.هانت عليك الغرا

........هانت عليك الغرا ...رفيقا الها فى وطن وارضه حره ...سبحانه اللى هانت ....انسيت رفقها ...وانت قبل تفرح وين ما ترمقها...فى جبد فوحه بالعطور طلقها ...يزول الكدامالعقل يحكى سرا...ونمح قرنها تبرم اتجى لاحقها...مرود عفا مرياض ريدتجره...تديدح وماعمر القراد اعلقها...ولافى شبردق بايته منزرا...يفوح مع هب النسوم عرقها...مبخار يبرموبه فى نهار مسرا...يسوف ولدهالاورا عازقها...من حين ثديها غالبه الا فى كرا...وتجى من عشاها مع طلوع شفقها ...نبيح كلبها يبعد الصيد وشرا...ويوم ضميها ديمه تجى سابقها...تملى حوضها يبقى يترع برا...شافى وماتقبل اللى يشلقها...وناظر كدا واجد وحامل مرا...ومامن فجاوى غر متاوقها...والعارف الناس تقول مايتورا.؟؟؟؟..يرد الشاعر فى الابيات التاليه بلسان النعجة حيث صورها تقول ...صاحبك تغير حاله ...ماتقول عمره يوم شان خياله...ولاحشاكم جاب لشهب والدبش وتاله...جميع متعته ناوى البيته برا...كمل معيشته فى البر دوم اعداله...ويخبر جميع ادروبته بالجرا...وكان همدت ساعه يجيب العاله...وفى قرنها ينصب ايدير المرا...ويحلب العنز اللى اتجى من يالا... مفضل ولدها مو مكمل درا...وكان دار مدموسه اتجى بعجاله...ايدينن اسقم فرقت ايدين الحرا...تعاكس الوقت وجا عليه عتاله...مكشر انيابه نلتجو من شرا...ماعد تنفع عيشت المواله...اما دكاكنى ولازرادى برا

احسنت نتظر منك الجديد

مشكور على هذة المشاركة الجد قيمة