شـــتـــاوي ع الكبد

من طرف **STAR** 2010-06-22, 4:33 pm

مازالت كبدي مفروعة .... مابين اللومة واللوعة
(عوض حامد)

من مدة كبدي منفرعة .... عدا كل عزيز بقرعة
(عوض حامد)

الخاطر كرب بين أثنين .... إنظر كيف انديروا ياعين

(بو البيضا )

شـــتـــاوي ع الكبد 167

كل عزيز خذا ماسدا .... من كبدي ياعين وعدا

(المهشهش )

كملتي يا كبدي تقسيم .... إمغير الحيل خذاه قديم
(صقر القبايلي )

كبدي من مدة مقسومة .... لكن تمسك في اللومة
(عوض حامد )

شـــتـــاوي ع الكبد 167

كبدي مرهون إمقسمها .... ولي بين أيديه ظلمها
(المهشهش )

يانا لي كبدي منفرعة .... راحت مني قرعة قرعة
(بوالبيضا )

كبدي ذابت يا غيابي .... ماعد جيتوا شور إحسابي
(المهشهش )

شـــتـــاوي ع الكبد 167

كملتي ياكبدي تنهيش .... لي مو واخذ قال إمنيش
(عوض حامد )

كبدي ياالغوالي ذابت .... منكم والقسمية غابت

(صقر القبايلي )

كملتي ياكبدي تشريك .... لي ماجاتك تو أتجيك
(المهشهش )

شـــتـــاوي ع الكبد 167

كملتي ياكبدي تشريح .... علي كانون إمقابل ريح
(صقر القبايلي)

كبدي مرهون أمقلويها .... كل نهار أيلذع فيها
(المهشهش )

قاسي يا مرهون عليها .... بين إيديك تقلب فيها
(بوالبيضا )

أيقلب في كبدي تقليب .... قديم وحظي فيه عطيب
(العريبي )

كانون المرهون تقاوة .... والكبد تقول علي طاوة

(بوالبيضا )

قولو عالكبد الله دايم .... راحت بين ايدين قسايم
(عوض حامد )

شـــتـــاوي ع الكبد 167

هك وهك قديم قلبها .... كبدي عالنار وسيبها
(العريبي )

كبدي ماطيبها والي .... قسمت بين أيدين غوالي
(عوض حامد )

إرطبهن يامرهون أيديك .... كمل جوفي منك تشريك
(بوالبيضا )

شـــتـــاوي ع الكبد 167

أتشرك ياغالي وأتزيد .... بعد الكبيدة ويش أتريد
(بوالبيضا )

علي كبدي من غير خصيم .... خذيت الغاية يالقديم
(العريبي )

لي هاذا ينتش بيديه .... الكبد إتقول إتعز عليه

(عوض حامد )

شـــتـــاوي ع الكبد 167

عليها داشع يالقديم .... الكبد ومسع جاك خصيم
(صقرالقبايلي )

الكبد أنقسمت بين ثلاث .... أتقول إلا قسمة وراث
(بوالبيضا )

ياناتش كبدي خليها .... فيه عرب قرعتهم فيها
(المهشهش )

كملتي ياكبدي تشريك .... لي له قرعة تو أيجيك
(المهشهش )

ثلاث قسمنا يامرهون .... أمعاك ولي وللواشون
( بوالبيضا )

يا كبدي ذبتي بليلك .... ماعد عندي وين أنشيلك
(المهشهش )

شـــتـــاوي ع الكبد 167

أخذوها مانبي لاشي .... لي ماوخذت تو إتجي
(المهشهش )

كبدي يالولاف أخذوها .... وين أتحطوها حطوها

(المهشهش )

حزت يا عين السهرايا .... كبد وشالوها الغنايا

(صقرالقبايلي )

شـــتـــاوي ع الكبد 167

لي ماعندا شي واشون .... أيزكي كبدة عالمرهون
(بوالبيضا )

عليكم يالولاف أشوي .... خذيتوا كبدي ولي لي
(العريبي )

قسمتوها قسمة وراث .... أتقول إلا جرة محراث
(بوالبيضا )

أمغير تعالو يالقدم .... جميع الي في الجوف ألكم
( المهشهش )

شـــتـــاوي ع الكبد 167