عيونك حكن

عيونك حكن/للشاعر بوبكر رابح


عيونك حكن وانا عيوني ردن لحظات ود واهموم الزمان تحدن
صار نقاش بيني وبينك له الخاطر شاش
رفعتي وواطيتي معاي ارماش احراب سود في وسط الكنين ايغدن
عديتي وراك الفكر ظل وطاش وكل العواطف في رحيلك عدن
حسيبك المولي مانريد ألطاش معاك غير خلفتي جروح ايبدن
حوار بصمت صار بينا وقصه غرام ارسمت
كتمتي الدي ونا اخذاك كتمت كلمات يوصلن راس اللسان ايردن
ومن غير وعي خشيت الفريق وعمت وانظاري مع سحر الامواج ايمدن
وهبت النسمه من غرامك همت معاها دقايق فالدهر ينعدن
ولطافة الجو اللي ارغمني نمت ولنظار قبل عندي فالنجوم ايعدن
نوم جو متريح معاه احملت احلام فسرن شور الدلال ايودن
معاك دقايق قظيتن مرتاح جوي رايق
ولكن الخاطر جاء ابغيظه سايق جروحه تحاين من جديد وجدن
بيني وبينك حال كم من عايق جدران غنوتي صاعب انهن ينهدن
نشهد اشهادتي يابنت عقلي شايق ناوي الحجه في ربيعك مدن

رفعتي وواطيتي معاي ارماش احراب سود في وسط الكنين ايغدن
عديتي وراك الفكر ظل وطاش وكل العواطف في رحيلك عدن

اختيار جميل .. وصور رائعه لمن يفهمها ....

اخي لي عندك طلب إن كان في الإمكان ... هناك بيت شعر عاجبني نبحث عن البقيه إن توفر لديكم .. يقول :
اصغير نشا توا امربي احداجه اطوق حجاجه الهانا علي كل مقضاة حاجه ...

مشكور اخي