخايل اشباحه

خطرها اللي شال عقلي عطاطه*وراه بنذماحه*اغذاه مالعطشدار ضجه اصياحه

وخايف يكون مزن غيمه غطاطه*ايلقي اقداحه*ومايمتلن ماه فيه انشحاحه

م ن ق و ل