طار نوم بنغازى

طار نوم بنغازي بليل حزينة .. وطار حزنها طاروا طيور بنينة

طار نوم بنغازي بليل حزينة .. وطار حزنها طاروا طيور بنينة

طار نومها مفجوعة ..............من صوت الجراد ودردزة مسموعة
من رتل هاجم باسلحة ممنوعة ... أوصل الجامعة والمحكمة ناوينا
خطب زيف في ظنه نهى مشروعة ... انسي انشالله والله موناسينا
بنغازي علي قول الشباب صقوعة ... ان ناضت وراها تنوض كل مدينه
طلع شبابها مع الفجر وان اطلوعه ... بخفيف واربجي وسلاح جالاطينه
الوف كيرت وبعزمها مدفوعة ... .........الواحد يموت ولايفوت قرينة
ومن كل منطقة م الشرق جت مجموعة ... بنغازي العزيزة ماتهون علينا

في يوم راف الله ثلاث ادروعه دمرهن ... عطى حقك خلص في ديْنه
في يوم الشباب بفرحها ودموعه ... تسعين من الشباب الزين فيه عطينا
بوقبعة صفراء على القبوعة ... افرح لرتلهم جاته علي فرنينه

طار نومها مذعوره ... وطار حزنها مع فجرها بصقوره
في يوم العقيلي وكلمته المشهورة ... ما يدخلوك امفيت ما انتهينا
وفي يوم العقيلي وماتلى م السورة ... الآية مارميت الله وفّى يمينه
وحتى الطائرة وهي نارها مكبورة ... اجّل هبطته خايف أطيح علينا

طارنومها بكدرها ... وطار الكدر ربي كريم نصرها
المهدي السمين بطلعته بكرها ... الصلابي معاه ودمعته في عينه
ودع أصحابه دمعته حدّرها .. فيهم عزا واحد معاه بكينا