يوميات عائلة ليبية

من طرف محمد اللافي 2012-01-09, 9:41 pm

اول مايركبوا السيارة :

الاب :(( خليكم هاديين بش ديمة ندهور بيكم ))
... ... الام :(( والله تديروا الهبال الا مانروحوا ومعاد طالعينها))
الصغار:((هدوووووووووووء))

واول ماتبتعد السيارة عن زنقتهم يبدا العرض:

الصغار:(( تي حول..مكاني هذا..اني نبي الوسط..يابابا كلمه والله قعمز هو المرة اللي فاتت...ماما كلمي ولدك ضربني..كدابة ياماما والله مامسيتها..واواواعاعاواواواواعاعاعاعاعا..هاه..شلفط... الا مانردهالك زي ماضربتني..ماما جيعان اني خلاص...ماما نبي الحمام اوقفوا على اي مكان بنديرها تحتي))

الام : وهي تمد يدها لمؤخرة السيارة في محاولة لارسال بعض القرصات (( تي ياسروا..والله نروحوا..كرهتوني في الطلوع معاكم..انطمروا طمرة..شوفوا صغارالناس كيف عاقلين..الا بلاي اني هكي..قعمزوا والله غيرنروحوا الا ماتاكلو طريحة..ومعاد طالعينها))

الاب: (( ماهو كله منك مدلعتيهم..تي اسكت انت وياها خير ماندرس ونطيح فيكم بالسبتة ..اللي زيكم حرام فيهم الطلوع اصلا..لما تولو بناديمة قولو بندهوروا..العيب مش فيكم العيب في اللي مطلعكم))

وسبحان الله اول مايروحوا يتصالحو الصغار وينسو المشاكل..ويرجعوا يلعبو زي قبل..وماتاكلها غير الام والاب اللي دمهم انحرق..كم انت رائع ايها الطفل الليبي قدما يديرولك ماتشعفش والنكد اتديره في كل طلعة..م
حياه حلوه

من طرف كوجا جينوسكي 2012-01-09, 9:46 pm

الاب: (( ماهو كله منك مدلعتيهم..تي اسكت انت وياها خير ماندرس ونطيح فيكم بالسبتة ..اللي زيكم حرام فيهم الطلوع اصلا..لما تولو بناديمة قولو بندهوروا..العيب مش فيكم العيب في اللي مطلعكم))
محمد انت شكلك كنت راكب معانا

منور حبيب