لعبة حصرية ..مربوعة المنتدى سهارى المنتدى شات دردشة المنتدى

تذكير بمساهمة فاتح الموضوع :

تصبحوووووووووووون على خير.
ليلتكم سعيدة صبااااااااااايا

هلا pure heart‏ كيف حالك
هلا زهره كيف حالك..

الحمد لله ..

إنت كيف حالك هوم؟؟

ليلتك أسعد زهرة ,, في أمان الله

ونا انقول منين متعلمه الهندي زهرة
ههههههههه

الحمد لله
ماشي الحال...

هلوووووووووووووووووو يا بشووووووووووات

مش غير هندي ياجمال
هندي وياباني...

يا ساتر استر من الهنوود الى هنا

هلا زهره كيف حالك ..

مرحبا بيك شو الاخبار

خير من تاليف افلام هندية على النااس ..
تماام هوومي كيف حالك اليوم .وشو اخبار المدرسة..نحن عطلة الاياام هذه

انتو ديما عطلة

لا والله انا بس السنة كملته عطلة هههه .وهم عطلووه عشاان خااطري ..

افلام هندية احسن من مسلسلات المكسيكية هههههههههههههههه

في حدا هنا

اهلين

هلا اسماعيل كيف الحال والاخبار

الحمدلله مااااااااااااااشيه
حال الحمو والكساااااااااااااااد

هههه ولع المكيف احذاك..هو الحل للحمو
كله الكسااد مفيش له حل

ولله والع لكن ...سبب لي مشاكل وتقلصات
واما الكساااااااااااااد. منطقه ..والمناطق كلهن هكي اما السوق والقرمه وللا الكساد
فالحوش وانا من انصار الثانيه

والله الحوش خير من القعدة براا خاصة للشباب ..المفروض ايكونوه في اشغالهم وكان مفيش شغل الحوش اضمن.من قعدة الطريق الي مامريحين حد في حاله

هذي مشكلة الفراغ اللي حاصل زهره
ولما ينتشر الفراغ تكثر اقيادة لحوال والقيل وقال...
ومايسلم حد اللي داير واللي موش داير
املاحظه انه المنتدى امكسد من فتره والاشخاص اللي يدخلوا معدودين
واغلب شيئ امركزين عليه اخبار ليبيا وخلاااااااااااص ..ماعادش في نشاطات والعاب وتسالي ونقاشات كيف قبل....

بالنسبة لي عندي قسم ليبيا والكمبيوتر.ومش مقصرة في بااقي الاقساام
مش عارفة قصة غيااب الاعضاء شنو السبب...والكسااد حااصل من الاعضااء نفسهم
بلكي بعد رجعووه الرصيد..خفوه دخولهم للنت..
وكله النقشاات تدخل في نقااش ولو اختلفت معاهم تطلع انت الي غلطاان.فعشان هيك بلاش من النقاش...وكله الالعاب اهو الاياام هذه متحركة شوي

لا ماشالله بالنسبه لقسم ليبيا امغطيه وبالزايد
والايام اللي غبتي فيهن عالمنتدى اضطريت نفتح صبح وظهر وعصر وليل
عشان اننزل مواضيع لأنه غيابك سبب فراغ وحاولت اني انغطي ولو جزئيآ
الاحداث ومواكبتها ...
لكن الحمدلله اللي رجعتي وريحتيني
اما من ناحية غياب الاعضاء...موش عاااااااااااارف انا الكرت يقعد قريب من 5 الى 6 ايام وعلي فكره حتى لما مانكونش عالمنتدى ندخل للفيس
وكللا مالنقاشات صدقتي ..تحكي وتناقش تطلع طابور خامس وللا فتان
واما تسكت عالحق واللي انشوفوا ونسمعوا فيه ..وفعلآ خبر ايبغدد وايمرض
ومايريدوكش تحكي لأنه لما تحكي ايقول لك اتقي الله وبلاش فتن
خطرها شن اخبار الاجتماع اليوم اللي عندكم ..وشن صار فيه ..عندك اخبار عليه

ههههه الكرت يمسك 6 اياام..هه قالك انا كان 3 اياام كوويس..لكن مريحة رااسي معبيته كويس انا
واي اجتمااع؟؟لانه اليوم معطلين مشيت وقعت وجيت مشفتش حد..ولا حكيت..شنو قصته الاجتماااع؟؟؟

اجتماع لجميع شرائح وتركيبات قبائل العبيدات
وذلك لمناقشة موضوع الشهيد اللواء عبدالفتاح ورفيقيه
حيث انه في الفتره الاخيره هناك من بدأ يستغل فالقضيه لتنفيذ مآربه
ومصالحه الشخصيه
وعليه فقد تقرر بأن القضيه في يد القضاء ولاشيئ غير القضاء في الوقت الحالي
وخصوصآ بعد ظهور معلوات جديده غير التي جاء بها المتهم فالمحاكمه
وثبت تورط انااااااااااااااس ومسؤلين كثيرين...
عليه وخوفآ من الفتنه اجتمعوا
مع اني انا ضد التوجه للقضاء ولازم من المعامله بالمثل
لأن القضاء والقضاة وجميع مفاصل الدوله زهره منتشر فيها الفساد
وهم تحت ضغط السلااااااااااااااح حاليآ
واذا كان انريدوا نستنوا الدوله اتريد لها 10 سنين بالوضع اللي توا
والاجتماع فالمدخل الشرقي على اليمين وانت داخل من جهة الشرق

اووكي..معنديش علم بيه المووضووع نهاائي...ان شاءالله خير
هم هل اللواء وقبيلته سكتوه عشان الثورة.وفعلا قضية اللواء كل مرة طالعة حاجة جديدة..زي المنصوري الي طل في الاخير لو شفت الفيديو شنو حكى في المحكمة وشنو حكى في فيديو خااص كلام مش كيف بعضه
ان شاءالله خير.

لا لا توا علي حسب علمي ومن اشخاص مقربين من القضيه وهو من ألأشخاص الذين مخولين بالتحدث فيها بانهم لديهم ادله وقرائن وكذلك شرائط فيديو
لبعض المتهمين الوارده اسمائهم فالقضيه
اضافه الى ذلك العيساوي الذي بعث بمذكره رسميه ومستعد للأدلاء بشهادته بشرط حماية حياته فور وصوله الي ليبيا
ايضآ اعترافات الدغيلي الوزير الاسبق..
يعني يازهره القضيه توا مكتمله وجميع ألأسماء المتلآمره عندهم وعارفين لو وصلت للقضاء وكان نزيه سوف يحاكمون من مؤبد للأعدام لأنه
كلهم متورطين من رأس النظام لغاية المنفذين في معسكر 7 أبريل

زهره في رأيي عيب ان قبيله بهذه العراقه والتاريخ وانا هنا لا أزايد على اي
من قبائل ليبيا الشريفه الذهاب للجنائيه
من رأيي العين بالعين والسن بالسن الباديئ اظلم
يبدوا فيهم وذلك باستدعاء جميع من هو منظم ولديه سلاح ويبدوا فيهم واحد واحد
وهكي تنتهي القصه لأنه مافيش حد معاهم وهم صناع القرار توا فالبلاد وماقلتش دوله لأنه مافيش دوله ولامؤسسات
وانا اول شخص ينضم معاهم ..بعدها بلكي انتريحوا وتبرد نارنا
غير هكي كلها دوه زايده وكلاااااااااااااااااام فاضي وموش حيوصلوا لنتيجه ابدآ
وكل واحد عنده وجهة نظر فالموضوع هضا ....
مع العلم زهره انهم موش لعبيدات وحدهم ..فجميع قبائل برقه والمنطقه الشرقيه
تؤيد قبيلة الشهداء اي قبيلة العبيدات في اي تصرف وهي جاهزه بما تكلك
والامر والتعليمات لهم وهم تحت إمرتهم وتعليماتهم....

لو يريدوها من الاول ..بالعكس بالقاانون احسن...
بعدين انه ناخذوها بالقانون خير .لانه لو تاخذها بالقوة والقتل معااش تنتهى القصة وحتقعد ثاارات بين القبائل وخلاص.
لكن لما ايكون كل شئ قانوني معااش يحكي حد..والقانون يقعد في صفك..
وكان تم الحل زي ما قلت والله معاد اتخالص وتقعد حرب هنا

مافيش حل..
ايش اخبار التعليم وامتى الامتحانات وشنو الاستعدادات ..بديتوا وللا مازال

لا في ان شاءالله حل
والله الاياام هذه عطلة هو في توقيع بس فوته..والسبت يبدوه الامتحانات...
ان شاءالله..

بالتوفيق انشاءلله لكم كمشرفين ومعلمين وللطلبه بالنجاح
مااااااااااااازااااااااااااااااااااال في غش يازهره وللا خلاااااااااااااااص انقطع بين الطلبه

ان شاءالله ياارب
هو الصرااحة في النقل .لااا مفييييييش نهاائي.
بس الشهاادة اااااااكيد.عشاان هيك منحبش نشرف في الشهاادة نهاائي

مرحبا بكم هنا

فية حدا هنا او كساااااااااد