شتاوه وردها ادعك منتدى الرفاد

من طرف **جمال المروج** 2011-12-13, 1:27 pm

سلام الله عليكم..
بالله عليكم هالموضوع نبيه كيف القعدة الله ما ينقال فيها الا اللى عليها ميت
اطعمه.؟
يعنى اى حد يبى ايشارك لازم يذكر اسم الغناى او الشتاى والاجمل ايكونن
الغناوتين والا الشتاوتين يردمن بعضهن او ليهن قصة.؟
ان شالله الفكرة وصلت.؟
.......................
غنى حميد السعيطى وقال.؟
من قبل ماايشيل عزيز .. انظرى فيك يادار خالية.
رد عبدالكريم بوزيد وقال..
اتشيل ياعزيز انشيل .. نقعد بلاك لاما انديرها.
.............
فيه اثنين عزايز يشاكن شتت لولة وقالت.
عقلى مطّاول نقناقة .. كيف اللى حج على ناقة.
ردت العزوز لخرة وشتت وقالت.
الدوة فى نقناقى نا .. الله عالناقة حج وجاء.
.............
غنى عبدالله عبدالواحد وقال.
تنسيبة اللى نسيوك .. رميتبك على دوج العرب.
رد حميد وقال.
ملك عزيز غوط العقل .. غير مازرع فيه طيبة.
.........
فيه فاهق قليل وين يطروه الغنايا غنى عبدالكافى وقال.
وبالك الضان اتريد .. يابنات لطراف اقدعن.
رد سعد خليفة وقال.
اللى ريته بنات اليوم .. الشمس والغنم ما يقبلن.؟

من طرف **جمال المروج** 2011-12-13, 1:32 pm

ما عندى ماانقول غير الله ايخليكم مشوا كلكم مع الفكرة.؟
.............
فيه قعدة طرو فيهاالغناياالذيب والبنداقة.؟
غنى خليفة غيث وقال.؟
بنداقة اسياد الضان .. عطبك عليك ياذيب شوبرة.
رد لبزارى بغناوة سمحة وقال.؟
اقرنوا فيه طاح الذيب .. بنداقة الراعى وسيدها.؟

فيه غناوة قوية للمرحوم عبدالكلفى يطرى فيها الضان.
غنى وقال.؟
مشت اتدور جابت ذيب .. العنز هى سبب شوم الغنم.
مافيش حد ردم الغناوى تقاعد وقال.؟
عنايق البيت البيض .. انصفن ذيب وازة بينهن.؟

--------------------------------------------------------------------------------

من طرف **جمال المروج** 2011-12-13, 1:40 pm

فيه قعدة شتى فيها محمد العقورى ايقول فيها.
أمليت امواجع من اللى لى .. انريدة مشكى رد على.

رد عوض الفاخرى وقال.
نا والعين اغرب تمينا .. عند اللى لنا وعلينا.

ناض على بوالعاير وشتىوقال.
مانحساب اللى يدمولى .. خياطة سودة يبقولى.

رد خالد العبيدى وقال.
فيه سواياما انحملهن .. حتى كان دمايا هلهن.

تقاعد الشريف منصور وشتى وقال.
من داير فى العين عطيبة .. أسّاع حلق المحراث ايجيبا.

من طرف **العاشق الصغير** 2011-12-13, 1:44 pm

مشكور وبارك الله فيك خوي جمال

من طرف **جمال المروج** 2011-12-13, 8:04 pm

مرورك يشرفنى أخى العاشق

من طرف امنية حرة درنوية 2011-12-13, 9:43 pm

واللة شتاوت صح ومن الاخر بس لاسف انا مش حافظة الشاتية ولاغانية انا نحفظ بس شتاوى
وشكر وبارك اللة فيك وتقبل مرورى

من طرف **العاشق الصغير** 2011-12-14, 8:11 am

ابراهيم بوعزيزه

ادموعك اليل طويل ينصف عليك توا تسكتي

محمد البزاري

كمين ليل عانيناه طويل ناوعيني بلبكاء

ابراهيم بوعزيزه

انكان تجبري ف اليل وري العساف ياعين ايسما

محمد البزاري

لناس ماتوري فيه بكايا علي قيس حالاته

ابراهيم بوعزيزه

جبنا سريب حرتي فيه رايناهن ادموعك نزحن

محمد البزاري

يبقي الوقت موكي قبل انتي انكان ياعين تنزحي

ابراهيم بوعزيزه

بلا زورقا لعساف انكنك صحيح مليانا ابكاء

محمد البزاري

ادموعها علي لولاف بلا عسف بكايه ابهن

ابراهيم بوعزيزه

عساف موش لومة عسف اعللي فيه راكي ذاهبه

محمد البزاري

ايعاطن معاني جبر هذين فرق مافيه بينهن

ابراهيم بوعزيزه

ايحرم ياعزيز الصوب انكان العسافه جبته

محمد البزاري

نطرو عزيز جينا هنا ماجينا انعيبو في عرب

ابراهيم بوعزيزه

طريتلك عسافة صوب الله علم ماعيب قلتلك

محمد البزاري

ماهناك ماندوخو فيه لصواب كلهن قاريينهن

ابراهيم بوعزيزه

عسيفة الصوب امنين كذا انكنت قاريه قولي

محمد البزاري

العسف يالعين الجبر في مامضا ماقلتلك

ابراهيم بوعزيزه
الجبر ماعسيفة صوب اذهبت ماعليها جبتلي

محمد البزاري

العين ماغشيمة صوب اتجيهن ادروبه عارفه

ابراهيم بوعزيزه

عسافه انريدو غير ف الصوب ماتهمناك بالغشم

محمد البزاري

راه العسيف خويل عليه غير ياعين انشدي

ابراهيم بوعزيزه

الا هذا فيه احتار العقل ياعسافه عارفك

محمد البزاري

الواهم ايوهم فيك انتي موش ياعين واهما

ابراهيم بوعزيزه

ياواهمه تعالي جاي من قبل قالها لي عاقله

نرجو منكم المزيد

تحياتــــــــــــــــــــــــــي

العاشــــــــــــــــــــــــــــــــق الصغيـــــــــــــــــــــــــــــر

من طرف بوعياش 2012-02-05, 5:39 pm

مشكورين ع الموضوع

شتاوه وردها ادعك منتدى الرفاد

شتاوه وردها ادعك منتدى الرفاد

رد: شتاوه وردها ادعك منتدى الرفاد

رد: شتاوه وردها ادعك منتدى الرفاد

رد: شتاوه وردها ادعك منتدى الرفاد

رد: شتاوه وردها ادعك منتدى الرفاد

رد: شتاوه وردها ادعك منتدى الرفاد

رد: شتاوه وردها ادعك منتدى الرفاد

رد: شتاوه وردها ادعك منتدى الرفاد