غافـــــــــــــــــر الـــــــدار بعــــــــــــدهم

للشاعر/خطاب الطيب خطاب
اصحاب الغلا غافر الدار بعدهم ويمطر علي غيري شبوب رعدهم
غــــــــــــــــــــــــــافرالدار وميس لا قلب صافي لاحبيب كويس
ولاقول كي نسمع يجي متقيس علي قيس مانبي علي مجبدهم
حذا ناس ما خلت علي ابصيص علي فعلهم نلقاني حاسدهم
غافــــــــــــــــــــر الدار وصايف لاصاحب ايجامل لا ابنادم رايف
زادوني علي مر الجروح حسايف يحكوا لي ونا ماني اللي ناشدهم
اصحاب الغلا بيهم القيت طرايف ايامآ ومتقعد سريب سعدهم
محال مانقدر نهار انرايف غير كيف ناجدهم وما ناجدهم
عشنا غلا بالود ماله صايف ماحسبت شي ساعه حياه نفقدهم
غـــــــــــــافر الدار وقاعد لاصاحب ايهون لارفيق يساعد
نذوق قهرتي حتى ونا متباعد عنهم وغيري بالرضا وسدهم
لايعاودوا لاعاد يجوني لاعاد يبقوا مصابي جد في موعدهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وسلمتــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــوا
وللقصيده بقيه