خلك منها # تذرف أطياف الغايبين ايجنها # هبلة عقاب الليل

من طرف **جمال المروج** 2012-10-27, 10:39 pm

خلك منها # تذرف أطياف الغايبين ايجنها # هبلة عقاب الليل خلك منها

فأمري حاير # شلي جري للعين شلي صاير # تبكي طوال الوقت غير خساير # متعجب دليل العقل ليش رمنها

# زعمه ميلات الزمان الباير # ولا مكاتيب الحياة زارنها # خلنها حزينه شاربه المراير # ياسات بأشكال الرياح

زونها # وزرعت غلا مابه يدير تماير # نالت شقا وهان الخساير جنها # وعشبات الغلا مابت ادير نواير # جادبات

ماعمر الزها لونها # ورفعت احمول امعبيات غراير # حتي جمال الهول ماقدرنها # ودرفن مواقيها أتقول مطاير #

وهي خاسره غير الدموع شرنها #

خلك منها # تذرف أطياف الغايبين ايجنها # هبلة عقاب الليل خلك منها

ما نخطاها # وانكانها عيت نبكي اسنين معاها # ولوكان تعرفو يااصحاب شلي جاها # مايوم لمتوها ان درف

معطنها # اسباب بكيها جي من قديم غلاها # اللي قبل مايطرب الا بلحنها # واللي عاش في لحظة امان معاها #
مايوم حس الخوف مطمنها # واليوم للياس العطيب رماها # بعد الخيانه أتجيك يامعفنها # وعيني غزيرت دمع

من خلاها # نسايات الغلا ياخوي هن ظلمنها # وني جنبها مانيش من عداها # وبالله ياصاحب اتكفو عنها #

خلك منها # تذرف أطياف الغايبين ايجنها # هبلة عقاب الليل خلك منها

إيوا خلك منها ... نقل قلمي