من قالك نقدر نعيش بلاك

من طرف سمر ليبيا 2013-04-09, 10:12 pm

من قالك نقدر نعيش بلاك

من قالك
من قالك نقدر نعيش بلاك ومن قالك نصبر بدون غلاك
ومن قالك حلوة بلاك أيامي ومن قالك كاثر عليك ملامي
ومن قالك سافر الله امعاك

ومن قالك يا ناسي إني نسيتك يوم
أنت وليف إحساسي ويلاك الزها ما يدوم
أنت دواء لجراحي وأنت السبب في أفراحي
من هو اللي يفداك

من باعدك عن عيني وكان السبب ف الهجر
وخلا أشواق حنيني تفيض مثل النهر
ما يفرقوا بيناتنا لا يمنعوا خطواتنا
أنت وأنا وهواك

من قالك يا عمري غني اسمعت الغير
أنت الغلا لو تدري واللي اتريده ايصير
يا بدر عالي فوق كلي محبة وشوق
عايش على ملقاك

لشاعر نعيم الزوي
منقول

من طرف اشرف العبيدي 2013-04-15, 3:52 am

ومن قالك انك مش مبدعه ورائعه

من طرف اشرف العبيدي 2013-04-15, 3:57 am

مانيش داير غيرك *** نين ننعمى ولا انموت اسيرك *** يا صاحب الغلا

مانيش داير غيه *** ولا يغنو عليك اصحاب لا امواليا
انت النفس والروح ساكن فيا *** ونا راضي باللي عليه يشيرك
عقلك وروحك وفكرتك والنيه *** لوكان نلقى يالعزيز انديرك
كيف النفس والروح كي الميه *** ماشي معاك والدليل دليلك
وين ما ترسي نا معاك سويا *** ديما ف بالي وف العيون انشيلك

مانيش داير غيرك *** نين ننعمى ولا انموت اسيرك *** يا صاحب الغلا

مانيش داير غالي *** انت جديدي والقديم التالي
انت عيوني وبسمتي وامالي ***ندعي لربي نكون من قسميتك
ندور وما نلقي كيف كيفك والي ***ولا ف العالم فيه زول مثيلك
انت ف عيوني دوم شانك عالي ***وان شاءالله شعوري يكون كيفي كيفك

مانيش داير غيرك *** نين ننعمى والا انموت اسيرك *** يا صاحب الغلا

مانيش داير حد *** ان غبتي يغيب معاك كل الود
وان جيتي تجيبي معاك ود يبد *** علي كل انسان والزمان وجيلك
نا رهن شورك من يد ليد ***وانت اختاري ودوم نا نصغيلك
لك اشواق اكثار ما تهمد *** الا بشوفت خد سمح ازويلك

مانيش داير غيرك *** نين ننعمى والا انموت اسيرك *** يا صاحب الغلا