بين الديار أديـــــــار ......جمعة بو خبينة الزوي

بين الديار أديـــــــار *** حتي وهن خلا خالي لهن تذكار
بين الديار القيــــــنا *** أديار وين مـا جينا تذكر فينا .
بماضي قديم امجبيات اسنينه *** أياما ونحنا في الفريق أصغار.
ياما ألعبنا فيه ياما ريـــنا *** ياما طهقنا طهقةالنــــوار.
واليوم وين مامرالشريط علينا *** لـقينا السكه قالبه البـــذار.
والقينا الشينه طاغيه ع الزينا *** والقينا اخطانا ع الحباب اقصار.
ماتقول يوم العيد بيه بديــنا *** بيت الغريب اللي حذانا جـار.
ولاتقول يوم الشيل له دنيـنا *** اجمال القناطر بينهن يختــار.
اللي وين ما بوج اتقول سفينه *** جايبه بضائع من ورا لبحـار.
ولاتقول عند الليل تاق رويـنا *** ايامن وكان الورد ع الابيـار.
وملا قربتـه بعد واطيــنا *** وبرم مع اللي برمو صــدار.
وبدموع وين فارق عليه بكينا *** وهو كيفنا صقط ادموع كبـار.
ولاتقول جلمناولاوازيـــنا *** واصحاب المروه كلهم حضار.
واللي ترزز قال يانا جيــنا *** م الصبح مي فزعة عقاب نهار.
موكيف توا خاربين ابقيـنا *** مابالمــروه ننطرو بــيار.
لنا وقت لاطربق جلم في ايدينا *** ولاسمعت قولة حاح لاقـــذار.
ولاتقول ونسنا خــلا وادينا *** وعز الونس كنا وهو يــنزار.
عليه وين من وطن البعيد لفينا *** لفوة غريب الدار ع الموكـار.
بركيب ايجيبك من بعيد حنينه *** علي كل صايف يعجب النظار.
لكن الدنيا موش ديـما غينه *** ولاان قلت قول أيتعب الفسـار.
لوكان قايمه قيم الرسول نبينا *** واصحابه اصحاب المعرفه لخيار.
اللي عمر ما خانو الله ودينا *** ولاسلمو في شبر م الاشبــار.
سريب خطرا ماضي مشى في حينه*** وين ماخطر ياصار في مصار.
وتقول ما فنا ماضي الأ ماضينا***والعين كيف سالت ما لقيت عذار
******************************************

رد احد الشعراء علىالشاعر جمعة بوخبينة الزوي قائلا:

بين الديار مسافه ...وكل دار فيها تنحكي خرافه
اخيه ع الزمان انكان لم اطرافه.......يدولك كما دولة عدو غدار
ويباعد اللي يصعب عليك اخلافه...ويقرب اللي قربه كدا واكدار .
********************************************
هناك دراسه عن هذه القصيده ، انظر الرايط التالي :

http://www.quryna.com/quryna_pdf/turath03.pdf

صح لسانك ولسان الشاعر ياابن البادية

اختيار جميل وموفق

ربي يعطيك الصحة والعافية

من معلقات بو اخبينه قصيده رائعه ومشكور يا اخي ابن الباديه

شكرا على هذا الطرح الرائع