تعبت وتعبني لفراق ... وذابن في صدري لشواق

قصيدة كني للشاعر فتحي القابسي

تقــول القصيــــدة :: كني وين انقول خلاص ...اوصلتك نلقا مية هم وكني ماني كيف الناس ... اللي نبيها ماتلتم تعبت وتعبني لفراق ... وذابن في صدري لشواق وماني عارف كيف اتم .. كني وين انقول اقربت ... الشط اتباعدني لمواج وكني وين انقول افرحت ... بغالي يتركني محتاج!! ضنك مكتوبه في لوحي ...يكمل عمري مانرتاح؟؟ واللا غير اوهام بروحي ... بعد الليل ايجي الصباح من صغري حسيت النار .
..وقست اللوعه بدري بدري نخفي في دمعة لنظار ... وهابا يامو شايل صدري حتي وين الود عطيت ... مكان الود خذيت جفا وحتى كان نهار ازهيت ... زهاي ايرد علي ابكا احساسي بوجودي معدوم ...طاير لكن وين انعدي ديما باحبابي مصدوم ... وماملي راحت من يدي مام الباب اللي دقيته ... لكن ماجاني الوجاب ومام العيب اللي دسيته ... جاني من خيرة لصحاب فوق اكتوفي شلت احلامي ... لكن وين انعدي بيها واللي قلت اتجي قدامي ... خلفي ديما نلقا فيها ضنك في عودي الحكايا ... مهما نشري حظي بايع واللا فيه خيال ورايا ... مهما نعشق ضايع ضايع اتعبت وتعبني لفراق ... وذابن في صدري لشواق وماني عارف كيف اتم ..؟

تسلم اخى ستار