افكار شعر المهدي بشير

من طرف **dude333** 2014-08-16, 8:34 pm

افكار للشاعر المهدي بشير

أفكار فى مدار العقـل تلعـب فـى طـوَل***وأفكار حمّلـن بأحمـول قصـرن أقيودهــــــا

وأفـكـار يـدربـن للـحـق حــادن عـالـزلَـل***وأفكـار موّتـن بأسـرار خـشّـن ألحـودهـا

وأفكـار سارحـات ضـوالّ مـازالـن أغـفـل***حتى وهن بنـار الوسَـم طابـن أجلودهـا

وأفكـار غاصّـات بهـم مـن مضـغ العـلَـل***وأفكـار غيّلـن بالـزور شهّـدن أشهـودهـا

وأفكار ذاهبـات أعطـاش واردهـن أقتـل***سقطـار الأقـربّ بالسـمّ يبّـس أكبـودهــــــا

وأفكار وَانسَن م الخوف حطّن عالأغـوَل***اللـي مـن رديـم أقبـور نـاضـن أرقـودهـا

وأفكـار م الهوايـل هـذب مآقيهـن أفـتـل***وماعـمـر دمــع خـلـوج حـايــا قـعـودهـا

بينهـن إيمـوج العقـل مـن غيضـه أدقـل***إيكـص بالقيـود أنظـره فـى راس رودهـا

حتى أن كان لـه مـدّات م الطربـه أعـزل***وكـل يـوم لــون أدراد ينـشـل أجبـودهـا

وحتـى أن كـان طاويـتـه الدنـيـا بالعـقَـل***اللي مـن خيـال الذيـب خافـن أصيودهـا

سوايـا أخبـاث أنفـوس وأعيوبهـم حمَـل***اللـي فـوق ثـوب الفتـن لطّـن أجرودهـا

يحسـابـوا أن جــا النـهـار ضـيّـه ينخـتـل***ويديروا أشبَك عالشمس تستر أهرودها

أنكانهـم عليهـن الغيـر يـرجـوا فالسـبَـل***إيخونهم حليـب أعـروق واحـد أجدودهـا

علـى عيـن فـى ميـعـاد يعـمـر وينـعـدل***ويفـكّـن وثــاق الـلــي أثـنّــن أقـيـودهـا

يكـرامـاً وجــوه أجــواد جتـنـي تـنـدخـل***وأمسامح ألسن بالسـوّ سلّـن غمودهـا

لآجـــل ضـنــا لـجــواد قـاديـهـم أهـبــلّ***القـلـوب لضـنـا لـجـواد تبـيـاض سـودهـا

ذبـيـحـة وجـــوه أكـــرام فـيّــا مـافـعـل***وأنقيـلـه ولــو سـتّـيـن مـــرة إيـعـودهـا

مازال فى سريب العقل قولـي ماأكمـل***ولا البـعـد ع المـقـراع يقـطـع أجهـودهـا

تشبـىَ عالقـزَع واتطيـر تسحـن فالنعَـل***وما أتحمَل لـذع أركـاب ساعـة شرودهـا

أنجيـهـا ونــا مهـمـوم فـاطــر عـالأعـلَـل***خزايـن غيـاضـى دلــف قـنّـد أسـدودهـا

نـدراهـا هـــدَد لالـجّـمـت لاي بـالأعـقَـل***تبـي تندبـس فــى نــار لـهـلاب عـودهـا

مـازال مـن غويـر البيـر عقلـي مانـشـل***راك ماسمعـت طـفـاح طـافـح أركـودهـا

ولانـــي عـلــى لـيّــام لاويـنــي زعــــل***وعــارف أنـهـا ماعـمـر وفّــن أعـهـودهـا

دنـيــا قـديـمــة شــــوم طـيّـاحــة أدوَل***علـى مشنقـة (صـدّام) لعبَـن أقـرودهـا

من طرف **STAR** 2014-08-17, 8:57 am

شكرا على ما طرحت

رد: افكار شعر المهدي بشير