شن درنالهم يا حبيبتي

تي والله ماعندك حق حميده
احني ياالغرب قاعدين نجروا على 120 مقعد وانت يامحمد تبي توخرنا هلبة لل102
هادا كلام يزعل منك ياوخي خيركم ياشراقة مش اعطيناكم كم مقعد اتمشوا بيهن جوكم
يعني لازم اتحصلوا على مقاعد زينا احني ياالطرابلسية تي والله ما تحلموا بيها
راهواااا حتى اجليل والمجلس موافقنا عين تضحك وعين تبكي ... يلاااا براااا

سامحني خوي محمد هظا يلي ماشي توا في الشارع الغربي

ركبتنى الرعشه ياحبيبتى

,,,,,,,,,,,,,وبس............اممدللنا وممشخشبنا ومزعم كبدنا

?WHY
BECAUSE THE SKY IS SO HIGH

ههههههههههههههههههههههههههههههههههههههههههههههههههههههههههههههههههههههههههههههههههههههههههههه امنورين
لان الاخوان يبو هك يا عبيد الاخوان من اليوم كلكم عبيد في مزرعه الاخوان

راك تشرق بس من الضحك

لا يا جمال والله ما نرضوا فيكم الشارع ما دخلاش والله دايرين على خاطركم سبعة لسانات مع عبيد معمر
ما تشمتهمش فينا ارجوك

امعانا دكتورة شموخ ونخاف نشرق

يا سميرة الكلام علي اصحاب القرار موش علي الشعب

سميرة2 كتب: لا يا جمال والله ما نرضوا فيكم الشارع ما دخلاش والله دايرين على خاطركم سبعة لسانات مع عبيد معمر
ما تشمتهمش فينا ارجوك

ما فهمتيني أختي سميرة أنتوا الخير والبركة قصدي ألسنة الأزلام ....
ههههه لالالالا حتي شموخ تسلم
محمد أيش رايك في كلامي كان فيه خطا نورنا ....
مازالت ماتكلمت شموووخ

صدقت يا محمد الشعب ما ليشى علاقة
يجب ان نرتقى ونتمدن ونزيل القبلية والعصبية ونحل مشاكلنا بدون اقحامها فى الوسط
يجب علينا ان نغرس فى نفوس اطفالنا كلمة انا ليبى ونزيل المعنى الدى يغيب على الكثيرين لهده الكلمة عندما تحضر القبلية للاسف تضيع ليبيا بعدها والله ما تنفع القبلية
الغرب والشرق زى العاشق والمعشوق مهما صار

أحسنت سميرة كلام طيب ...بارك الله فيك

اختي سميرة انا رفاقتي من الغرب اكثر وعارفهم ونمشي ونجي عليهم
يعني عمري مانطعن فيهم
انا ديما كلامي علي الدولة وسياسه الدولة

توا الكلام بالعقل يعني هل سألوكم او طلبو منكم كا شعب اتحطو عدد المقاعد اكيد لا

هضوم الاخوان وازلامهم ..
هم اللي ايريدوا هكي وايريدوا زرع الفتن بين ابناء الشعب الليبي
عشان ايتمكنوا فالسلطه...
الشعب غلوب علي امره سوا من قبل وللا توا
من قبل القحوص وتوا ألأخوان

الاخوان ديمه يدحنسوا على السلطة
ردهم الله وخيب آمالهم

انتم اللى بديتوا بلاحسان يا جمال انتم اللى تستاهلوا الشكر

يا اخى محمد ربى يدوم الصحبة والمحبة هدا اللى نبوه
انت حاشاك ما تعنطش فيهم انى كلامى مجرد اثارة لحب ليبيا

ربي يهدي
يعني ليش هالوقت كله والشعب معترض على عدد المقاعد ومافيش رد يمسح الكبد من الحكومة .. من البديهيات ما دامها البلاد في حالة بلبلة وقلق ومشاكل داخلية .. ان الحكومة - مهما كانت تختلف في توجهاتها مع الشعب - تنصاع على الاقل لشوية مطالب وهذا مطلب مش عادي يحتاج منها للتنازل واعطاء الامر جدية اكبر ..
وراهو ياخوتي كيف ما قالت سميرة ما عندناش فرق ... وقال العرب الاولا (( هذا بطني وهذا ظهري)) انا من بنغازي لكن قلبي على كل ليبيا وما نرضى الظلم في بنغازي ولا في اي منطقة من مناطق بلادنا الحبيبة

حرام عليهم المجلس الانتقالي بسب تعنتهم وتجاهله لطلبات الشعب يسببوا في فتن داخلية يمكن تؤدي بالبلاد لطرق خطيرة ..
وللاسف معقولة نحنا افراد عاديين من وسط الشعب نفطنوا لهك امور وهم لا ؟ !!! والله عار عليهم ... والتاريخ ما يرحمش .. سيورة هالكلام يسطر في كتب ويدرس في جامعات .. ساعتها حيقولوا يا ندم وياريت ..

لغايتوه ؟ .. يسترها المولى

انشالله خير
مهما عملوا وحفروا ونصبوا من فخاخ جماعة المجلس وازلامهم من الاخوان
سيبقى الليبيين يد واحده وزي ماطيروا المقبور حتى هضوم ايطيروا انشاءلله

حصل خيييييييييير اختى سميره

إن شاء الله خير ,,

باقي 12 يوم على موعد الانتخاب و لا أعرف حتى من هم المرشحين !!

ما هي توقعاتكم ؟؟

ماذا سيحدث إذا لم يتم تعديل توزيع المقاعد !!

هل سينهي جابر المجبري اعتصامه ؟؟

إني ألمس في العيون غضبا على وشك الانفجار ..

ربي احفظ بلادي من كل سوء ..

بارك الله فيكم ومشكورين علي المتابعه