الفيدرالية وخطوات الشيطان

من طرف ليبيا واحدة 2012-05-30, 3:51 pm

يقول الشاعر: ومعظم النار من مستصغر الشرر
اي النار الكبيرة تبدا من شرر صغير
بداية فتنة الفيدرالية هي بان الغرب مستحود وانه عميل للقردافي وانه وانه (وبهدا تحطم عندهم اول اساس للثورة وهو ليبيا واحدة)
بعد اشهر قليلة هناك مجلس عسكري لهولاء واستعراض وحملات وتهديدات بالانفصال والحرب
بالله عليكم الى اين يقودنا هولاء
الشرق ما شاء الله منتظم واغلب كتائب التوار منضمة لوزارة الدفاع والقليل منها جدا متمرد
غرب ليبيا فيه مشاكل كثير تم القضاء على اغلبها وخطوة خطوة فيه اتجاه نحو الجيش الموحد والدولة المنظمة وفيه تضييق ومحاصرة لناكر الخارج عن القانون وغيره من الكتايب المتمردة وتعرفون انه قد تم سحق بعض المجرمين الخارجين عن القانون
ولكن الفيدراليين يتكلمون عكس تيار ليبيا
يحتجون بناكر والمتمردين في الغرب فيعملوا جيش يسموه جيش برقة !!!
يعني بدلا من تشجيع الناس على الانضمام للجيش الوطني وبدلا من يمدوا يد العون للدولة في قضائها على المتمردين في الغرب يتاخروا بينا للوراء وينشقوا على الجيش الوطني
مساكين الشباب الطرابلسي اللي يتظاهر ضد الميليشيات ويعتقد ان بنغازي هي قدوته وهي امه اللي حضنت التورة ونجحت مسيرة الدولة
فتخرج فئة مارقة وتسير عكس التيار

ليبيا واحدة ليبيا واحدة وعاصمتها طرابلس
قلناها للطاغوت القردافي وازلامه في ساحات بنغازي
ونقولوها اليوم للفيدراليين المفتنين

من طرف شموخ انثى 2012-05-30, 4:09 pm

عطيت للموضوع اكبر من حجمه

برقه لها حقها فى المقاعد هذا لى نبوه ولو كانت فيدراليه تنادى بتسوية المقاعد والامركزيه فمعناها هى الحل السلمى لنا ولكم

من طرف اسماعيل ادريس 2012-05-30, 4:40 pm

كنك ترم تبرم واترد عالفيدراليه
ماقلتش ليش طالبوا بيها وعليش وشنو السبب
ليبيين ابآ عن جد اي شيطان ..كل مره حاط فيهم حاجه
انا موش فيدرالي وضدها ...لكن التخوين الادعاء عليهم بانهم موش وطنيين
لا هضوم ليبيين وقدموا للثوره اللي ماقدموش اللي اليوم ماسكين مناصب
فالدوله وللا اللي قاعدين يشدقوا عليهم وماعندهم ولا حاجه الا يجكوا عليهم..
احكي علي ناااااااااااااااكر وجماعة الزنتان ومصراته وفرج السويحلي والميليشيات اللي خطرهن واضح وكبير ومنتشره فالمناطق الغربيه ..
لكن الاحقاد اطلعن عالشرق توا منهم وقاعدين يشحنوا فالليبيين علي بعضهم
ياريت اتفكنا مالسفاطه هذي بلكل وللا ايكون كلاااااامك بحياديه

من طرف ليبيا واحدة 2012-05-30, 5:04 pm

لكت اسلوبهم :
1 اتارة نعرات القبلية والجهوية
2 فتنة وكراهية ضد الليبيين
3 تهديدهم بالعنف والانفصال
4 تشكيل كيانات انشقاقية غير شرعية

هدا كله ضد الثورة واهدافها

من طرف اسماعيل ادريس 2012-05-30, 5:13 pm

ولله القبليه والجهويه موجوده فالمناطق الغربيه وكل يوم نسمعوا وانشوفوا
الفتن والكره والاحقاد عندكم غااااااااااااااااادي ...نحن الحمدلله امورنا تمام وماعندنا مشاكل والجو طيب بين ابناء جميع قبائل الشرق ..طبعآ هم ايتمنوا فالعكس
اول من هدد بالعنف ضد الشرق هم مصراته علي لسان وزيرهم المريض عبدالعالي واجليل وحتى هم في اصوات نسمعوا فيهن
نحن موش تاورغا ...لازم يعرفوها وللا المشاشيه وللا ورشفان
نحن الشرق اللي حتى الطليان والاتراك اكتبوا والفوا علينا وعلي تاريخنا
اما عن الكيانات ...اول مره نسمعها منك ...
يكفينا شرف انه جميع المنافذ فالشرق سواء بريه اوبحريه او جويه من اول ايام الثوره تحت سيطرة المجلس وايراداته لخزينة الدوله
والكتائب 95% منهن تحت رئاسة الاركان ووزارة الداخليه
ياريت تحكي كلاااااااااااااااام واقعي
حقدك وكرهك للشرق واضح في نبرات صوتك
الشرق وهل الشرق ارفع واكبر من انهم ايتأثروا بكلاااااااااااام وفتن وطعون وتخوين

من طرف شموخ انثى 2012-05-30, 5:46 pm

لكت اسلوبهم :
1 اتارة نعرات القبلية والجهوية
2 فتنة وكراهية ضد الليبيين
3 تهديدهم بالعنف والانفصال
4 تشكيل كيانات انشقاقية غير شرعية

من الفصل ال20 من الكتاب البرتقالى

من طرف homeland 2012-05-30, 6:08 pm

انقوللكم حاجه بيش ترتاحوا كلكم الشرق سلموا امركم للفدراليه و طبقوا وصية المردوم_والغرب ايسلموا لمليشيات الزنتان و مصراته _
ورشفانه الي طلعوا ثوار في الحلقه الاخير__
دم الشهداء راح هباء

الفيدرالية وخطوات الشيطان

الفيدرالية وخطوات الشيطان

رد: الفيدرالية وخطوات الشيطان

رد: الفيدرالية وخطوات الشيطان

رد: الفيدرالية وخطوات الشيطان

رد: الفيدرالية وخطوات الشيطان

رد: الفيدرالية وخطوات الشيطان

رد: الفيدرالية وخطوات الشيطان