مريم

ابقولي كان هناك علم**بما يلزم **ايقيم الجولة هي مريم
ابقولي كان هناك جميل**عليه ايخيل**القول ان قالو سيل انسيل
غني صايفه ع التمقيل**الله ناعم**عليها بالزين امتمم
اتسفي في ممشوط طويل**ايميح احزم**امسوي ع الشرشوف اظلم
ان جت تذاره بتجلويل**وهو هاتم**وراها بو عقلين ايهم
الا انا واخذ ع التبليل**وما نسلم**ان قالو مازال ايبرم
ورا طاري النسوان ضليل**ابهن هايم**جريح وجرحي مالايم
ابقولي كان هناك علم**بما يلزم**ايقيم الجوله هي مريم
ابقولي مي في هالبنات**المنغومات**ولا جابنها جيبات
علي ماشقيت بلادات**امغير حشم**ان قلت القيتلها كاسم
عليها واتني هيلات**انريد انلم**غبا ماعندي ونقدم
ابها ياك انعوض مافات**امعا القدم**ايام وانا ملتاث ابهم
تواعدنا لكن هيهات**حجايج فم**اعتبره و ماقلناه وتم
خذنهم رايات امشومات**الله دايم**دانهم لنا مو قاسم
انعده هفوه مالهفوات**ولبنادم**ايجي خاسر وايجي غانم
ابقولي هنا وين القيت**علم له صيت**ايشرف كان عليه حكيت
علي مافي لوطان مشيت**الها نبصم**انها م الحور الله واعلم
انكذب روحي كيف انجيت**ونا في سم** سنا خزرته نستطعم
كمين غلاها فيه وطيت**ومانعلم**انه ها المكان املغم
اللي بسماها راس البيت**ابني وارسم**عليها من جدي عازم
ايلطنها القسام امفيت**ايصير خصم**الامافيها باب ندم
ابقولي كان هناك علم**بما يلزم**ايقيم الجوله هي مريم
ابقولي مي شي للتظنين**ابهن الاثنين**جمال وعفه حد الزين
عيون اللي فيه عطابين**ان غار احتم**قليل اللي منه تخرم
اسرع من رمشة عين امنين**اجنحة ظم**وهو ع الحوزة متقرم
علي جوعه جلوله وين**الريح قسم**ابدابر في صيده لاحم
اتقول محاسة جزارين**خليطة دم**ايخلي في الريش امعرم
ونا ماني من القناصين**ولا نفهم **الصيد ولاني به مهتم
امغير انمثل في ام جبين**النور ايعم**ان قابل بوقه كي تخطم
رزتني بتقوريرة عين**اسود من الهم**الله لايجيبه كان التم
ابقولي كان هناك علم**بما يلزم**ايقيم الجوله هي مريم
ابقولي هنا وين غمرني**ديوان اهمومي نساني
من كيد الماضي حررني**مطلوق اسراحي خلاني
هلي ع الفاضي جرجرني**نين علي الصيور الهاني
شغل استعمار استعمرني**تما اسمه مالك وجداني
مانسلك فيت اتذكرني**به حتي في ميح معاني
لارضا نزواته سخرني**وين عليه اعبيت ارخاني
في نص المشوار نكرني** خيب مجهودي واظناني
ماتحلف عمره دورني**لاغاليته لاغلاني
لو مامولايا قدرني**ع الصبر وحظي واتاني
جيت أصداف اللي تجبرني**ننسا تخميمي وأحزاني
تحيي عودي وتنورني**نقبا نا سلطان زماني
من حال لحال اتغيرني**ما كانت شي في حسباني
ديمه في النوم اتباشرني**مابت صورتها اتخطاني
حتي لو خفيت اعذرني**يالايم**ورا خزرة عين الحايم
ابقولي كان هناك علم**بما يلزم**أيقيم الجوله هي مريم
مريم وقتاً جيت صدفها**مجتني بعيون رغابه
مريم يانا اللي قاحفها**منها نار غلا لهلابه
مريم قبل اتصيب هدفها**جرتني بأسلوب طيابه
مريم لوكان أتحلفها**مانك هالعطيب أسبابه
مريم ماتقدر عارفها**وان قالت نقدر كذابه
مريم كيف لكم نوصفها**لو في شكر الزين معابه
مريم بالقول انشرفها**تشريف اللي عالي قابه
مريم حاجة زوق وعفه**ماتنذم**بقولة شينة ماترتم
ومريم قول علي توفا**واجلي تم**حسوفه يالوماتقسم
ابقولي كان هناك علم**بما يلزم**ايقيم الجوله هي مريم
مريم يانا اللي واكلها**منها مي من واحد ثاني
مريم لو ماني جاعلها**مانشقا في هالمعاني
مريم كي ماني شايلها**حتي هي شالت نيراني
مريم ماحت لي محتلها**ميحت سيل مع ودياني
مريم وين انجيب عللها***يجلا همي واحزاني
مريم كان ابولي هلها**ربحة في تاخير زماني
مريم تاخذها بعقلها**مو غير انديرو قراني
مريم والله مانجهلها**شايل هم** غلاها والموح امخاصم
ابقولي كان هناك علم**بما يلزم**ايقيم الجوله هي مريم

الشاعر الكبير / جمعة عبدالرحيم بوخبينة

جهد متميزمن عضو متميز لك الشكرعلى هذه المشاركه

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل

....................................................
اللي بسماها راس البيت**ابني وارسم**عليها من جدي عازم
ايلطنها القسام امفيت**ايصير خصم**الامافيها باب ندم
ابقولي كان هناك علم**بما يلزم**ايقيم الجوله هي مريم
....................................................

اخي "منبوت الجبل" هدا هو الشعر اللي ايصيد العقل ... ويستحق العرض في المنتدى ويستحق القراءه ... فاشكرك على مساهماتك المتميزه ... والشاعر "جمعة عبدالرحيم بوخبينة الزويي" شاعر متميز فعلا وله قصائد متميزه في مجالات متعدده ، واسمح لي ان اعرض لك هنا ابيات اخرى لنفس الشاعر من قصيده اخرى له ولكنها تتعلق بلاحم الجهاد، والملحمه بعنوان :

"اجهاد ليبيا ما هو اجهاد اقياده ...اجهاد شعب جاهد كل حد في ابلاده"

ومن ضمن ما قاله بوخبينه في قصيده تتكون من 78 شطره مايلي:

ولا هو درقه ...اجهاد شعب جاهد كل حد في طرقه ...مو امغير في طرابلس ولا في برقه ... لا الوسط لا الجنوب لا الحماده ....ولا فالجبل الاخضر ومنه شرقه ...خوذ الكلام ابرمته وابعاده ...ثلاثين عام الحرب ناره ترقى ...خلت النابت والهشيم رماده ... يقضو علي فرقه اتجيهم فرقه ...من جيش روما والدما بداده ....شيالة الطايح في نهار الشرقه واقفين بالمرصاد له حشاده ...

اشكرك مرة اخرى ، وننتظر منك مساهمات اخرى وبالتأكيد بنفس مستوى مشاركاتك السابقه التي اطلعت على معظمها ... وتقبل تقديري ....

يجب مرعاة التراث ونحن من منطقة التميمى يعنى يجب مراعاة هذة الشئ

الشعر الجيد بأنواعه وبحوره ومجالاته تراث شعبي، ولقدماء ومحدثي اهل التميمي اخي "ستار" باع طويل فيه من ايام : الساعدي الكباري ، وابناء اعطيه الكباري ، وسالم بو صالح ، ومنصور الضبعاني ، وصالح بو مازق ، وسعد الجبالي ، وبالقاسم شاوش ، ... والقائمه تطول لتشمل روفه الدعبوب ، وسعيد سعد بوحوه و.... و.... ، وانا شخصيا اخي "ستار" لدي قصيده على الاقل لكل من الاسماء التي ذكرتها .... فلهم اشعار في الغزل "العفيف"، ولهم اشعار اجواد ، ولهم اشعار عالخرمه واهلها ، ....
فقصيدة "بو خبينه " في مجال الوصف والغزل "العفيف" وحديثه عن "مريم" لا تخل بقواعد المنتدى ... وهو بكل تأكيد ، وبشهادة غيري ، يعتبرمن فحول الشعراء في ليبيا ، واملك ديوان له بعنوان " يا مرسالي " يشمل حوالي 37 قصيده في مجالات مختلفه ( وحده اتعايب علي الاخرى حسب تقييمي)، ومن ضمن ما قاله في هذا الديوان مثلا قصيده عن الابل تتكون من 57 بيت ، جاء فيها :
ما اتقول تاق هللها .... وهي رايضه فالعصر قيلي هلها
ولا اتقول عمره سيدها دللها ....وشاشن الها لنظار من تدليله
ولا اتقول رد القوم يوم شكلها ...امنين كل حد يظهر علي تاصيله
ولا اتقول يوم الورد جا فاولها ... ويخبر الغابي والنجوم دليله
ولا اتقول دل الذاهبين جملها ....اللي هدرته تحلف رعد في سيله
ولك ولمنبوت الجبل كل التقدير لاثراء الموضوع.