غناوي وشتاوي على القذافي

من طرف **عبدالحفيظ عوض ربيع** 2011-09-10, 9:23 am

ماننسا فزعة ساركوزي ،،،، نين انطيح علي عكوزي
ياثوار عروس بلادي ،،، راكم تنسوه البغدادي
ماشاء الله يا عروس بحرنا ................. 20/8 تحررنا
حيه علي راجل صافيه ،،،، اتدور فيه الجنائيه
حيه علي سيف واحلامه ،،، في لاهاي عقاب ايامه
بو السنوسي باي باي ،،، بكره انشوفك في لاهاي
اللي قاللنا دار بدار ،،، الليله كارس كيف الفار
وينك يايوسف شاكير ،،،، موت مع القذافي خير
حيه علي زعيم القاده ،،،، بايت في قسم الولاده
يامصراته سوك راح ،،،،، الظلم كمل ومعمر طاح
يا شراب حليب الحكه ،،،،، خليت القايد يشكا
شرابين حليب النيدو ،،،،، قالو القذافي مانريدو
الشعب الليبي على صوته ،،،،، لا يبي سيف ولا خوته
ياقذافي خوذ حمارك ،،،،،، وامشي كي مشيت مبارك
علمنا في العالي علينا ،،،، والخرقه الخضره وطينا
حتى هربت موسا كوسه ،،،،دارت فالقذافي حوسه
حي على باتك ياعيشه في نفوسه كمل جيشه
-----------------------------------
قالولي في الدنيا وازي... قلتلهم نبي بنغازي.... قالولي غير قولي شن تبي... قلتلهم بنغازي حبي..قالولي قولي من هيا.. قتلهم ام الحرية.. قالولي تعطيها هدية.. قلتلهم دمي فيها مش شوية...قالولي من هم ضناها... قتلهم عاشو او ماتو في سباها.....

من طرف **STAR** 2011-09-10, 9:25 am

https://tamimi.own0.com/t54810-topic

غناوي وشتاوي على القذافي

غناوي وشتاوي على القذافي

رد: غناوي وشتاوي على القذافي