صيورها بتبان منهو قتل فتاحنا الإنــــسان

من طرف **زهرة اللوتس** 2012-05-05, 11:58 am

للشاعر المبدع سفيان بوطيغان

صيورها بتبان
منهو قتل فتاحنا الإنــــسان
مهما أختفت
صيورها ياهووه
وصيورنا ياليبــــــــــــيا نلقوه
وصيورنا وسط القفص نرموه
هاللى فعل ودار والشيطان
وصيــــــــــورنا يرتاح مانخلوه
مهما مشن وأطاولن أزمان
وصيورنا والحق ماننـــــسوه
دم اللواء والدم مايـــــــــنهان
وصـــــــــــــيورنا لواءنا أنهنوه
بأذن العلــــيم الحق والمنان
وصيورنا نلقوه مادســـــــــوه
وصيورها شمس الحقيقة تبان
وصيـــــــــــــــورنا للكون بنوروه
لايهـــــــــــمنا ف فلان لاعلان
وصيــــــــــورنا هالحق بنردوه
وتوجد دلائل واضحة وبرهان
وياللى حكمتوا ليبيا خوذوه
ماينخمد بالمـــــــهزلة بركان
وواضح دليل الحق ماتواروه
كيف الصــــلاة والحج والأّذان
أصل السبب فى ناس مايودوه
كونه تريس أجواد م الفرسان
وكونه جـــــميع أولادنا يحبوه
وكونه بنا فى جيشنا بنيان
ياهـــل ترى اللونين مايبوه؟
والا أجندة خاصــــــــة بفلان
والا عشان أفكارهم شالوه
ولاجل الغريب أيحس بأطمئنان
وياليبيا ف أشـــــــعارنا نرثوه
وياليبيا مايــــــوم يبقى كان
وياليـــــــــــبيا محال بنضروه
ترابك غلا ومانصاحبوا الفتان
وصيــــــــــــورنا ياليبيا نداووه
جرح الوطن وأنرحلوا الأحزان
الشاعر \سفيان بوطيغان