اش بدلك ما هو سلامك لاول .

من طرف **العاشق الصغير** 2012-06-08, 1:10 pm

" اش بدلك ما هو سلامك لاول .. اش غيرك " كلمات الشاعر الغنائي الليبي على الكيلاني واداء الفنانة التونسية ذكري

------------------
أيش غيرك ؟
ايش بدلك ؟
ماهو كلامك الاول
ماهو سلامك الاول
اللي قبل تزعل وين عليك نطول .
ايش غيرك ؟

ايه
مديت روس اصباعك
وايدك ثقيلة وين لي امتدت
تقول جابرين ذراعك
من قبل ما تلمس اصبعي ردت

ايــــــــــه
هذا عقاب العشرة
تثقل ايديكم في السلام علينا
راجيت منكم بشرى
اللي ما خطر في البال هو اللي يجينا
وتقولي سلامك الاول ؟؟؟
لا ... ما سلامك الاول

ايــــــــــــــــــه
احنا من الغلا ... غير سلم
خلي عيون الحاسدين تشوفك ..
ساير شوية .. تكلم .
قول اي شي .. مقدرين ظروفك ..

ايـــه
من اليأس ياما شفنا
ياما نظرنا شوق يا ما رأينا ..
منك الناس عرفنا
واليوم ندعوا لك .. طريقك زينة..
ان شاء الله الجفاء ما يطول
وترجع لغلاك الاول ..

ايــــــــــــه
ايش واصلك صارحني
بالك عليك مشوهيين عشية
ولا تزيدني حيرة على ما بيا

ايـــــــــــــــه
احنا ودنا بس تسلم
من الحب يكفينا نشوفوا زولك
بقلوبنا لو تعلم
كل يوم حب جديد نتمنوا لك

ان شاء الله الجفاء ما يطول
وتعود لغرامك الاول
م ن ق و ل

من طرف ارياف 2014-11-13, 10:20 pm

مديت روس اصباعك
وايدك ثقيلة وين لي امتدت
تقول جابرين ذراعك
من قبل ما تلمس اصبعي ردت >>>>> قمة في البلاغة

من طرف محمد الوفى1122a 2021-08-04, 10:36 pm

#سلامك وصلني والملام قتلني
وفيه شي شغلني حرت في تفسيره
#سلام حار ماكن في الجواجي ساكن
قبلته ولاكن لاحقتني حيره
وحير أندادي من بنات الوادي وخوتي
وأسيادي ومنو عنده غيره
عمامي وخوالي وبوي راس مالي
ركوبه العالي اللي مهندل ديره
تريس مانولو فلحديد نفلو
وكان ننعلو ننظرو بلخيره
وهداي كله فات موعد عله
أنسيته إبغله وما نبيله سيره
وسلامك إنرده
والملام إنعده
وساعة الشده الكسر له تجبيره

اش بدلك ما هو سلامك لاول .

اش بدلك ما هو سلامك لاول .

رد: اش بدلك ما هو سلامك لاول .

سلامك