محادثـــــــــــــة..ولد.وبنت

من طرف **زهرة اللوتس** 2012-03-14, 12:47 pm

الولد :- تن تن تن تن (يضرب ف الرقم)
الخط :- طننن طنننن طننن (يضبح)
البنت :- الو حبيبي
الولد :- وين مشيتي اليوم ؟
البنت :- ما مشيتش لحتي مكان
الولد :- لا مشيتي قولي وين انــا عارف
البنت :- مشيت للميدان (صوت يرجف)
الولد :- انــا قلتلكـ ما تمشيش وله وانتي مش معدله عليا
البنت :- حبيبي انــا كنت مش ماشيه بس العويله قالولي ما تقعديش بروحگ
الولد :- انتي اصلاً مشـ حاسبتني و تكسريلي ف كلمتي (بالتكشيخ)
البنت :- لحظات صمت وتفكير
الولد :- انــا و و و و. لكن تعرفي الحق مشـ فيگ الحق فيا انــا بري وين ما تبــي ومعاش اتعدلي عليا وهدا الرقم انسيه
البنت :- تبكي ( بكاء مصطنع )
الولد :- صمت
البنت :- تبكي .......................
الولد :- شــن يبكي فيگ توا ( يانااااااااري يحبها ♥ )
البنت :- شي وتستمر ف البكاء
الولد :- حبيبتي انتي عارفهـ أني نخاف عليگ
البنت :- عارفهـ لكن انت ديما تكشخ فيا و تحسابني مشـ معدله عليگ وانت عارف أني نحبــگ
الولد :- عارف
البنت :- باهي خلاص بنسكر انــا (تتكلم بالعبرة الكذابيهـ)
الولد :- لا لا وانتي زعلانه مافيش تسكير
البنت :- مانيش زعلانه
الولد :- سمعيني ضحتگ باهي
البنت :- ماعنديش نيهـ نضحگ (شوفو يبدأ النقاش ينتهي)
الولد :- باهي حبيبتي هيا عااااد انــا أسف حقگ عليا
البنت :- اه
الولد :- حبيبتــي هيا سمعيني كلمة نحبگ خلــي يمشي اليوم مستف
البنت :- هههههه (ضحكة انتصار)
الولد :- هيا عاد
البنت :- نحبگ
الولد :- مش زعلانه حبـي
البنت :- لا لا خلاص
باي باي سلام سلام
الخط :- طووووط
الولد --> يبعث رسالهـ حب
البنت --> تستلم الرسالهـ وتقول انننيييياهاهااهاههاها وترد برسالة جبر خواطر
---------
هههههههه ويستمر النصر اننننننننننيييييياهاهاهاهاهاها
طبعاا منقول..بس انه كيدهن عظيم؟؟انتبهوا