ليبيانا نت // بعد تجربته في التميمي

السلام عليكم
السيد ليبيانا نت بعد تجربته في التميمي اتضح ان الريفي احسن منه بكثير ...
للاسف تعبان ع الاخر ..
وليس سنة مجانية كما يقولون بل 6 اشهر ثم تضطر للتعبئة لان الصلاحية تنتهي .
عندما استفسرت عن الرصيد انظروا ماذا كان الرد
رصيدالرقم: *********** هو: 1000 درهم! تاريخ إنتهاء الصلاحية هو: 2010.03.04 !
وخاب الامل بعد طول انتظار

نسيت حاجات اخري
- يسخن بشكل غريب
- صوت الذبذبة عالي في السبيكرات رغم انني قد وضعته بعيد

مغير وسع بالك ..مازال بدرى بلكى هذة المشاكل راجعة لاحد الاسباب الاتية..
ممكن بعد ما تركب الوصلة المطولة يضعف جرب ركب فى الـ سى بى يو مباشرة بدون وصلة او شى
او من ضعف التغطية وحيلة سلك الانتينة ما يمشيش معاة ضرورى يكون تغطية تمام
انت انتظر حتى تأتى تغطية الى فى برج البريد وشوف
او خذ الاب توب وعدى للقصيباية وجربة يالا الانتينة وشوف
مو معقول السعر الخيالى وع لبيض

شكات انصابه
المفروض 335 دينار شريت بيهن 15 تنك ماء
ونسقي بيهن المنطقة
هههههههههههههههههههه

والله غريبه يا كابتن

انا صح ماجربتش في التميمي

لكن في طرابلس وبنغازي والله مش عادي وتحميله جيد وسرعته ممتازه

معقوله الريفي خير منه؟؟

صح الريفي في التميمي سريع بس مش اسرع من ليبيانانت

لكن في قصة الرصيد هذه صح عندك الحق
وسعره فعلا غالي

ملاحظه- انا نجرب فيه على اللاب توب ومانسمعش في صوت ذبذبه ممكن للاب توب مختلف على الكمبيوتر

ممكن فى المدن افضل عشان تغطية الجيل الثالث يا غالى
ونحن فى التميمى منقطعين على العالم الثالث

اتضح انه يعمل علي شبكات الجيل الثالث
لماذا لم تقل شركة ليبيانا هذا
منهم لله

بالنسبه لى ADSL مانبى لا ليبيانا نت ولانبو شى ايخلونا على هكى تمام
وبعدين الغربال الجديد له تعليقه.... بلكى زى ماقال ستار ممكن ضعف التغطيه هو المؤثر والاسعار تنزل فيما بعد ....على العموم معلومه اكويسه على لبيانا نت نقدرو نحكو ونشوهو سمعته...ونقولو ماينفعش والدليل انه مجرب فى التميمى

شكراً يا بوفرقة
جربت ليبيانا نت تحت برج ليبيانا علشان نقطع عذر التغطية لكن ما صار شئ بطي جداً ويفصل بإستمرار

على اثر الضى والميه ...قبل قلنا ليبيانا نت اكويسه ماصار شى ...ربى ايفرج عليكم فى مده قصيره ومشكور كابتن على المجهودات المبذوله من اجل المنتدى

adsl الأفضل ـــ الأوفر على الإطلاق

هههههههههههههههههههه
مقالب
ياكابتن عادى

شكراً لكم ...

حسين رد :هههههههههههههههههههه
مقالب
ياكابتن عادى

المشكلة يا حسين موش في 335 عادي
المشكلة انه مات اخر امل لنا في النت .. كنا حاطين امل كبير انه سريع الان شئ
ومن سوء الحظ المدار رغم انه ضعيفصح بس زادوا سعره - ولشخص مثلي مدمن نت ما ينفعش المدار ...

عليكم بالصبر وارجوا دي اس ال dsl وتو نحكموا

يا جماعة الخير ليبيانا نت لاتعمل بشكل جيد فى المناطق فقط لانها لاتوجد بها تغطية الجيل الثالث اما فى المدن كدرنة وطبرق والبيضاء وبنغازى توجد تغطية الجيل الثالث وتشغل زى الفل واسرع من الدى سى ال
واسألوا محمد صالح هو الى مجربها فى المدينة

والله ياجماعه يشتغل تمام عمره مافصل معاي

واسرع من الدي اس ال عندي

بس لو مايشتغلش تمام في التميمي

نقلبه فلاش ميموري وخلاص (عليش جايبينه)

الصبر وخلاص ياجماعه

والله شي يحشم شي لا يتصورة عاقل ليبيانا نت, لو سلمنا جدلا ان الخط كما قالو 334 كيلو بت للتصفح و 50 نيلو بايت للداون لوود, الاسعار غير معقولة اطلاقا 2 جيجا للاعمال اصلا تكمل في يومان بس وبعدين اشري 1 جيجا بي 51 دينار يا ساتر عليك غلا , فكنا الله من شرهم اتقول يبشروا بستعين عام جدب , الله لو كان من يقدر هولا البسطاء الي دخولهم اقل من 300 دينار ازعمك يقدروا يشروا ليبيانا نت , على اية حال انتم قلتو التغطية ضعيفة والخط ميت اصلا عندكم تغطية gprsوهي تغطية الجيل الثاني يعني السرعم موش راح تزيد عن 117 كيلو بت للتصفح’ وين عايشين العالم بدا في الجيل الرابع HSDPA وبسرعة 50 جيجا , يية عليك حال ايفرج اللة يا اةلادي ’ انشا الله بس جماعة ليبيانا يراجعو انفسهم ويعودوا الى رشدهم ويرحموا هولا البسطاء و امين امين

ممكن سوال للاخوة كيف تعرف ان التغطية هي تغطية الجيل الثالث,,او الثاني,, ممكن حد عندة اجابة,,, برغم نقدنا لليبيانا نت مرات نفكر فيها لو ثبت لنا ان التغطية عندنا هي الجيل الثالث,,, مرات تبقى الجيل الرابع ونحن موش عارفين ,, اههها اهها نكتة بس

مشـــــاركة طيبــه و مفيــدة.بــــــــــــــــــــــــــــــــــــارك الله فيك...