لرمضان..نوع موالح

من طرف المرتجع حنتوش 2011-10-21, 1:07 pm

السلام عليكم ورحمة الله وبركاته..

في نوع موالح ديما
انديرو فيه ع رمضان وطعمته حلوة وسهل نحنا انقولوله(سندوتشات تونسية)
ماعندش فكرة ليش اسمه هكي بس طعمته حلوة هههههه

الطريقة.."

اول شئ العجينة" دقيق
-2 ملعقة كبيرة حليب مجفف
-3 ملعقة ملح
-4 نص ملعقة سكر
-5 خميرة بيتزا
-6 ماء على حسب العجن

تعجنيها مع بعضها وتكون مثل سمك عجينة البيتزا الملفوفة وتخليها تخمر

بعدين خودي 3 حبات بطاطا
و3 حبات بظنجال
5 بيضات مسلوقة
و5 حبات طماطم تكون طرية

قشري البطاطا والبظنجال وديرهم دوائر واقليهم ف الزيت

وديري البيض المسلوق دوائر وخدي الطماطم وحطي عليه شوي ثوم مدقوق وكسبر ورق مقطع وزيت واهرسيهم مع بعضهم

بمعني تقعد كيف (الشرمولة)

وبعدها جيبي العجينة وقرصيها وفردي القرص شوي باصابعك واقليها ف الزيت حتي اتحمر من الجهتين..

بعدين
اتصير العجينة كيف الساندوتش افتحيها واحشيها شريحة بطاطا وشريحة بظنجال
ولو عندك هريسة عربية وشريحة بيض وملعقة صغيرة من الشرمولة..