بالله فكونا من !!!!!!!!!

من طرف محمد اللافي 2011-12-27, 2:22 am

بالله فكونا من اسطوانة تصحيح مسار ما تصحيح مسار..الي يبي المسار يتصحح يصلي صلاته في وقتها في المسجد ويكون قريب من ربه..الي يبي المسار يتصحح يدعي ربي يحفظنا ويحمي بلادنا..الي يبي المسار يتصحح يمشي لخدمته بكري ويكمل دوامه..الي يبي المسار يتصحح يقرأ قرايته ويحضر محاضراته..الي يبي المسار يتصحح يسلم سلاحه..الي يبي المسار يتصحح يثقف روحه ويفهم شن معناها حرية..الي يبي المسار يتصحح يحترم نفسه ويحترم غيره ..الي يبي المسار يتصحح يحترم قواعد المرور..الي يبي المسار يتصحح يحافظ على نظافة بلاده..حاجات واجد من غير الإعتصامات تصحح مسار الثورة وعاشت ليبيا حرة

من طرف عبدالسلام عبدربه عمر 2011-12-27, 2:27 am

يستر الله يابو اللافي خايف نقعدوا كيف مصر ونكملوها اعتصامات ومظاهرات

من طرف نور ليبيا 2011-12-27, 2:35 am

ياعبد السلام

لا نحن مش زي مصر

لا نحن موحدين كلمتنه

من اول يوم ثوره

ودينا واحد

ومصر اخوان ومسيحه ولخبطه كي هذه لخبطه

ويصراحه يامحمد كلامك صح
شكرا لك

من طرف محمد اللافي 2011-12-27, 2:36 am

شربت شاهي خوي عبدالسلام هههههههههههههههههههههههههههه
اشرب شاهي وقول باهي

من طرف محمد اللافي 2011-12-27, 2:40 am

الله اكبر عليك يا نور امغير كان يسمعوك المجلس بيش ايشوفو شن تعني ليبيا وحده ويفهمو انا خلاص كل حد فاهم وعارف و واعي للي ايصير ومستحيل يقدر حد ايفرق بينا
شربتي شاهي ولا لا هههههههههههه

من طرف نور ليبيا 2011-12-27, 2:48 am

يامحمد وان نكبر علي
الله اكبر
نحن بعد ثوره عرفنا معن ليبيا
ولكن ديرن قصه علي هل روتب الله غالب مفش سيوله
صبرانا علي مدمر 42 سنه
تحملو شويه
عتي عشان دم شهداء وجرحي
الفلوس وسخ دنيه كي تموت والله مايدونهش معك
مينفعك الي عملك
مشكور علي شاه طسه صقع

من طرف محمد اللافي 2011-12-27, 2:54 am

مانحكوش علي السيولة نور نحكو علي الكرامه والمصداقيه وسخها المجلس بكل

من طرف نور ليبيا 2011-12-27, 3:03 am

محمد الايام هذه بقولي علشان الفلوس
والله اعلم علي يدير في المجلس

انا اريد وانت تريد والله يفعل مايريد

من طرف شموخ انثى 2011-12-27, 3:07 am

هههههههههههه

لايا محمد انا م تصحيح المسار واستمراريه الثوره والاعتصامات السلميييييييييييييييييييييييييييييه

لنذكر بأن ثورتنا لازالت حيه

من طرف محمد اللافي 2011-12-27, 3:16 am

افهمي قصدي شموخ حتي لما كل حد فينا ايشوف شغله ونبدو في بناء ليبيا علي اسس صح هضا ابروحه تغير مسار وانا امعاك بس نحن نحكو علي جو الاعتصام الي يوقف حال مصلحه معينه كيف اضراب او اغلاق مطار او شركة

من طرف شموخ انثى 2011-12-27, 3:22 am

كلامك ميه ميه

من طرف محمد اللافي 2011-12-27, 3:26 am

وشاهي 100% يالالالا لالالا لاي
امنورة اشموخه علي المتابعه

من طرف سـيف التميمي 2011-12-27, 6:44 am

هندســــــــــــــــــــــة كلمة....ووجهت نظرصادقة... ووضعت إحداثياتها بدقة

ووضعت كفيك بمقياس الرسم...وبزاوية90 درجة على المطلوب
لافض فاك..ولا شلت يداك..رأى نير من رجل خير

من طرف ولد الجبل 2011-12-27, 7:19 am

أخي محمد: أولا بارك الله فيك ما قلته عين الصواب والعقل ليبيا تحتاج إلى من يبني بصدق لا من يعتصم ويعطل الأشغال .... لقد حركت كلماتك ما في قلبي من احاسيس إتجاه الوطن الغالي وأنا كنت أنأ بنفسي عن المشاركة في كل جدال حتى لا اكون شريكا في إشعال فتنه لا سامح الله .. ولكن كلماتك نتمنى أن تعلق في ميادين الاعتصامات .....
اكرر شكري وتقديري لشخصكم الكريم وأثمن فيك حسك الوطني والرغبة في بناء ليبيا في اسرع وقت ..... تقبل تحياتي وسلامي

من طرف محمد اللافي 2011-12-27, 3:53 pm

سـيف التميمي كتب:هندســــــــــــــــــــــة كلمة....ووجهت نظرصادقة... ووضعت إحداثياتها بدقة

ووضعت كفيك بمقياس الرسم...وبزاوية90 درجة على المطلوب
لافض فاك..ولا شلت يداك..رأى نير من رجل خير

اللهم امين يا رب
بارك الله فيك وجزاك الله خير وان شاء الله اكن عند حسن الضن

من طرف محمد اللافي 2011-12-27, 3:58 pm

ولد الجبل كتب:أخي محمد: أولا بارك الله فيك ما قلته عين الصواب والعقل ليبيا تحتاج إلى من يبني بصدق لا من يعتصم ويعطل الأشغال .... لقد حركت كلماتك ما في قلبي من احاسيس إتجاه الوطن الغالي وأنا كنت أنأ بنفسي عن المشاركة في كل جدال حتى لا اكون شريكا في إشعال فتنه لا سامح الله .. ولكن كلماتك نتمنى أن تعلق في ميادين الاعتصامات .....
اكرر شكري وتقديري لشخصكم الكريم وأثمن فيك حسك الوطني والرغبة في بناء ليبيا في اسرع وقت ..... تقبل تحياتي وسلامي

فيكم بارك الله اخي وابي ولد الجبل بالعكس اخي نطلب مشاركتك في جميع حوارتنا ونقاشتنا حتي نستفيد ونفيد من ارائكم وخبرتكم فالكمال لله سبحانه وتعالي والحوار ليس لشق الصف بالعكس هوا لتوحيد الصف علي رأي وهدف واحد
مشكور وبارك الله فيك