ما من دور يبان سواده

من طرف **العاشق الصغير** 2012-07-17, 9:04 pm

ما من دور يبان سواده .. قور تقادة .. من ممشاه القود بيادة
ما من دور أزرق في لونة .. كنة مصبوغ بزرقينة
داير غيم يبان **ونة .. حايز ناس اعزاز علينا
ما من رق ايدير اضحونة .. بادن فيه امدس كرعينة
علي الاشباح ارقي غليونة .. نص بنص يبان هوينة
كاد اللي يزغد في اسنونة .. متعنصل كابر غلينة
بوفطرين غليض اقيونة .. م**ون وكاد تغيدينة
متغيدن كابر عينونة .. يبكي وابكاه امبكينة
يبكيم من طيلة غيدونة .. في الليل تجيه عطابينة
يلتمن حاشاك اجنونة .. ماشدت فيه الترسينة
داير كان اعقالة مونة .. ثانية ايسارة وايمينة
نلحق بيه اللي غالونة .. راحو لدكام بدينة
غوش اللي جسار اعيونه .. من لذهان ابقي ناسينة
لا نمشوا لا عاد ايجونة .. بعد اديار وخلو ايدينا
غير تنق العين حنونة .. والخاطر ماو مهنينا
هكي حالة راقد عونة .. ميل زمان الي غابينا
خطرها هلي نسيونا .. ماو برادة زور مكادة .. بعد وخلو اجيوب مكادة

ما من دور يبان سوادة .. قور تقادة .. من ممشاه القود بيادة
مامن دور ايدير احفافة .. غيم وقور خلا في الخالي
رقراق يغطي في إشرافة .. كيف الموج يجي متكالي
قور اتقول اقصور اضيافة .. ما عمرا دايسهن والي
ممشى علي الرجلين مسافة .. كاد اللي سموه اقلالي
بو ذروة فوقة تسافة .. مقدر ماو جمل زيوالي
بير الفاتية مصيافة .. دافن ماشالش لثقالي
يرقى لي دور المعرافة .. يجول في الوطن اريالي
بدري متكامل في أوصافه .. ميلادة ماهو في التالي
عاش خويل أمه زوافة .. ما يرضع من تحت ابهالي
لا عمره كونع في اخلافه .. لا قصرعن روس امفالي
كل خريف ايجيه أصدافه .. نبت ارقاب اتقول دوالي
سيده ماسك بيه أريافه .. كيف اصبي العين الغالي
لاعمرا ردح بأكتافه .. لا عمره طقة بأعقالي
مزوغد نادر في أصنافه .. في لونه كيف الفيلالي
قادر مان ارقاق أطرافه .. عرضة زور وحيطة عالي
من طولة عنده نهدافه .. تحلف كان ضريح اهلالي
لاريت أوراكه وخفافة .. صخرة ما عنده ميثالي
في اين نار ايجيه انشافة .. يبدالي بالذيل ايشالي
وين ايزوم ابصر من شافه .. يرزم كيف الرعد المالي
يعزق ورورتة زنعافة .. حفلة مقران وطبالي

لشاعر( دكام على دكام المقرحى )
م ن ق و ل