ملحمة(يا شباب اوداعن) للشاعر الصديق الصاوي العوامي الجزء1

من طرف فرج جا بالله 2016-12-26, 5:50 pm

ﻫﺬﻩ ﺍﻟﻘﺼﻴﺪﺓ ﻟﻲ ﺍﻟﺸﺎﻋﺮ ﺍﻟﻤﺮﺣﻮﻡ / ﺍﻟﺼﺪﻳﻖ ﺍﻟﺼﺎﻭﻱ ﺍﻟﻌﻮﺍﻣﻲ
ﻳﺮﺛﻲ ﻓﻴﻬﺎ ﺷﺒﺎﺑﻪ ﺍﻟﻤﻐﺎﺩﺭ " ﻳﻘﻮﻝ
*** ﻳﺎ ﺷﺒﺎﺏ ... ﻭﺩﺍﻋﺎً ***
ﻳﺎ ﺷﺒﺎﺏ ﻭﺩﺍﻋﺎً .. ﻣﻨﺤﺎﺷﻦ ﺍﻃﺮﺍﻑ ﺍﻟﺠﺴﻢ ﻣﺎ ﻳﻨﺒﺎﻋﻦ ... ﺍﻥ ﻓﺎﺭﻗﺖ ﺗﺮﺑﺢ
ﻳﺎ ﺷﺒﺎﺏ ﺗﻬﺎﻳﻪ ... ﺍﻳﺎﻡ ﻋﺮﻭﺍﻧﻚ ﻓﻲ ﺯﻫﺎ ﻓﻲ ﻏﺎﻳﻪ
ﺍﻳﺎﻣﺎ ﻭﻋﻨﺪﻱ ﺑﺎﻟﻌﻨﺎﺩ ﺍﻫﻮﺍﻳﺎ ....... ﻣﻌﺎﻧﺪ ﺑﻨﺎﺕ ﺍﻟﻘﻮﺩ ﺟﺒﺮ ﻭﻃﺎﻋﻦ
ﻭﺍﻟﻴﻮﻡ ﻟﻴﺪ ﻣﺎﺗﻘﺪﺭ ﻋﻠﻰ ﺍﻟﻜﺒﺎﻳﻪ ....... ﻭﻛﺎﻓﺔ ﺍﻟﻤﻔﺎﺻﻞ ﻛﻠﻬﻦ ﻳﻮﺟﺎﻋﻦ
_________________________
ﻳﺎ ﺷﺒﺎﺏ ﻧﺴﻴﺘﻪ
ﻓﻲ ﺷﻲ ﻭﺍﺟﺪ ﺻﺎﺭ ﻣﺎ ﻋﺪﻳﺘﻪ
ﻛﻢ ﻭﻃﻦ ﺟﻮﺑﻪ ﻉ ﺍﻟﻜﺮﺍﻉ ﻣﺸﻴﺘﻪ
ﻳﺎﻣﺎ ﺯﻫﺎ ﻻﻧﻈﺎﺭ ﻳﺎﻣﺎ ﺭﺍﻋﻦ
ﻭ ﻳﺎﻣﺎ ﺭﻓﻴﻘﻲ ﺑﺎﻟﻌﻠﻞ ﺳﻠﻴﺘﻪ
ﻭ ﺑﺎﺗﻦ ﺍﻳﺎﻡ ﺍﺳﻤﺎﺡ ﻣﺎ ﻳﻘﺪﺍﻋﻦ
ﻭﻻ ﺷﻲ ﻋﻤﺮﻱ ﺑﺎﻟﻨﻈﺮ ﺭﺍﻋﻴﺘﻪ
ﻭﻻ ﺍﺗﻘﻮﻝ ﻛﺎﻧﻦ ﻻﺷﺮﻥ ﻻ ﺑﺎﻋﻦ
_________
ﻳﺎ ﺷﻴﺎﺏ ﻏﺮﻳﺒﻪ
ﻓﻮﺕ ﺍﻟﺤﺒﻴﺐ ﺍﻣﻨﻴﻦ ﺑﺎﻉ ﺣﺒﻴﺒﻪ
ﺧﺼﻮﺻﺎ ﺑﻌﺪ ﻭﺩﻉ ﺗﻜﺎﻣﻞ ﺷﻴﺒﻪ
ﻭﺗﻢ ﺑﺎﻟﻤﺴﺎﻣﻊ ﺩﻭﺑﻬﻦ ﻳﺴﻤﺎﻋﻦ
ﻧﺨﺎﻑ ﻡ ﺍﻟﻌﻠﻞ ﻣﺮﺍﺕ ﻓﻴﻪ ﺍﻟﻐﻴﺒﻪ
ﻳﺠﺪ ﻥ ﺣﺠﺎﻳﺞ ﻳﺮﻋﺒﻦ ﻳﻔﺠﺎﻋﻦ
_________
ﻳﺎ ﺷﺒﺎﺏ ﺗﻌﺪﻱ
ﺗﻔﻮﺗﻨﻲ ﻭﻧﺎ ﺗﻌﺒﺎﻥ ﻭﺍﺻﻞ ﺣﺪﻱ
ﻭ ﻧﺎ ﻣﻌﺎﻙ ﻧﺴﻌﻰ ﻓﺎﻟﺮﻓﻖ ﻣﻦ ﺟﺪﻱ
ﻭﺑﻴﻨﺎ ﻭﺳﺎﻳﻞ ﺭﺣﻢ ﻣﺎ ﻳﻘﻄﺎﻋﻦ
ﻭﻓﻲ ﻇﻦ ﺑﺎﻟﻲ ﻛﺎﻥ ﻣﺎ ﺣﺪ ﺿﺪﻱ
ﻧﺨﺎﻃﺮ ﻋﻠﻰ ﺟﻮﺑﺔ ﻓﺠﻮﺝ ﺍﻭﺳﺎﻋﻦ
ﻭﺑﻌﺰﻡ ﻭﺷﺠﺎﻋﻪ ﻛﺎﻥ ﻃﺎﻳﻞ ﻣﺪﻱ
ﻭﻧﺪﻳﺮ ﻉ ﺍﻟﺠﺎﺭﺍﺕ ﻭﻳﻦ ﺍﺟﻴﺎﻋﻦ .
_______
ﻳﺎ ﺷﺒﺎﺏ ﺍﻣﻔﺎﺭﻕ
ﺍﻳﺎﻣﺎ ﻭﻛﻨﺖ ﻣﻌﺎﻱ ﺑﺎﺗﻊ ﻣﺎﺭﻕ
ﺧﻔﻴﻒ ﻗﻔﺰﺗﻲ ﺗﺸﺒﻪ ﻣﺜﻴﻞ ﺍﻟﺒﺎﺭﻕ
ﺑﻌﺪﻝ ﻭﻟﺒﺎﻗﻪ ﻭﺍﻟﺨﻄﺄ ﻳﺴﺮﺍﻋﻦ
ﻭﺍﻟﻴﻮﻡ ﻣﻨﺨﺠﻞ ﻣﺎﻋﺎﺩ ﻧﺴﻤﻊ ﻃﺎﺭﻕ
ﺣﺘﻰ ﺍﻟﻨﻈﺮ ﺯﻭﻟﻴﻦ ﻓﻴﻪ ﻳﺮﺍﻋﻦ

من طرف ادريس امراجع 2017-07-16, 12:26 am

تسلم خوي فرج وطول عمرك
نقل رائع

من طرف ولد الجبل 2017-07-16, 8:41 am

العرب تقول : اللي ياكل قسمه يواطي عينه .. والشايب اللي يريد روحه شباب امغير يودر مشيته ..... فالإنسان إن أراد الراحة النفسية والجسدية أن يعيش علي قدر عمره ....
فالشاعر قد وصف مراحل العمر بدقة وجاء بنصائح مفيدة لكل المراحل ...