*شعر علي بلدان ليبيا الحبيبه *

من طرف امورة درنه 2011-09-03, 10:33 pm

زور ليبيا وزهي انظارك فيها واحلى ايام العمر تقضي فيها...
زورها بلادي ومتع انظارك بين جبل ووادي
شحات تلقاها عيك تنادي
تحكي حكاية ليبيا وماضيها

زور ليبيا وزهي انظارك فيها

زورها صبراتة في طريقها تخطم علي مصراتة
وطرابلس كل الجمال حازاته
والزاوية عندك تريح فيها

زور ليبيا وزهي انظارك فيها

زورها درنه شلال وبساتين تلقى جنة
ترتاح بين زهورها وتتهنى
تسمع انغام الفرح من واديها

زور ليبيا وزهي انظارك فيها

تعال قدانا في هون ما بين النخل تلقانا
مهد الطبيعة والجمال حذانا
هي انشودتي وانا نتغنى بيها

زور ليبيا وزهي انظارك فيها

زورها بنغازي يافيها تلقى كل الجو الهادي
اهل الكرم والطيبة الأجوادي
خيرة شباب بلادنا هم فيها

زور ليبيا وزهي انظارك فيها

زورها جرمة اللي وهبها الله علينا نعمة
واجب علينا بكل جد وهمة
نحمي اثار بلادنا ونراعيها

زور ليبيا وزهي انظارك فيها

وصلة

زورها قورينا زور ليبا زورها قورينا زور ليبيا
زورها قورينا في اراضينا تحكي في حكاية ماضينا زور ليبيا

وصلة

زورها مصارته زور ليبا زورها مصراته زور ليبيا
زورها مصارته شوف شعبي وشوف حضاراته زور ليبيا

وصلة

عالشط مشينا في درنة عالشط مشينا في درنه
عالشط مشينا قولوا للزاير ياتينا في درنة... انشاء الله قد نالت في اعجابكم

من طرف امورة درنه 2011-09-03, 10:35 pm

ارجو ردود علي هذا الموضوع Cool

من طرف **العاشق الصغير** 2011-09-03, 10:52 pm

مشكورة امورة درنه *شعر علي بلدان ليبيا الحبيبه * 109980

تقبلي مروري

من طرف ايناس الحاسي 2011-09-08, 1:33 am

اوقات دون اوقات
ايجيني عليك ارياف ياشحات
واتسيل دمعتي

من طرف **العاشق الصغير** 2011-09-08, 8:57 am

هم هاضوم كوازي برقه ودك تنزل ودك ترقا

من طرف بومليحه 2011-09-08, 11:23 am

بارك الله فيك على هذه الكلمات الرائعة والنابعة من قلب صادق ومشاعر حقيقية أقل ما يقال عنها أنها مذهاة . تقبلي مروري بو مليحة العرفي (((((((((((((والمرج إن تسأل عني مكاني Very Happy

والمرج إن راسلتني عنواني )))))))))))))) والسلام عليكم

شعر علي بلدان ليبيا الحبيبه