بكية عقاب الليل

من طرف **dude333** 2014-05-09, 11:56 am

بكية عقاب الليل
بكت في خفا ماهنـاك مـن ينهاهـا
بكيـة عقـاب اللـيـل يامحـلاهـا

بـكــت كــــي حــاســت
بكـت وينمـا دار الغوالـي داسـت
بكت من قديـم عـذاب منـا قاسـت
وعقبلـهـا تـذكــار ماهـنـاهـا
احـلام السعـادة عالوطـا تواسـت
والـي سقاهـا سـم هـو مشكاهـا
واجد انضلمـت مالزمـان انهاسـت
ومابـا ايـروق الوقـت لارضاهـا
فيمـا مضـا يامـا اهمـوم تناسـت
واليـوم عـم الغيـم كـل سمـاهـا
بـــكـــت مـنــضــامــة

بكت من قديم ومـن اخطـور ايامـه
وحسا وهمسـه فـي لذيـذ كلامـه
وجيـة الفرحـة بيـه كنهـو جاهـا
كانـت وكـان وكايـنـات ايـامـه
وكـان السعـادة عندهـا وزهـاهـا
وكانـت زمـان امعليـا اف مقامـه
موحـال غيـره مالبشـر يمـلاهـا
واليـوم منـا عايشـة اف دوامــة
وصارتلهـا مـن خونتـا نستـاهـا

بـــكـــت مـلــيــوعــة
بكيـة بـلا تنهيـد مـي مسموعـة
ماهيـش بكيـة بودعـة مصنـوعـة
بكيـة اتداويهـن اكـبـود دراهــا
وان شافت شعاع الشمس وان اطلوعة
تهمد اتطيـح اطيـاح فـي مصباهـا
ترقـد الـي فيـه النصيـب وتوعـا
وتقعد اتراجي فـي اوقـات عزاهـا