ماتزعل علي ياعزيز اعذرني

ماتزعل علي ياعزيز اعذرنـــي ** حودد غلاك امعاي ماتجبرني

ياعزيز اسمحلـــــــــــــــــــــــي ** حودد غلاك امعاي ماتجرحني

حتى عليه ما عاد شي تلمحلي ** ولا اديرلي مشغال لا تشقيني

حايطات بي اظروف لو نشرحلك * عليهن اساع انبكيك وتبكيني

دايلات بي مانريد شي انوضحلك * راني في ما لهم مايكفيني

ما تسلم علي عد ما تعرفنــي ** بالله صدفه وين ماتلاقيني

لا تسيل قدامي ولا تعاتبنـي ** مجبور غصب راني ياعزيز اعفيني

نكذب عليك إن قلت قاصد بابك * ان شاءالله امغير انخلص ديني

ولا نخدعك ولا اندير دوبى دابك * ولا نعاهدك نرجاك ولا تراجيني

سكر علي واقفله موالــــــك ** ومن بالك انساني ونا الله يصبرني


لكم مني كل الود
المهندس

مشكور اخى على المشاركه القيمه

مشكور علي المرور

مشكور خوي

مشكور يا عزالدين علي المرور

مشكوووووور باش مهندس على القصيده الرائعه
لك تحياتي وتقبل مروري

مشكور يا المثقف علي مرورك الرائع
دائما لك وجود خاص في صفحتي

صقع صقع صقع وين هذا كله
امنور على الكلمات الجميله يا المهندس
مشكور بارك الله فيك

تحياتى

مشكور ياحسين علي مرورك الصقع

حق حق ...مشكور عزيزى على القصيده الاكثر من رائعه

مشكور يابوفرقه مرورك الرائع