مازلت فيك انراجى

مازلت فيك نراجي .. ومازلت كامي لوعتك ونداجي
يمكن لصوبي والغلا تحتاجي .. تجيني وتلقيني نظيف نيا
مع الزين نستانس يروق مزاجي .. والعفن ماعندي عليه عبا
علي شان بومضحك مثل العاجي .. نخش الخطر لو تم فيه دما
خطرها لقصقالك نعود ادراجي .. هو اللي مسببلي نصيب كدا
فيك وسط طايب حركته رجراجي .. ومضحك علي لون الجليد سوا
وما نظن نبقى من سريبك ناجي .. الله وعلم تبقى لي سبايب دا
غباوين في شانك نويت نقاجي .. لو يبقو جميع الناس لي عدا

ماولت وافي عهدي .. ومازال صوبك في مكانه عندي
ومازلت صادق في الغلا من جدي .. مجروح وانتي في غلاك دوا
وراه الخيانة عالبنادم تردي .. تدعي الناس يصيب فيه دعا
وشين النوايا عالعرب والحسدي لا بد ما يشقى ينال جزا
في الآخره وين الرحيل يعدي .. يندم على مادار فالدنيا

فيك وسط طايب حركته رجراجي .. ومضحك علي لون الجليد سوا
وما نظن نبقى من سريبك ناجي .. الله وعلم تبقى لي سبايب دا
غباوين في شانك نويت نقاجي .. لو يبقو جميع الناس لي عدا


امنور والله يا احسونه قصيده صح الصح
ربي يعطيك الصحه

ويعطيك الصحه والعافيه مشكور على المروروالاطلاع
محمد الموصفات مطابقه عندى هههههههههههههههههههههههههههههه

مع الزين نستانس ايروق مزاجي---والعفن ماعندي عليه عبا
-----------------------------------------------
مشكور ياحسين وكلام سمح سمح موش كلام من يالا

مشكور يا غالى على ما طرحت