فات الشهر لول وفات الثاني

من طرف opengod2000 2011-09-03, 5:34 am

مازال شعبى فى العذاب يعانى

فات الشهر لول وفات الثاني ...ومازال شعبي في الجحيم يعاني
مابا ينقد ... المجرم اللي في وطننا متمدد
....
ياخذ ضناه وزوجته ويسقد ... الله يهلكه مجرم خبيث وجاني
....
فات الشهر لول وفات الثاني ...

مش فاهمنا .... يحسابنا نرضوه بيش يحكمنا
....
وهو اللي من كل خير حرمنا .. راهو يهودي في النسب براني

.. فات الشهر لول وفات الثاني ....

ما نرضاك .... أرحل وخوذ معك كل ضناك
....
ومانظن تلقى شي وطن يباك
...
عاديت كل الناس يا شراني

... فات الشهر لول وفات الثاني ....

ذوق امراره ... شعبي اللي شنقت فيه أحراره
....
هذي نهايتك جاتك مع ثواره
..ا
ختامك عذاب اتكون فيه تعاني

... فات الشهر لول وفات الثاني

ومازال شعبي في العذاب يعاني..

قرب قرب .... رحيلك انت اللي في كل شي تخرّب
..
عدي مع العبيد عيش تغرب
...
شور وطنا ماعاد ترجع ثاني
...
فات الشهر لول وفات الثاني ومازال شعبي في العذاب يعاني