تعرف ليــــش يا غالـى هويتك

من طرف ناصر العبيدى 2014-05-08, 11:17 pm

تعرف ليــــش يا غالـى هويتك ... دون الغيـــــر نا درتك خليل
وتعرف ليش نا قلــبى عطيتك ... دايم ليـــــــــك دابنـّك نزيل
وتعرف ليش فالدنيــــا هديتك ... قلب وروح صرتلهــــن وكيل
وتعرف ليش بعـروقى سقيتك ... ود وحن ما عنـــــــده مثيل
وتعرف ليش باحضـانى خذيتك ... وخذة طفل من بعد الهميل
وتعرف ليش بالفـرحه كسيتك ... طول العمــــــر ما ليها بديل
وتعرف ليش بحــروفى طريتك ... بين انغـــــام سامعها قليل
وتعرف ليش ما لحظه نسيتك ... درتك دوم فـ ادروبى الدليل
وتعرف ليش بانسامى حويتك ... صِرت البـــدر والظل الظليل
وتعرف ليش مالنيــــــه نويتك ... دون الكــــــل نبِّيك الحليل
جاوب قــول نــــا بيدى دنيتك ... نا مشتاق نسمع يا جميل
تعرف ليش ... ؟