جديد العين واللي جاها

من طرف **STAR** 2010-06-21, 10:20 am

[size=21][size=16][size=21]هذا جديد العين واللي جاها...[/size][/size][/size]

============================

[size=21]انت جافية وانا جافيتك ديمه

[size=16]انت جافية وانا جافيتك ديمه ... ياخسارة التعب فى حب ماله قيمه

انتى جافية ونسايه ... وانا قلبى وفى للحب فوق الغاية

تسهر عيونى بالدموع ملاية ... وعيونك ايجيها النوم من التظليمه
انت هانيه وانا قليل هنايا ... امندم لى عشرة سنين قديمه
امقدر عليا بالشقاء مولايا ... وكانت سبايب بلوتى تسليمه
عينى هوت والقلب عادم رايه ... امتبع شهاوى العين ديمه ديمه
اللى يعرفوك وعارفين وفايا ... قالو تخونك بالخداع عليمه
ماسمعت ناصح ولاقبلت وصايه ... حامل صغى حبك وراضى ضيمه
نحسابه قلبك بالحنين مايعايا ... لقيتك مثيل الريح فى التبريمه
فى الوجه مرشة والقفا براية ... يومين تصفى وعام كيف الغيمة
لحقنى الندم قلبى على شواية ... وقلبك تهنى بجنته ونعيمه

دورت ومالقيتش دواء لدايا ... بننساك لو نقدر ندير عزيمه

============================

[size=25]خوذها للذكرى

خوذها للذكرى.. يمكن اترايف ع الملامح بكرا..صورتى

لوغبت

خوذ اوراقى

وخوذ منى كل شى واشواقى

يمكن اتحس ابغيبتى وافراقى

وتبكى بعدها خاطرى تفتكرا

خوذ هديتى

فيها احروفى اتذكرك حنيتى

وتعرف بعدها كيف كانت نيتى

ويعود قلبك من احقاده او مكرا

خذيت طريق

وما درت كيف نتركك فالضيق

معروف عنى ما نخون رفيق

لوكان ماعندك عليا فكرا

صورتى لو غبت خوذها للذكرى ....يمكن اترايف ع الملامح بكرا
============================

شد الرساله ياعزيز أقراها

شد الرساله ياعزيز أقراها فيها خبر للعين شن بكاها

إنت أللى إمبكيها من يوم عنها غبت ياناسيها

ولاجيت ولارنيت يوم عليها راهى الرنه بالبلاش كراها

وحتى الرنه راه نرضوا بيها رنة الغالى نعرفوا معناها

عليك رايفت مابا النوم إيجيها يقرب إيولى من إهذوب حجاها

جبنا أعذار قلنا إنغطو بيها وشرحنا ظروفك كلها قلناها

بالك مشى إلجيها مهناك فيها تغطيه يلقاها وبالك هرب من ناس

مايبيها إمسكر الهاتف شفرته نحاها

وبالك الشفره رايحه ناسيها ولا باعها بأرقامها واسماها

قالت العين .؟. كيف باعها وإحنا أسمانا فيها. .

============================

خلى الزمان ايدير فينا شبرة

خلى الزمان ايدير فينا شبرة صيورها لجراح تبرا تبرا

تاخد مداها فينا وصيورها ليام بداوينا
اطوالت اقصارت ماتفلق فينا من عزمنا ليام تاخد عبرة

وزرع المليحه فيوم بيلاقيناوالكسر عمرة مايجى فالهبرة

============================

مــره مـــــرة ..........شور الشقا والياس درنا جـــــرة

مــره مـــــرة ..........شور الشقا والياس درنا جـــــرة

الدنيا بلا لعزاز مرة مـــــرة

شينا شينـــــا .......... الدنيا بلا لعزاز ما أتزهينـــــا

أوشور الشقا والياس رانا أمشينـــــا ....... حتى عدوي حالنا ما

أيســـــره

هكـــي هكـــــي .......... حالي بلا لعزاز شين أيبكـــــي

أوتميت شور الياس غير أنتكـــــي .......... وأخرى بلا لولاف

زايد شـــــره

مــره مـــــرة .......... أوشور الشقا والياس درنا جـــــرة

الدنيا بلا لعزاز مرة مـــــرة
============================

ماذا يعني؟!

ماذا يعني؟!

اللي علي طول عمره بالجفا لايعني !!عزيز ضرني بالهجر ماذا
يعني ؟! يعني ماذا ؟!عزيزخنجرة بين الضلوع تماضا خذا غايته فالقلب لين
اشاظى علي قوتي ومروتي دعدعني !!ماذا يعني؟! ‏
............
ايقول عزيز ودني بالهجر ماذا يعني؟؟بدل خطاوي بالأطوال فجعني!!

قتله يعني شوره عزيز خان من وكرك أسراب
طيوره...طارن وماهن عارفات ضرورة بلا غير رجعة وراس خوك اسمعني... واللي
بفول باعك بدله بقشوره...وماتقول يوم القلب ماطاوعني.. كفيل وقتنا يمحي
الخبر سيوره... وكيفك خبر واجد زمان وجعني.....!!!!!!!!!

============================

جفيت جفاتك

[center]جفيت جفاتك

جفيت جفاتك....ماتلوم
عيني كونها حباتك... اردود الكفا واجب اجفيت جفاتك....واجب العين اتهونك..
وزايد عليها بيش لين اتصونك..مادام هنتها ماعاد اتعد عيونك..واتعد روحها
فالأصل ماغلاتك..وانت الغلا لعبة في قانونك..والعين غلطانه اللي
وداتك...جفيت جفاتك

============================

ايحوس ابروحه

[center]ايحوس
ابروحه..ياخد نهار طويل هو واجروحه...عقلي اتجيه اوقات..!ايحوس
ايودر..ويرقا وينزل في الوطا وايحدر..إيخطر اماجع في الصميم اتكدر..ويجبد
فماضي ضايعات افروحه..اوياخد نهار وليل هم ايصدر..وعاالنار بكري كبدته
مطروحه..!

============================

قاسي يا فزاع منامي

قاسي يا فزاع منامي......،يادمارقصور احلامي.......،يامداد جسور ظلامي......،ياجباد دفين الامي[b]......،ياجياب
المنجل حامي.....،ياكواي العقل الضامي.....،يابياع رخيص
اسوامي.....،يابراك اجمال اقسامي.....،ياجفال طيور حمامي.......،صوبك واصل
مخ عضامي.

[/b]

============================

الكلام أصوله

الكلام أصوله.......منا تأكد قبل مابتقوله....
وتبدا مصادر ثابتة مقتوله.....اصححت منها زين ميه ميه.... هكي تولي حجتك
مقبولة.....لاكذب فيها لاخطا لاسية....وحق النبي هلي صدق في قوله......ما
نسامحك لو جبتلي جبهية......والشرع مايحكم الابعدوله....ولازم شهود ومحكمة
وقضية......ويا ويل ويلك من عذاب المولى....ربك اللي عالم بكل خفيه...

============================

نرجى فيك عطيني رنه

نرجى فيك عطيني رنه حط ايدياتك في الجنه عطيني رنه نرجى فيك الله يهديك

رصيدي قرشين ونبيك اطلبني عندي حاجه بيك اللي يستنه خير واحسن من اللي يتمنى

============================

..يا جارحنا..

يارازينا.... يالي بنارك
فالغلاء كاوينا....ويلي اطمعنا فيك بيش أتجينا.....تمسح دموع العين
وتفرحنا....أنكان عالبكاء واجد عليك بكينا.....اخطينا الدوج اوفالخلا
نوحنا......

[center]

[center]..يا جارحنا..

انسيت الغلاء ننسوك حتي نحنا.زايدعلينا بيش؟

============================

[/center]

منوعات

اليوم رح نشارك معاكم مشاركات منوعه وان شاء الله تعجبكم.... وقولوا شن رايكم جديد العين واللي جاها Wink

نبدوا بسم الله: جديد العين واللي جاها Wink

ودي ودي لانتركك لامناحذاي تعدي....لانخسرك في يوم هذا ودي جديد العين واللي جاها Wink

رسي
رسي غير ساعدي وانتي عليه توصي- ياعين ينصح فيك راقا راقا -وانسي سريبا
واتركي نقناقا-راهو شرب مر الغوالي وذاقا - وانتي بنار الشوق فيه تلسي
-ومازال تقري في عقاب اوراقا -ومازال طول الليل بيه تعسي-لغيرك قسم مكتوب
صار فراقا -وانتي عارفا لكن عليه ادسي - عاذرينك عارفينك مشتاقه - لكن
شويه بيه روفي وحسي-عليه تذرفي في الدمع يارقراقا-وخلالك مغير الليم فيه
تمصي-أشقي بغيرهم شوفي عرب بنداقا-وأنسي اللي باعو عليهم قصي

إنخش الخلاء بضلامه نبكى بعبره والرتم يتوامه

يسخف عليا الهوش غير كلامه ممنوع من مولاه يطلع برا

إنخش الخلاء والوادى ويبقى الرتم إموح جاى وغادى

والنار جنبى حرها لهلابى وإميتى ديما إحذاى فى جره

مره مره إنخش الخلاء وإندير طاسه مره من ضيق خاطرى جديد العين واللي جاها Wink

ناوالبحر
وأفكار عقلي وهمه وأطياف شوقي وخاطري لضمه خاطري لعناقه مولي العيون
الساحره البراقه سامر في ليلي ودنيتي مشتاقه كي شوق عيل باعدوه علي أمه ؟

[/center]

============================ [/center]

رني عليا ديما
[/center]
[/size][/size][/size]

رني عليا ديما£وزيدي شقا للقلب
ومواهيما£ياغاليه..ديما رني..وعزمي رقيق ماتخافي مني.وأرجوك لاتغيبي
برنينك عني.ياللي ملكتي ألعقل في تخميما.وأيام ياريدي عليك رمني.وتسكيرة
ألهاتف شي ماله قيمه.صغيره ولكن فيك خايب ضني.ويمسي عليك ألقلب في
تسليما.ورني عليا ديما..

============================

يااللي قلوب الناس عندك لعبة

و حق الكعبة
يااللي قلوب الناس عندك لعبة
ماتشوف منى خير

******

يااللي جفيت احبابك
تمـــا عليك الــــدور دير احسابك
خوذ عهد مني واكتبه في كتابك
اني انســامــح مــا عليها تعبا

******

وحق دمعتي الذرافة
كل جرح منك تاخذه باضعـافه
وقلبك بروحه ينكسر مجــدافه
يملاه خوف وينطوى فى رعبه

******

و حق حيرتى وبكايا
و طول العذاب اللي رضيته معايا
لازم انـــرد اكـــفاك في النهــاية
وتعرف الخونة كيف كانت صعبة

******

غير ليش يامعشوق
عليت قـدرك في العلالـــي فــوق
و يامــا عـطيتك من حنان و شوق
اخسـارة تعبنا في هذيك التعبة
******
============================

بالك بالك

بالك بالك...............ايدور الزمان وينشدوكاعيالك..... من ف الزمان ظلمت

كيف اترد
وتحكى على ماضى قديم انـــهد
وعللى جرحتــــــه فى كنينه ابجد
وكمــــــــل حياته ف الـغلا وفالك
واللـــى تركــته ودمعته ع الخـــد
مـــازال فاكـــــر خونتك وافــعالك
درت الخطـــــا واعــيوب ما لاحد
ونسيت قلبى بالمروه شــــــالك
ايجيك يوم منى كـــــل شى يرتد
وندعى عليك افصحتك واحـوالك
والله مــــــا يغفل وينســى حــد
بـكـــرا ايحاسـب دورتك واعمالك.

============================

الروعه دوبك

الروعه دوبك..... واروع
الروعه رمشتك لهدوبك....والرايعه بالحيل يقسم صوبك...وأروع روايعهن تكونى
مناي....اللوعه منك....... ولوعة اللوعة وين مايطرنك ...... واللايعة
بالحيل وين الظنون يجنك وألوع لوايعهن نعيش بلاك....... الروعة
ضاعت........ والروعه بلاك لا رعت لا راعت....وأروع الروعات كان عينك
طاعت....وأروع روايعهن يدوم زهاك............................. جديد العين واللي جاها Untitled23

============================

بلا خوت ما تقدرها.

بلا خوت ما تقدرها..........
الدنيا صعيبه كان جاك خبرها.....بلا خوت مالك هيبه..... وبلاخوت ما تسوي
تراب زريبه.بلا خوت مالك والي.ولانك حبيب الناس لانك غالي. فلتحيا الأخوه
بيننا

============================

مـــــا زلــــت عــــنــدى غــالــي ... ويـن مـااتغيـب الجـو مايصفالي

تـــحــســاب كـــــيـــف زمــــــان مـــــا زلـــت طــــــاهـــق بــيــك ... ويـن مااتغيـب انـدورك وانجيـك

راحـن ايــام الــدروشـة هـاذيـك ... ونادم عليهن كـان جن في بالـي
ولا بـخير ولا بـالشر نذكـر فيـك ... ما انريد منك شي ولا من والـي
غير والنبي رحمة علي والديك ... تـباعـد خطـاني خلني في حـالـي
تــــحـســــاب كـــيــــف زمـــان ... تدلـل علي الانظـار عـنـدك شـان
حـكـايـة قـديـمـة كان يـامـا كان ... و ياما بعدها صـارلـي وجـرالـي
حـفـرة كـبـيـرة درت للـنـسـيـان ... فيها امواجع من اعزاز غوالي
فـيهـم اللي لا تـو مـسـع هـــان ... امغير من افعالـه عذر ما خلالي

============================

من لاشى....

يابال غايب يــــــــــــا عزيز على

ديما العين اتنوح

اتنوح ع البرانى وتبكى على كل حد كان ايعانى

ديما حنـــــونه عزمها خلانـــى انشيل هـــــــــم الناس بين ايدى

مــــن كل لوعه مكتئب تلقانـــى ايبان الزعل والدمع فيها او فى

يا بــال عنها غيـــبوا حبانــــــى انظنى ابكاها العمر كلا اشـوى

على كل شى اتنوح وتبكى انشافت دم ولا اجـــــــروح

ما عندها ف الحــــــزن ديما روح عـــــــــزم البكا ما هو شديد قوى

غالـــــى عليها الدمع وقت الموح تقــــــــول هاويه لدموع تلعب بى

ماعـــد عرفته صدق ولا اطــروح قريب تنعمى ويطفى عليها الضى

بدون اسباب

مـــــــــــــرات يبقى دمعها سكاب تذرف وما لوالــــــى اتدير احساب

ولا ايهمها ف الدمع كان سخـــــى ومــــــــــرات يبــقى دمعها ينساب

اتـنـــــــــوح الدعيه فى مكان خفى تبــكى علـــــى غالــــى عليها غاب

لا دز لا فــكــــــــر نــهار ايجـــــــى خذت ع البكا هى والدموع اصحاب

واغلـــــب ابكاها من عزيز انســى الســـت قالت ع (الهـــوى غلاب)

صــــــــــــدقتها ونبصم عليه بيدى

============================

قبل العيد

قبل العيد ...... تعال زورنى واجرك كبير أكيد ...... انسى الزعل وارميه

قبل ايــطـــل

عيد التسامـــح والهــــــلال ايهل

تعال شوفنى يا ريت قـــــبل الكل
وارمى احزانك فــــى مكان بـعـيد
لا تــشيل فــــى قلبك علـيا غــــل
ولاتكون فى صوبك معـــاى عنيد
بينى او بينك مانريــــــــــد زعــل
ولا انريد غيرك ف الحــياة ياريد
اكســـــر الشر معاى دور حـــــل
نحنا البعضنا ما اعنــــــاد ايفيد

قبل ايـجـــــى
وقبل الملامــــــــــه فيك ولا فى
فى عيد ربى روف حتى اشــوى
وارمى وراك الجرح والتنكـــيد
مازلت نرجى فى رجوعـــك لـى
ومازلت فى سيرة غلاك انـــعيد
مرايف عليك او خاطرى فى دى
والشوق عندى كل يوم ايــــزيد
غير ديرها او جــرب تعال على
مانريد منـــــك غير مدت لـــــيد

انسى الزعل وارميه قبل العيد .... تعال زورنى و اجرك كبير اكيد

رد

راهـو طـيـش
امغـير في بعـضـنـا مكر ليش وليش
نـحـنــا زعــالــه ياامـنــاي عـلـيـش
وحـاســد غــلانــا بالـفــراق سـعـيـد
انـحــلــوا مـشـاكـل بـيـنـا بـشـويـش
يا نــقـنـعــك يا اتـقــول راي ســديـد
اسـمــع كــلام الـعــقــل مــا نـبـيـش
لا مــوجــعـــه لا هــــم لا تـشــريـد
كل حـد مـنـا ايعـيش مهـما ايـعـيـش
ف الـخـاتـمـه لابـد ايـمـوت وحــيـد
المفروض نبقوا ف الغلا اتقول ايش
لا ادمـــوع لا آهــــات لا تـنـهــيـــد