50 غناوة (( عبدالكافى البرعصى ))

من طرف **عبدالحفيظ عوض ربيع** 2010-10-27, 7:48 pm

مجموعة من غناوى العلم لمحبى عبدالكافى البرعصى
1) يا عزيز نا وياك فرقا العمر وازا بينا

2) لله في عزيز اتعبي توازه غلانا وانتهت

3) يا خسارة الغلا إلي ضاع عزيز كي نويناه ما قسم

4) قوليلي انعدى وين كثرن مطالبك يا عين

5) ما يلومني عزيز بنقص نجري وراه لو ماني غني

6) أوحلت فيك يا عيني نذارا اتقوليلي انهم

7) يا واهب أرزاق العين سهل أقسام مقطوع الرجا

8) احمل بلأي نلقي غير عزيز ما نزا بيه ع الخطأ

9) من موحي ع لولاف مستاحش ونا فيك يا ونس

10) مستوهات يا لوهام بعد عزيز ما عاد تطربن

11) وبالك اساع يا داي نلقي دوا ويقولو بري

12) ذليت من خلا ليدين وصلًت عزيز قصرا دارها

13) *بكيتن بعد توبة علي قديمين جاكن علل

14) من جانب أنقول أنسيت ومن جانب تهايوا نقضوا

15) ايجودن مع الميجود وبلاه يا عزيز ايقوصرن

16) طفايك بطي يا نار وجاني بعد نوضتك علي

17) *لا جاي ولا سابق خاطي عزيز ما عندي غلا

18) تحسابني ألا بريان يا صاحب الدوا غافل علي

19) لو كأني ألقيت أبريت سكينه الغلا مالها دوا

20) جميع ما أيداوي الجرح لو يريد يبرا جبتله

21) لميت جفنها ع النوم خطرها عزيز ناضت بكت

22) خليت يا عزيز أوهام اجداب كي سراميح الخلا

23) نلقان الرجا كان طال في عزيز هي مارة الجفا

24) وايش غيره خلا ليدين خلاني بلا غالي علي

25) من غيرك علي ايروف واتريد يا عزيز اتهوني

26) مرجا العقل للولاف اجبره نين ع الياس روما

27) دواي عند مرهونين وكان بيه غابوا ننتهي

28) عواقب الغلا ياسات وتسير هذي مي خاطره علي

29) دواي حاصلين عليه غنايا وفينا يمكروا

30) أو ما طريت مرهونين لو كان ما لهم سابق غلا

31) حتي مشاغلي واجدات نبكي عليك يا فاضي الطرب

32) *عزيز في أديار احذاي اللي بعيد ع العين ألدنا

33) حوست أفطام جديد العين يا غني حاست علي

34) زعزاعة خطاه أتسوق وكي نريد نذاري فواهقي

35) انهالي بعالي الصوت أوهامهم بعد ما يخطرن

36) اجروحت الغلا تهليع أرطب يديك يا داوايهن

37) طبيبي ابقي مرهون ويا دا العقل نشكى بك لمن

38) ايام يا عزيز العمر قضيتن امراجاه في الغلا

39) أو ديما يسير خلاف أبكانا علي ماضي الغلا

40) حلال لابكا لا غيث مفيت ع المواهيم لقدم

41) تقول عايبات عياب ويشلن علي دار لقدم

42) جربت بكيتي فالدار أو بكيت فالخلا مي كيفا

43) *أرضيت ما أرضيه القسم وأنسيتم قديمين الغلا

44) اصحيت في الغلا تالي واجعاتني أيامي الهالبه

45) مازلت في أدروب قديم نمشي نسوق ونعاودلهن

46) ضناي وضنا القديم لعبو إمداد واطيت النظر

47) وما من أوهام تريد الدموع غير ما نقالهن

48) شركانا وياس عزيز جميع ما نجيبه نقسمه

49) خلاني شكيت بياس عزيز عزيز وينما باعد علي

50) لو كان ما انجي للدوج بعد عزيز راني منتهي

من طرف **STAR** 2010-11-11, 4:59 pm

شكراً والى عندة يزيدنا

50 غناوة (( عبدالكافى البرعصى ))

50 غناوة (( عبدالكافى البرعصى ))

رد: 50 غناوة (( عبدالكافى البرعصى ))