اطاول مشكاي ومشكاك..انهالن ياانظاري من توا..يخطروين انجي لوه

من طرف **العاشق الصغير** 2012-02-18, 12:25 pm

السلام عليكم

الشاعر محمد صالح والشاعر و ونيس البدرى

فى قصيده طق قديمة والقصيده متفرعة لثلاث

(اطاول مشكاى ومشكاك) و (انهالن يا انظارى من توا) و(يخطر وين انجى لوهامه)

تم كتابتها من شريط وان شاءالله ماتكون في اخطاء

راجيا ان تنال رظاكم

اطاول مشكاى ومشكاك* انت فى امناك* ارزيت وانا فى امناى معاك

جريح اصدافك جاء مجروح* شكاء بكاك* بكيت بكاه وزاد امعاك

اطاول مشكاى ومشكاك

اساوينا فى اضروف الحال* وفى موال* غلاء عدا فى قولت قال

لاكن كان خطر مازال* مع ذكراك* انقولوا سيلى جاك عماك

اطاول مشكاى ومشكاك

اطاول مشكايا مالياس* اقبال الناس* عرفنا يا بونجم خلاص

ابقى يابدرى صاحب راس* ايريد دناك* الياس انكان اخطينى جاك

اطاول مشكاى ومشكاك

عرف فجوتنا دون الناس* انا وياك* الياس وخاوانى وخواك

اطاول مشكاى ومشكاك

وسيلن يالنظار بغيض* ابكاء وجضيض* عللى خده كي الوميض

فلاشه تضون تمن بيض* هضكى هو* جبين اللى منا نشكوا

انهالن يا انظارى من توا *عللى حو* خجاله سيلن سيلت نو

انهالن يا انظارى من توا

ويخطر وين انجيهن جايل* ينزل سايل* دمعى عالتذريف ولايل

من يوم افراقى للخايل* فى دوامه* بين غلاء ولط اقسامه

نذرف وين انجى لوهامه *سود اميامه* لاهان ولاصارت لامه

واشلن يالنظار ابكن* ولا تكمن* اللوعه والمكتوب ارضن

عليهم نا ماننهاكن* اعزاز مشوا* انكان ماضنى عاد ايجوا

انهالن يا انظارى من توا

هذا لو حتى تنعمين* اما يلفوا *اما من دمعه نفتكوا

انهالن يا انظارى من توا

يخطر وين على وين* هذاك الزين* اوهامه ينزل دمع العين

سواء عام داير عالخدين* غلب لزامه* ماعاد صبر نفع قدامه

نذرف وين انجى لوهامه* سود اميامه* لاهان وصارت لامه

واشلن يا انظارى مالياس* ابكاء من قاس* امرار اللوعه واللفلاس

ابكاء من فاقد عز الناس* مثيل البوه* سوا ولا امه ولا خوه

انهالن يا انظارى من توا

اعياط وندابه ومحاس* وناس ايجوا* اعفينا واعفيكم مالسو

انهالن يا انظارى من توا

واشلن عيرن عيرت سيل* على فرقه هذاك الزين

شلاء باين صبح مع ليل* شلاء فاقد عز الولدين

شلاء شلاايا يوم رحيل* ولدها بين الدفانين

اشالن زاد الكن بالحيل* على ماريتن من تكوين

على ماريتن من تهويل* وياس وعازه واترهدين

وقل الفزاع وتبديل* ايام زهاكن هاذكين

مع مول الممشوط طويل* اللى ريتنهن فالسبعين

اليوم ابقى للغير حليل* انحاز ونحن منحازين

غيابه يالنظار قليل* نجاكن منا بين وبين

ارهن للغير ودار عويل* ونحن للياس مراهين

عزاء فى اغيابه دمعه هيل* اشالن خلنها سيلين

اشالن وانا الصوت انشيل* امعاكن فى اغياب الزينين

بكاء مانقبل بيه جميل* عليكن لاكن له تهوين

بكاء من فقد امنياى وميل* ايامى والعازه والدين

اللى ماخلن فيى حيل* ابهن من دون الناس حزين

الله غالب والصبر جميل* صبرت وصابر لى اسنين

وماعندى عالصبر بديل* عزاء فى اغيابى عالزينين

امخلى دمع العين سبيل* ايوج ابقو* قواطر رفا ليلت نو

انهالن يا انظارى من تو

ويخطر وين على وين* عزيز ادانن يا لوهام

ايجى يزابا دمع العين* على موساير ما نلتام

الياس وموحى عالزينين* معاهن معاد فى عزام

اللى مكتوبه عالجبين* اتراعيها من غير كلام

وفرقانا لهذاك الزين* امقدر من عند العلام

عليه اصبحنا مجبورين* الفرقا للعشاق اختام

مشاء بين هذين وهاذين* غلانا غنداقه مابان

خطم عالموح وعل تقزين* بلاه ابقينا كى ليتام

مالياس ومالنقارين* تفارقنا من غير اخصام

على غره نحن لثنين* اوخذنا كى مالن ليام

تفاجينا بالياس الشين* وصوب اختامه* كى ماتوعه مالحلامه

نذرف وين* انجى لوهامه* يخطر وين* انجى لوهامه

سود اميامه* لاهان ولاصارت لامه* نذرف وين

م ن ق و ل

من طرف اسماعيل ادريس 2012-02-26, 5:23 pm

مشاركه رائعه...وفقــــــك الله وننتظر منــــك المـــــزيد

من طرف **العاشق الصغير** 2012-03-04, 6:24 pm

مشكـــــــــــــــــورين علي المرور والمتابعه

من طرف نجم 2014-07-13, 7:01 am

مشكور عالنقل خوى قصيدة رائعة للشاعر محمد صالح نجم وونيس البدرى
العبدلله هو اللى كاتبها من كاسيت واول مانزلتها زمان فى ملتقى الاجواد الله الله راحت ليام السمحة ايام المنتديات والعلاقة الطيبة لى بينا من جميع ربوع ليبيا لانعرفوا غرباوى ولا شرقاوى ولا تارغى .

اطاول مشكاي ومشكاك..انهالن ياانظاري من توا..يخطروين انجي لوه

اطاول مشكاي ومشكاك..انهالن ياانظاري من توا..يخطروين انجي لوه

رد: اطاول مشكاي ومشكاك..انهالن ياانظاري من توا..يخطروين انجي لوه

رد: اطاول مشكاي ومشكاك..انهالن ياانظاري من توا..يخطروين انجي لوه

رد: اطاول مشكاي ومشكاك..انهالن ياانظاري من توا..يخطروين انجي لوه