هناك بنت بوها عالعصر رباها..وهناك بنت زادت عالسفاه سفاهه

من طرف سمر ليبيا 2013-04-09, 12:34 am

بداية القصيدة كانت للشٌاعر خليفه السواح فقال :

هناك بنت بوها عالعصر رباها..وهناك بنت زادت عالسفاه سفاهه

صانها وادبها .. بها يفخروا بين الاعراب عربها

وهناك بنت يابدوي ولد تحسبها .. في فعلها والشكل يامشناها

حتى الخاطب كان جا يخطبها .. يبطل الزيجه مايعه يلقاها

لاحشم لاقيمه .. لسانها طويل وفي الاخلاق عديمه

فتنه وكذب وخلبطه ونميمه .. والشكل ساخطها الله مولاها

وهناك بنت لون وعون كيف الريمه .. ربي على كل النسا علاها

هناك بنت حشومه .. تعد الموده والدما واللومه

وهناك بنت حاشاكم عطيبه شومه .. متطلمسات افعالها ونياها

عليك صبح يامشين هذيك الزومه .. تعوذ من الشيطان كى تاراها

رد عليه الشاعر علي الصحره وقال :

هناك بنت أصيله ... كبير قدرها مصيون فوق اتشيله

كيف النخل شامخ وكارب حيله ... واللي يحذفه طيب الثمار رماها

و شور البهاوه عندها تمييله ... وكيف الشنينه صافيات انياها

قطير زعتري من جبح بر اكليله ..وبطيب أصلها ينضح اللي يحواها

هناك بنت يا صاحب كما العسيله..كل من ايصادفها وحل في داها

دير العفانه مــا لها توميله ... ولا توصيه تحتق في مسعاها

لها لسان حصادة اقلاس مثيله ... لاحق اللي قدامها ووراها

ولا خير فيها تنضره وترعيله ... ولا تنذكر بي طيب في دنياها

خبيثه و رزيله وناقصه وعليله ... ومريضه وضعف النفس فيها عاها

ولا عيبها يلتم كي تنويله ... وما يدس عورتها نهار ارداها

وتصنيفها يحير لأي فصيلة ... جميع ما خلق من فتن لم اجواها

شاركهم الشاعر سالم البدوي وقال :

هناك بنت حلال... ربة عصر ربة عرب عقال

والله خالقها تقول غزال ... بالفعل ماهو غير لفظ اسماها

وهناك بنت كيف القرد شكل وفال... علي ماشرت مكياج ماحلاها

مسكين هاللي يدير منها عيال... يودع هناه وراحته ينساها.

منقول